清蒸金馬頭

時間過得真係好快又到星期五，今晚放工去到街市要買定明天煲湯料去老豆到，買咗粉葛㷛湯行去魚檔本來買側魚，最後忘了因魚檔老板極力推介條海魚叫金馬頭，我本想買條側魚煲粉葛，已經話唔食他就說不是馬頭，是金馬頭好底食平比我試，蒸又得煎又得，我連馬頭都未買過何況話金馬頭$40我就覺得好貴，一條烏頭都喺$25，到最後都被老板講到唔買唔得就忘了條側魚，返到家等老公回來睇下蒸還是煎，因我自己就唔食，細女就話蒸啦好似烏頭凍食點豉油，咁就簡單洗淨加少少鹽搽勻全身再去蒸，簡單又快捷再滾多個金菇腩片奶油白菜，一飯煲一蒸又一餐

咁樣蒸魚最簡單而且好鮮味，15分鐘就食得
材料：魚1條，鹽1/8茶匙

魚一定要洗淨入面的血同黑色野蒸出來的魚就會好鮮甜而且唔會腥洗完就用鹽搽勻全身

 煲水，水滾後放入魚蒸十分鐘

 蒸好後，會出好多水

 將水倒咗可熱食又可放涼後食，食時點豉油會食出魚更鮮甜

 金菇腩卷如果煮湯，就最好煎一煎因為金菇會出水

 煎好的金菇加些少鹽同黑椒調味

 湯煮好就可將金菇卷放在湯面