網頁

2016年2月29日星期一

晚餐之三文魚二食

今晚只有大女喺度食,昨日遊時買咗個菠蘿,今晚就加幾只雞翼同鎚去煮咕嚕菠蘿,而老公星期六買咗三個三文魚頭,早一晚已經煮咗個,另外二個有一個好大還可以起到件肉,今次就好底,咁今晚就薑蔥煮再加香煎魚扒炒多個菜又一餐




2016年2月28日星期日

晚餐之焗豬頸肉

今日玩完都要回家煮,因為兩個女都回來食,早一晚已經醃咗豬頸肉,今早出門又煲定湯,返去買菜同魚就搞掂,今日我哋請阿妹去遊,阿妹就買大盤壽司比啲女,咁當然最開心就係啲女又有壽司食,開開心心又一晚







一日遊之雲泉仙館齋宴

今日同家姐,姐夫同細妹一行五人參加業主會搞的新春一日遊,第一站鐃宗頤博物館,跟著就雲泉仙館食午餐,下午就到林村許願樹最後就大埔火車博物館,好多地方都係重遊,人物唔同,但就好開心叫做輕鬆下,今日最好笑喺雲泉食齋,無飯無粥,一有啲人就搶,有啲上咗年紀就講,估唔到這種場面會喺度睇到,後來才知她們講咩,我真係第一次見,喺我哋個圍的婆婆要食飯,我哋就同她講食住餸先,她唔係一定要食飯,咁我哋就周圍睇,一有飯就立即走去搶,真的喺去搶,見到有枱有飯出成盤攞返去好誇張,阿婆食完又要飯,好食得最後食咗四碗,而其它人都無咩點食,攞到回來的飯就先比阿婆,後來差唔多要走才有飯出,可惜我哋都要走



















2016年2月27日星期六

晚餐之黑椒腩肉片煮金菇粉絲

今晚細女回來食,點知大女又話趕唔切,一早已經煲定湯,但放工都去街市睇下有咩買,難得回來食就煮她最愛,去到街市通常都行個圈,啲菜都開始回落,買咗細女最愛黃立䱽,金菇同小塘菜,再去超市買火鍋腩片就回家,今晚終於又見到三餸一湯,見到細女食得津津樂道,幾辛苦都開心,食飯時又講下學校的事,開開心心又一晚




2016年2月25日星期四

二人晚餐之海鮮什錦湯

今晚預咗煮蝦仁炒蛋,糖醋骨,炒菜心,點知又係二個人食,咁二個就是但食,將蝦仁加魚肉去滾菜心,再煎幾塊咸肉比老公,預咗啲料就炒蛋食唔哂可留明早做三文治,咁就咩都有,簡簡單單又一餐



2016年2月24日星期三

晚餐之同學興生日在龍寶

二月生日的同學因近新年,時間改了又改今日終於出來順便團拜,生日同學又要求去龍寶,算多嘢食又可以坐得舒服,今晚自己就唔底食唔到嘢只係坐,因感冒令到肚唔舒服,已經二日無咩食嘢,今晚都係影同學攞入來的食物,還有打邊爐,食物比上次好味,還有溜心芝士撻,今次有得睇無得食,為有下次到自己生日再來