網頁

2015年12月31日星期四

晚餐之打邊爐迎接2016

每年除夕都會約班同學上我家打邊爐,今年雖然轉咗新工都無減我的興趣,班同學都上來,今日又係只放早半個鐘,好趕去買野就立即趕回家洗,還記得舊年就放早幾個鐘回家就輕鬆好多,今晚好開心可惜買唔到香檳,只係用茶代替,細妹帶咗肥牛同靚朱古力,同學有啲帶飲品,有啲帶生果,細女就好叻喺學校附近買咗芝士蛋糕回來給姨姨同叔叔食,大家都玩得好開心,倒數完食完蛋糕同生果就散,過咗一個開心快樂的一晚











除夕日之學校午餐

話咁快2016就到啦,今日返到學校又喺搞咗些少野就出去買餸煮飯,估唔到主任回來帶咗奶撻比我哋食,回來主要喺睇下我哋做成點,我哋都算唔好彩,剛休息就被人睇到而果四個就好好彩,喺到坐點知主任回她們就做緊野,好似有人報料咁,有時真係幾無心機,算啦無論自己做得幾好都無用就,所以都無心情只係煲咗青紅蘿蔔沙,炒旺菜,蕃茄肉片炒蛋同蘿蔔什丸,點知果四條友唔食只食湯料,因為知道用新鮮料,其它餸就唔食,最後入咗垃圾桶又浪費了都無法



2015年12月30日星期三

晚餐之西楊菜煮魚皮餃

今日花姐終於放完假回來了,今日又唔洗煮因為要大洗廚房,以前六個人一齊洗,今次只得二個人,是實上2個人無可能,因為唔係抹咁簡單,又要全個廚房洗,一個四個門的大抽油煙機,要幾個門攞出來洗,再抹油煙機周圍都幾大,搞掂完都半日,又要漂碗,碟所有用的食具,抹牆......2個人做6個人野點可能一日搞掂,但盡量做唔理得太多,學啲人話做到幾多就做幾多,搞唔哂就由它,搞搞搞都清潔咗大部份明天有時間再繼續,因明天還有其它工作,我就上午買餸煮飯,下午就要幫手清潔
今晚得我同老公,清舊餸之餘炒個老公最愛西楊菜,以為2扎好多煮完得返一碟,夠食就好,再滾返昨晚的湯,真的是是但但又一餐


2015年12月29日星期二

晚餐之芹菜蒜煮三文魚頭

新工做咗半年,從未試過今日有時間休息,之前放假同啲姐姐一齊清潔都幾開心,做完就搵野食,大家傾下講下又一日,今次假期一樣要幫手清潔,點知換咗二個新人比二個喺度叫做耐些少的更利害,搞到啲野分開做,各自做完自己野就各自hea,我想幫人哋都唔會要你幫,原來咁樣都好好,真正有得休息下,總之我搞掂今日的工作就得,想插我應該都難,下星期就會回復正常又有排忙,放工淋住得我同老公就簡單炒個菜同整老公最愛芹菜蒜煮三文魚,點知細女話可以回來食,咁就去街市行個圈,只買咗薯仔番茄就煲個湯先再去超市買肉,返到家先記起還有豬手淨,咁就返熱無去超市買,是是但但又一餐




學校午餐之肉碎蒸蛋

今日如常回校仍然假期,只係煮十個人飯,人太少無訂野搞掂就出超市買餸,今日的午餐什菜湯(薯仔,蕃茄,粟米,洋蔥,蘿蔔同合掌瓜),菜煮西蘭花,南瓜豆卜金菇炒雞同肉碎蒸水蛋,因下星期開始又轉新食譜,主任叫我跟小朋友一個餸,有個菜再加多一樣,下星期的新單有肉碎蒸水蛋蒸,在家容易控制,但人多就難搞,所以今日都係試下先,好彩都蒸到,但今日都係蒸一碟,下星期就要連仔蒸8碟,希望搞得掂啦,四條友好古怪,未齊人唔會等自己裝咗飯同一大碗餸就離枱,可能有我掛,老師見到個個坐門口就問點解唔喺枱食,啲人就話門口是她們的辦公室真好笑,更好樂得清淨








2015年12月28日星期一

豆豆臘腸芹菜炒飯

今日放工時花姐打比我,剛從大陸回港順便攞家鄉野比我,我本來想同她飲下午茶,原來她唔太舒服提早回來睇醫生,咁攞完傾咗陣就各自回家,她專成攞咗梅菜同豆豆,話啲仔女最喜歡她煮的豆豆飯,教我點煮,返到去立即買咗芹菜加2條臘腸就搞掂,好簡單但就好好味,煎三文魚骨,炒個菜同滾豆腐湯,簡簡單單又一餐




 花姐帶回來給我我家鄉特產
 材料:豆豆半包,芹菜1棵,臘腸2條
 先喺飯煲煮二杯米加豆一齊煲
 將芹菜洗淨切粒,臘腸切粒
 飯熟就先臘腸爆香
 加入芹菜炒香
 煮熟的豆飯
 加入豆飯
 炒勻試味就食得

學校午餐之士多啤梨雞翼

今日入回廚房做自己野,回校搞掂啲野就出去買餸,只喺煮十個人飯就好輕鬆,全程一個人搞,我的好拍檔攞咗假去玩,只有自己一個人煮好搞掂食完就清潔,下午就跟下星期的餐單,上星期有個老師請食士多啤梨但無人食,今日就利用去煮雞翼唔好嘥,炒個菜同煮蘿蔔豆卜煮排骨再加多個牛蒡湯粟米湯,啲人真係好怪,煮好就第一時間食唔等人,我就出去叫啲老師同寫字樓,快快手手又一餐



材料:雞翼2磅,士多啤梨2磅
醃料:酒1湯匙,豉油2湯匙,鹽1茶匙,糖1湯匙,生粉2湯匙
先將雞翼解凍洗淨加入醃料撈勻
士多啤梨洗淨去頭加一湯匙糖撈勻
 先將雞翼煎熟

 煎好的雞翼回鑊加入一半士多啤梨煮
 試味後將淨底的士多啤梨加入炒勻
 就可上碟