臘潤腸菜圃炒飯

昨晚阿好來食飯炒左個臘腸菜圃蛋, 當時d女見到以為炒飯, 今晚就要食, 咁就用潤腸啦, 因為過年阿妹公司大抽獎, 抽到美心大盒臘味, 送左一部份比我, 今晚就炒個飯加多碟菜簡簡單單又一餐

豆醬油條, 魚柳蛋豬頸肉麵

昨晚老公上去街市加餸時見到油條特價$5.00就有一條, 知道d女好鍾意配豆醬, 今早就在焗爐加熱油條和加多碗熱豆醬, 老公就煮個麵, 簡簡單單又一餐

一雞2味之豬肚咸菜煮雞加香草焗

今日飲茶時叫左咸菜豬肚, 點知太咸無咩人食, 我就唔客氣打包返屋企, 食得唔好浪費, 就去超市買左只雞本來加入去一齊煮, 點知個女話好想食雞肶, 就將只雞一部份加入咸菜到煮, 另一邊加多只肶就用香草醃完再焗, 淋住簡單2味就算, 點知細妹又話上來食, 阿妹話又話可唔可以食菜圃炒蛋, 就叫老公去買條魚, 再加多個菜圃臘腸炒蛋, , 就喺咁本來簡單的一餐又變了好豐富的晚餐

乳酪蛋糕

同大伯一家飲完茶回後同老公買完餸返到家都喺二點幾, 見雪櫃有d乳酪就到期就簡單焗個蛋糕, 出來味道都好ok, 下次可以再整

簡單焗豬頸肉

今早煲了湯, 回家只簡單焗個豬頸肉同和炒個西蘭花魚柳就算, 今次豬頸肉只用薑汁酒豉油糖去醃出來效果都好好味再配薯仔一齊焗

粉葛赤小豆側魚湯

天氣潮潮濕濕好唔舒服, 好耐無煲粉葛赤小豆側魚湯, 昨晚買好哂野, 今早出門前又用真空煲去煲落湯, 今晚返去滾起加鹽就飲得

茄子肉絲炒陳村粉

今晚見雪櫃樣樣淨少少, 陳村炒又有d, 本來用茄子肉絲蒸, 最後加多只辣椒去炒, 原來炒出來更好味

栗米魚柳方包pizza

今早好簡單用魚柳和栗米芝士放入焗爐焗完出來好似pizza

豬潤什錦煲

馬家的晚餐一星期總有一/二晚一煲過方便又快捷, 今晚又喺一煲過就用昨晚食淨d魚再加d其它, 今晚其實買到豬潤又試吓點樣可以做到粥檔的爽口, 但試左好多方法都唔得, 今晚就用左些少食用梳打粉去撈一撈, 但煮完都喺唔爽, 你地有無好方法分享吓啦 ????

螺絲蝴蝶粉

昨晚大女話喺學校會好遲返叫我地唔哂等, 回來時又打來話未食就煮左個肉醬螺絲蝴蝶粉, 點知又話太夜唔想食只喺食左生果就算, 今早就簡單加d腸加d菜返炒做早餐

 

簡單香辣金沙骨

今晚返去只喺焗個骨炒過菜就搞掂, 早一晚已蒸左條烏頭, 全家都鍾意凍烏頭點豉油但隨左我, 我只食檸檬蒸或果皮冬菇絲蒸, 今次個金沙骨唔同平時只用叉燒醬去醃, 加多左豆板醬出來的味道更惹味

腸仔肉碎薄餐

今早簡單用腸仔肉碎開d麵糊煎左薄餐, 簡簡單單又一餐

蒜鹽煎九肚魚和鯇魚腩

今晚放工順利好早返到去就去街市行吓, 見到十蚊有一大碟九肚魚, 就買返去煮給老公食, 他最鍾意椒鹽煮, 另外打算買件鯇魚腩留明天煮給老公帶飯, 點知話明天公司有得食, 就將鯇魚切件一齊煎, 好簡單只用蒜鹽先醃, 煎好後個個話夠味唔哂再加蒜茸和紅椒再炒就喺咁簡單

火腿蕃茄栗米奄列配多士

今早用火腿蕃茄栗米做左個奄列再配多件多士簡單又好味

肉排蒸茄子

今日好簡單煮飯時加個肉排茄子一齊蒸煮, 方便又快捷, 有菜又有肉啦