晚餐之蘿蔔炆羊腩

今日同同事食完午餐，喺附近行下大家都食得太飽，行行下已經4點大家都各自回家，今晚個個都返嚟食就買咗馬友清蒸，之前喺樓上買咗2磅羊腩以為特價先知搞錯就算，先炆定食時可隨時加啲嘢去煮就搞掂，今晚就加咗蘿蔔攞咗些少已煮好的羊腩再煮15分鐘左右就食得好方便，出門前喺飯煲整定豉油雞，炒菜蒸魚加多個豆腐忌廉湯又開餐

同事提早同我慶生日午餐在 Feast

今日約咗舊同事食午餐，本來話訂海洋公園入面一間話好多嘢食又抵食，可能時間太急無位就去咗太古城附近的Feast 食半自助，呢間酒店去今次第三次，第一次喺好多年前食都喺半自助已經要幾百一位，主要喺我同事話最想食的一道牛扒非常好味唔喺成日有，剛好果次有所以就訂咗又喺同我慶生日，呢個同事請我一定喺好嘢而且貴，記得果次有蠔任食，而我哋都唔食最後喺我人生第一次食咗4只，我腸胃唔好同唔太喜歡所以從未食過，當時我見啲人不停出去每次只可2只，我同事話喺呢度食蠔唔怕叫我一試，我就好勇試咗2只都可以再食2只，同事好開心叫我再食，我話唔得都未知點所以都無再繼續，講真食半自助主菜就一般價錢就唔值，如果食生蠔就好抵，今次都喺半自助連加一550左右一個人都幾貴，但同事上網訂就有八折，我哋先叫2個主菜後出去睇下有咩食，而家食物種類多咗同好精緻，大家掛住傾到唔記得時間，有好多都無試，而同事話下次再嚟，喜歡坐得舒服食物都唔差，同事訂枱講有生日，正式生日要去到4月中後先到，今日就提早慶祝先，有幾款甜品整得好靚比我當生日蛋糕吹蠟燭同影相非常開心

出面部份冷盤

部份前菜

主菜之蝦意粉

另一主菜的香煎鱸魚

最後當然就喺咖啡同雪糕

部分甜品

好特別的生日蛋糕

太古城商場入面有個懷舊展，難得見到自然又要留影

晚餐之味噌醬煮鯇魚

雖然放假每日都好忙，疫情過去見還未開工有時間都喺去探啲之前湊過的仔仔女女，有啲已經上小學，今日又約咗個婆婆去飲茶，一早搞掂哂各人就準備些少食物同小禮物就出門，孫女返咗學所以先上她家坐下跟住去食午餐後接埋她孫女，我就買餸回家，今晚3個食本來買咗魚煮飯，阿囡想食粉麵，就簡單炒咗麵滾咗菜湯同照煮鯇魚，今次將魚半煎煮加咗些少味噌醬同酒撈勻去煮個魚，味道非常好，下次可以再試其它魚，是是但但又開餐

小朋友收到小禮物好開心

晚餐之粉絲肥牛煲

咁快又過完年，呢個星期都約哂人，今日約咗老師午餐，又一早起身煮好早餐，午餐盒都無時間去瞓多陣，整蛋糕，格仔餅同糖果仁，忙完就立即出門口，約咗12點喺尖沙咀鼎泰豐，呢個老師都成年無見，好開心坐低就掛住傾，簡單叫咗些少嘢，傾下食下好快又2點幾，老師要趕回去接孫放學，我就搭車回家買餸，今晚煲咗椰子雞湯，齊人就買條大啲黃𩶘倉個個都喜歡，見好新鮮就簡單薑蔥蒸，平時多用豉汁去蒸惹味啲，好耐煲煮沙嗲粉絲煲，買咗樽泰國沙嗲試一試但個味都喺唔夠，炒多個菜同焗幾只雞翼又開餐

午餐

樣樣少少味道都唔錯

特別呢個牛肉麵，啲牛肉有啲根同肉，咬落軟淋好味，我唔喜歡全肉好硬

醉雞都好入味

豐富晚餐慶元宵

去完旅行回來好忙，第一日就先清潔行李同衫，第二日就約咗人，未開工日日都安排去探啲BB 同啲朋友同學出去午餐，今日喺元宵諗住唔出去昨日己買好哂嘢準備今晚果餐，之前幾年過完年初四就開工，今年就休得比較長，可以跟團出去玩咗2個地方，本來1月中都有個媽咪點知比她甩咗，最好笑喺搵咗陪月點知做咗2日就覺得唔掂同我講幫唔到上奶，唔識湊b同煮嘢好難食，以為我有時間想搵反我幫手，可惜我又接咗個舊媽咪做散2個星期多啲幫手train個嫲嫲去湊孫做到年30，本來想叫我做2個月，我無時間初五又跟團去台灣，家中各人今日都要返難得我休息就煮返餐豐富過節，午餐細女話有時間同我午餐以為她收12點原來食完再回校繼續工作到3點半，我就同她去薩莉亞食，食完她先回去我就埋單周圍行，咁啱喺官塘有節目又去湊熱鬧，好多嘢派去到已經係尾聲見到人攞咗好多毛巾曲奇餅，利市金牌同匙扣等等，而我好彩都攞封利巿金牌同匙扣好喜歡，咁大個女第一次喺元宵節可以預到去湊熱鬧，影下相好開心，今年最開心見到幾次舞獅，同家姐喺極上就上前比個利市同只獅影返張相，之後喺街到見到又喺街市同商場，果次人太多見到3只一齊紅，黃紫3只色太多人埋唔到遠遠望完就趕回家，今晚細妹都過嚟又買蛋糕，細女又買湯丸，食完飯就食湯丸同芝士蛋糕做飯後甜品

雞，燒鴨同燒肉

茄汁蝦

花膠海參冬菇鮑魚配豆苗

人參燉雞湯

士多啤梨芝士蛋糕

芝麻湯丸同阿華田味

午餐同細女喺薩莉亞

飯後喺觀塘裕民坊附近

晚餐之紫菜湯配炒麵

旅行回來後見未開工就約朋友，老師同之前做個的媽咪，之前一直都好忙舊年12月完工答應咗啲媽咪返去探她們都無時間去旅行又幫個媽咪打散，今日約咗個成年無見的媽咪返去探仔，一早準備各人出門就整啲小食蛋糕仔同格仔餅再焗啲果仁都喺她們最愛，去到坐一陣傾下就買餸回家，大女話好想食雞軟骨就買咗一磅，而家貴好多之前都喺30幾蚊而家要差唔多50真係離譜得緊要，要再去搵下邊度平先得，去旅行前買咗個麵喺過年幾日都無炒到又要清糕同之前肉，今晚買咗牙菜加啲肉片炒個再配紫菜豆腐湯，簡簡單單又開餐

加多個雞軟骨，菜同藥膳雞

阿囡今晚專登買咗呢件80幾蚊的蛋糕比我哋上，但我就食唔到幾好食，哈哈哈

包裝就好靚，連支乂都好靚以為喺不銹鋼，其實喺膠的