產後食療之糯米酒製作過程

自從轉咗呢行就好想親手做啲糯米酒比我照顧的每一個新手媽媽，但開始時好忙又不停增值自己，今次終於成功完成第一樽酒，之前上綱睇好多，家姐又教過點做，以前我媽媽喺好叻整，我哋坐月都喺食媽媽整的糯米酒，而家餵人奶就唔會好似我哋日日食，有啲媽媽都唔會食，怕bb有問題，其實糯米酒真係好有益，我都會煮比啲媽媽試起碼知道喺咩嘢味，而家都好方便隨便都買到，但有啲就唔知有咩成份，自己整就知有咩嘢，其實簡單三樣嘢就可以做到，唔係綱上咁復雜，第一次做時睇得太多又浸米，又加酒又見人用水沖，真係好多好多，而我第一次都有浸就無點過水，我真唔明點解有啲用水，唔係會好易發霉嗎？我做好第二日就發霉，原來加酒餅後無再放涼就入樽所以霉哂唔要得，咁再試就聽過老人家講，點洗咁麻煩，買糯米返去沖洗乾淨喺飯煲好似飯咁煲，煲完放涼，將酒餅壓碎平均撈勻，切底放涼後入樽開個洞放一粒冰糖，第二日就有酒，如果想濃味啲就加樽米酒，我聽完就試呢個快而且簡單，真係好成功咁第二日就見到好似有啲水，再過二日已好清楚睇到，今日第8日見到一吋啦，好開心又喺到分享下

材料：糯米2斤，酒餅2粒，冰糖1粒，
           消毒無水的十斤玻璃樽

糯米洗淨煲飯一樣煮熟 

 飯煲跳制可先打散啲飯

酒餅先打碎

 飯先放涼唔太熱到手就先將酒餅撈勻

切底放涼原全唔熱先好入樽，將米入好中間開個洞放粒冰糖跟住用布蓋好  

第二日已睇到有些少

第三日已見到有半吋酒

 第八日就見到成吋

晚餐之煮雞酒

差唔多休息咗個半月，諗住整好多嘢，處理下屋企多啲空間，囡囡二個都大，雜物就越來越多，點知都係做唔到，睇下書，上下堂整下嘢，諗住有時間又學人整糯米酒，上綱食譜一大堆，有啲話加酒，有啲又用水沖，家姐就話浸過夜煮熟糯米加酒餅就得，最後自己就將她們的去試做，無用水沖，我諗唔係要乾爽嗎點解會用水，唔會發霉嗎？所以我做成個過程無用接觸水，浸咗米第二日去煮熟，放涼些少加酒餅，可惜未凍哂飲樽，第二日打開有黑點同霉菌，問家姐唔要得，咁我就問要加酒嗎？要用水嗎？她說通通都無就係之前講咁做，她說她成功還攞咗細半樽比我試，咁今晚就買只雞用最簡單的方法煮，煎香啲雞加薑絲炒好就加一碗糯米連米的酒去煮，最後加些少鹽調味，啲囡都係第一次食，味道真係幾好，缺心明天再試，其實整呢啲酒喺希望我照顧的每個媽媽都可以試到，因為而家餵人奶的媽媽都唔咁試，自己釀製會知道用咗咩嘢料去整，感覺會唔同啲

完工前的準備

時間過得好快，還有幾日又完成一個月的工作，呢個星期好忙，7號滿月，8號去健康院打針同擺滿月酒，9號要去醫院抽血，第一次見抽血要驗尿，將個尿袋仔貼喺囡囡小便處，如果大家有咁情況，攞返尿袋仔就要小心，bb 啲皮膚好嫩，小心整痛Bb, 抽血以前跟過好多個未試過呢間唔比大人陪，搞到阿囡晚上成晚咸又唔喺食，媽咪成晚無得瞓，所以大家如果有咁情況就堅持一定要喺到，抽血好小事唔明呢間點解要咁，還要用板縛住個30日人仔，搞到咸不停，在外的我們好無助好心痛，跟住二日就清藥材，媽咪最初話整十幾包，最後希望幫她整夠60包，我走後可補足100日，時間更趕，平時都早去遲收無時間，咁星期日買咗料就在家繼續包，雖然好忙，但都做哂先走，好彩呢個星期老公放大假，呢幾晚都喺他幫忙煮晚餐，所以遲咗返都好輕鬆，如果二個食就好簡單一煲過，啲女返就準備魚，菜我返去諗肉，每日都好忙好忙又好攰，遲啲就可以休成個月先繼續努力
再加的藥材，在家包好先因怕無時間

每份都寫清楚要加咩嘢肉同點煲，方便她們繼續補

 最後一星期前放假的準備

通常都係簡單餸，呢個媽媽無人幫，就整定更簡單

 呢個星期如果得我同老公通常簡單一煲過，湯飯或麵

呢個喺媽咪其中一餐的午飯，一定有個湯，今次奶白就係魚湯

呢個好特別叫做冰，包仔入面喺啲葉忘記叫咩，好似玉但話唔係，喺水上人的習慣，bb 滿月就係排喺身保平安直到大，如果讀書唔可以掛就放喺書包

 咁細個驗尿就用呢個方法

水上人坐月食的薑醋

今日呢個媽媽12朝，傳統都會預備薑醋等親友探望時會食或者會送比親戚朋友，而滿月後薑醋就唔出門，只招呼啲親戚朋友在家食，各村鄉村各處例，第一次見識到水上人的薑醋好特別，喺度同大家分享，她們的12朝同一般都唔同連薑醋都好特別，通常預產期前1－2個月會開始煲，而她們就等生咗之後先煲，我哋就用薑醋先煲薑膽，等12朝加豬手同蛋，而她們就生完開始煲，而喺用炒到金黃的米煲水，去咗炒米加入白米醋同糖，如果想黑啲就加黑糖煮，煮好就除薑之外就會有豬手，雲耳，黑豆，雞蛋，雞腳，腩肉一齊煲，真係好特別，12朝那天就會用一個煲裝起部份比產媽媽，未食得都要放喺餐枱倍住她，呢個媽媽都覺得好奇怪，她食過都唔係咁問我唔食得唔得，我話暫時都未食得，或者買支醋回來再煲過你喜歡個種，我就無試過但講真見到都唔想食，而她老爺，奶奶同她的親戚就非常欣賞，三大煲已經食咗差唔多一煲，每天都裝一大煲上船食，叫我都可以試下

呢個十斤裝的煲就見到好多料

呢個煲仔就係媽咪要食的，每樣有些少，唔同我哋啲薑醋，雞蛋煲咗十日都喺咁，如果我哋煲甜醋幾日就變鐵蛋

呢個媽媽喺客家人，今日她媽媽帶咗幾支黃酒，二只雞，還有煮熟我以為喺雞的肉用嚟炒節瓜比媽咪做晚餐，點知原來喺兔肉，人生第一次見

每次完工前的準備

每次完工前都會好忙，因為隨咗本身的工作安排早，午，晚餐，燉湯，下午茶同晚間的糖水，同bb沖涼.......等淋收工都會因每個媽咪的需要去準備補身湯包同炒米茶，等她們可以繼續補足100日

包裝好後都會清楚寫湯包的材料同點樣做，方便她們容易處理

三大袋已包裝好的湯包

先將每款入細袋

包裝好後分類入大袋

通常都會執定補腰，護髮同去頭風的湯包

炒定果皮炒米茶，再包裝好，啲媽咪繼續有得飲

炒好後包裝成茶包，可隨意加入紅棗，杞子或元肉

只要將茶包放入保搵杯，先用熱水沖洗第一次唔要，跟住加入滾水浸15分鐘

就可倒入杯飲，或直接飲用非常方便

二日忙碌去醫院送產後餐

呢二日好忙，因為個太太未出得，上星期痛左三日最後都喺星期三晚開刀生咗，生完後細燒完到媽咪燒，搞左幾日以為無事可以出院星期一可以開工，點知星期日又燒話唔知咩事，問我可唔可以洗頭沖涼，當然唔得生完出汗一定要沫乾，咁先唔容易冷親，她話有換衫但濕完又乾，可能就喺咁所以燒完又燒，我由她入院跟到生，生完再跟咩嘢食得咩嘢唔食得，叫家人先燉肉汁可幫助身體快復完，她都答好，知道，有，到星期日話又燒應該又等幾日先知，最後自己引唔住問她攞地址話燉啲肉汁可以康復快啲，她好開心立即比我，咁星期一搞掂完個個出門就去街市買嘢，回家一邊燉汁，又煲湯煮飯炒菜趕12時去醫院，都要個幾鐘先到，現在有Whatapp 真喺好方便，通知她黎緊等我，呢二日都喺清淡餸菜同湯水，
星期一：燉肉汁，煲咗蟲草花肉餅飯
菜心炒肉片再加瑤柱合桃雪耳無花果豬展湯
今日星期二：燉肉汁，菜心炒肉片
蘋果豬扒同瑤柱合掌瓜豬展湯

晚餐之煮食班之雞，雞雞同生炒骨

因為新個太早咗出院，咁我就早咗幾日返，今日因之前報咗個煮食班，所以今日都喺幫上午，搞掂哂就立即走，她彩都無遲，我喺從來都唔會舍得比錢學煮食，但今次喺因之前的太打沈咗我，令到我全失去信心，今堂唔太貴$350上六個鐘還有2款雞攞返家，咁今晚又要老公幫手買菜同魚，因有肉帶回去，學整生炒骨，豉油雞，佐堂雞，海南雞飯同糊椒豬肚雞頭尾湯，第一次試食炒雞冠，好特別而且都好好食，老師話骨膠原好豐富，今次都有得著又多二本煮雞的食譜同認識不同種類的雞，煮法就無咩特別，味道又好個人，我哋一組四人，有個就要跟足老師，但有二個就無所謂，因咸甜味個個唔同，有啲見到老師落好多糖就嘩問可唔可以少啲，我就無問題，但有啲就好好笑要跟，我都無理又大約自己因份量，好彩啲同學都滿意，整完試食就聽博士講雞的理論，好開心又學到嘢

 回家只喺炒菜蒸魚又開餐

 老師煮的

 海南雞飯

 海南雞

 炒雞冠