網頁

2021年1月31日星期日

晚餐之咕嚕排骨

話咁快又到星期日,今日都係早起因約咗3月媽媽家訪,整咗簡單同老公食完我就出門,通常唔熟地方都會早啲去搵下,方便自己遲啲開工容易因時間,呢個媽咪好好,簡單講解生前有咩注意同生後的飲食同注意,睇下需要的物品,BB瞓覺同沖涼地方,了解一下到開工時就好處理,因為頭幾日會比較忙,家訪最主要喺送啲炒米茶包比媽咪帶埋入院,生完就隨時有得飲,媽咪同奶奶都喺度傾得太開心,傾到過咗午餐時間真係唔係幾好意思,之後還請我食午餐後已經3-4點回家,忙咗好耐今晚終於親身煮返餐,啲囡食外賣同一煲過粉麵食到怕,見時間還早就順便買餸回家煮返餐,整咗她們最愛的咕嚕排骨,馬頭買比啲媽咪食就多,今晚就試下對魚一般的我就覺得無咩特別,阿囡話頭痛就買咗大魚頭回去燉天麻,好少飲藥材湯的女兒就覺得好難飲,老公就好喜歡特別喺食魚頭,炒個蒜蓉豆苗同釀紅黃椒又開餐









2021年1月23日星期六

豐富晚餐同細囡慶生日

時間過得好快,又一年啦阿囡又大一歲,祝囡囡生日快樂,健康幸福過每一日,呢幾年生日都會出去食飯慶祝,今年就要喺家過, 老公休息教他煮個鴨血麻辣雞煲喺囡話想食,再買火鍋料食完打邊爐,家姐就買蛋糕,我就買咗阿妹喜歡的壽司同鰻魚,樣樣有啲變咗小型自助餐,阿妹好開心,邊食邊傾又幾個鐘太開心,飯後就食蛋糕影相,明天星期日個個休息,只有我約咗5月媽咪簽約,因為疫情關係而家呢個媽媽又延長到2月尾先完工,只有星期日先可以約媽咪出嚟,早5個星期日又幫家姐做月子餐,所以搞到而家先有時間同5月媽咪簽,7月就要過完年先安排到,下星期就安排3月媽咪家訪,希望疫情快過大家又可以回覆正常









2021年1月18日星期一

晚餐之外賣壽司

又一個星期,忙忙忙連做個幾月連星期日都做無停,今日最後幫家姐做月子餐,BB滿月啦好開心,又喺一大清早去買餸行幾轉先買齊,一次過實在太重啦,因為最後一次就準備更多,再安排多個半月左右的燉湯包,家姐怕好忙想我執定啲湯包等囡囡補足100日,就準備5-6款,有啲10包有啲5包共50包左右,所以今日更早去買嘢,做做做整整整又5-6點,剛搞掂哂家姐同姐夫就到,阿囡怕我太辛苦就買壽司回來做晚餐,已經煲咗湯再加個菜,阿妹又想食麵又煮多個麵,早餐買得太多點心又返熱加埋,今晚真係是是旦旦又一餐 

阿囡買咗好大碟的壽司




今早我買咗點心,阿囡唔知又買搞到好誇張,老公話食3晚都食唔完,點會呢今晚再食啲,明天帶飯唔洗煮,晚上食多餐就搞掂,哈哈哈
昨晚留部份蟹煲粥,全家最愛都係呢個粥


今日最後一次更多嘢,預備個半星期的肉,湯包料同燉湯料,些少菜

50個幾款的燉湯料可以補足100日









2021年1月16日星期六

晚餐之薑蔥炒龍躉胃

每日都好忙晚晚都8點幾先到家,早幾日BB要打針又一早去到媽咪家一齊出去,點半左右先回去,個媽咪提議叫外賣,好彩8點到家早一日買定料去到先煲定湯,返到去立即同BB沖涼餵奶搞掂完食埋嘢就立即準備晚餐,而家BB越嚟越扭要人抱,搞搞下又過哂時差唔多6點幾7點先收工,回家又好晏有時外賣有時一煲過,好彩啲女無投訴,老公就時時都講是是但但又一餐,今日老公休息買餸煮飯話好豐富唔洗加料,有蔥爆龍躉胃,蒜茸炒豆苗,鹵水鴨,薑蔥炒蟹同粟米忌廉雞湯,又買咗我最喜愛的蟹,雖然喜歡如果得我一個就唔太喜歡,又買咗龍躉胃,今次薑蔥爆炒啲女唔知喺咩,但一食個個唔停口好快就清哂,蟹2個女就唔食,留起一部份明早煲蟹粥反而2個女就最喜歡,開開心心又一餐

薑蔥炒龍躉胃,煙韌又爽口,口感好特別
今次老公買膏蟹真係好多膏



2021年1月3日星期日

晚餐之香草焗金沙骨

忙,忙忙又到星期日,應該要休息一下,但又要幫家姐準備一星期的燉湯,湯同餸料,今早諗住一早起身點知瞓到8點幾老公問唔喺要早嗎?我非常唔想起最後都喺起身洗面刷牙飲杯熱水就出門,因為上星期好趕先搞掂,諗住今日早啲去買完回家就唔洗趕,最後都5點幾家姐同姐夫到時剛搞掂,要買好多嘢行3轉又唔係自己屋企樓下有街市,行上去買咗部份嘢已好重,所以分幾轉,買雞,肉,魚同菜,搞掂哂休息一下諗住今晚叫外賣唔煮,其實昨晚就醃好嘢諗住1-6都喺食粉麵,叫外賣,最後老公煮蒸魚炒菜焗雞翼排骨就搞掂,啲囡見到好開心,好似好耐未食過正常一餐,哈哈哈真係要諗下

因冰箱太多嘢,啲肥牛放唔入加蒜,豉油炒一炒,阿囡話好好味,今日整魚時有啲魚春老公加蛋炒一炒,啲囡都食唔到喺咩但就話好好味,少食多滋味
老公將昨晚淨的羊腩加金菇煮一煮又多個好味餸



餸料,豬,鮮魷,雞每樣清洗乾淨後醃好入盒再寫清楚
湯包都分好入煲加水煲2個半鐘,燉湯就入燉盅加水燉3個鐘就飲得





2021年1月1日星期五

元旦晚又打邊爐

今日2021年的第一日先祝大家新一年身體健康,事事順心,疫情快過可以回復正常生活,今早只有我要開工,一早起身食完簡單早餐就出門,呢個媽咪比個囡囡搞到無得瞓,呢幾晚要抱住先瞓,唔知喺咪之前聖誕媽咪同爸爸啲朋友嚟過聖誕太開心,搞到媽咪都唔比朋友再嚟,所以昨晚他們一家3口自己倒數,我今早回去個媽咪好開心,食完早飯立即去瞓,我就先搞掂BB再去準備午餐,蓮藕章魚花生排骨湯,午餐買咗燒鴨,鯇魚請她們食再加多個菜開開心心開年飯,下午茶就燒鴨瀨粉喺媽咪最愛加燉天麻魚頭湯,晚餐就幫她們準備香草焗雞,蒸石班加個菜,BB今日真係好扭要人抱,好彩唔太扭我可以做到嘢,搞掂完又差唔多7點就收工,回家老公買咗蝦,蠔好多嘢話好開心估唔到今年都有花紅分,所以要慶祝一下,開開心心又開飯

肥味的生蠔

好大只的蝦
最愛的三文魚頭
昨晚未炆淋的羊腩