網頁

2017年9月30日星期六

陪月完工的晚餐

好快又個半月啦,咁快又完工啦,最開心就係bb無事退黃,我可以安心完工,本來有個媽咪叫我幫手做二星期,咁呢個媽咪想我繼續做,我最初唔知十月個媽咪唔洗我幫,我又想休息下,咁就無應承只做到今日,講好我未開工有事隨時搵我,我又答應個仔打二個月針我同她去,今日準備好明日同後日的燉湯同早餐,湯包,炒米...等,搞掂哂走時最開心就係收到封信,無論喺讚與否都係一種鼓勵,今次唔知有開工,又有個超級收工利市,連太太的媽咪都比咗個利市,真的好開心對我黎講喺一種鼓勵更有信心做得更好,返到家又差唔多八點又喺超市搞掂,好快手煲過排骨飯,又什錦唔洗一個鐘又開餐




2017年9月29日星期五

芒果冰皮芝麻月餅迎中秋

時間過得好快,明天就完工啦,呢個星期好忙,夜晚又返學,唔洗返學都夜走,回家都好是旦食,家中各人都好幫手,都唔介意食咩,通常返到去都八點幾,喺超市買簡單嘢一煲過,今日好開心終於可安心完工,bb 成功退黃唔洗再去醫院同健康院,星期四抽完血,只係飲人奶黃,無影響其它器官,星期五又去健康院再睇確實有退唔洗再返只喺要打針先返,媽咪同仔仔都好辛苦,bb 重得好好,而家喺大肥仔,又出世3公斤到今日個半月健康院再睇已經有5.2公斤,反而媽咪問要減嗎?當然唔洗食到瞓到同有大小便就可以,呢幾日又醫院又健康院,回去又準備午餐,晚餐要炒定多啲炒米茶包好方便媽咪飲用,又執定啱飲的護髮湯包,補腰湯同去頭風,執差唔多一個月,希望她有好身體去照顧個仔,雖然湊仔好多人覺得喺一件慢長而辛苦的事,但我就覺得雖然慢長但就開心見仔仔一日一日長大,每一個過程都好難忘好開心,今晚雖然好攰但明天最後一日,我都專登做冰皮因為媽咪喜歡,希望她們有個快樂的中秋





2017年9月26日星期二

九月同同學聚餐又在聚德軒

每日有工開都喺忙忙碌碌,現在轉咗呢份工已經無時間分,以前見到日歷紅色就好開心又有假放,但現在有工開就無分,以前約會我喺最早到的,但開工就好難講,好似今晚搞搞下又差唔多七點,拿拿淋走叫同學食住等,每次有人生日就一定自助餐,而平時聚餐搵黎搵去都係尖東呢度,又平又唔趕時間,早到可坐到人齊就開餐,多數食半圍全包唔洗淋,每次食完都話搵第二間,最後都係喺度好搞笑,今日食完就無話轉,反而個個話質數提升咗,樣樣都好食













產後食療之花膠蛋卷

今日又要去健康院,上星期打滿月針順便睇黃都喺唔過關,所以今個星期再去睇,點知都係唔得,明天要去醫院抽血睇,真係唔明點解 bb 重得好好,出院3.04公斤,今日去已經有4.8公斤,醫生都話好,但安全最好都係抽多次驗,媽咪同仔仔都好努力,仔仔不停食不停痾,而媽咪就會加劇面黃我的食物都唔食,好似紅棗,蕃茄,南瓜,杞子,紅蘿蔔...等,呢個媽咪好乘食得好清,而我為有煮啲她食到又唔影響的食物,好似今日下午茶就湯加花膠卷蛋,簡單又好味,花膠滋陰養顏,但有啲人奶媽媽食咗會收,有啲食咗會塞,但又有人好多奶而且濃傑,真係個個唔同,最好就等奶量順暢後才開始試食,先用一細件黎燉湯,食完唔會覺奶少咗就可加多些少,每個人的反應都唔同,所以一定要試而且少少開始食後無問題先加,好啦講下點做,其實好簡單,只係麵粉加蛋開水做麵糊後加自己喜歡的
 材料:花膠一件,麵粉2湯匙,水3-4湯匙,雞蛋一只,薑茸1茶匙,蔥少許
 先將蛋發勻
 加入2湯匙麵粉
撈勻後加水(加水時先加2湯匙)拌勻唔太稀,好似麵糊溜下時好慢就可以
 將花膠切碎加薑茸先炒香
將炒好的花膠同薑加入麵糊
將煎Pan抹小小油後倒入麵糊
見蛋糊開始熟就可反
慢慢卷起
卷起後就可切件上碟

2017年9月24日星期日

喺官塘同老爺提早食中秋飯在皇庭滙

時間過得好快,奶奶離開差唔多一年,因為每個家啲人多咗啲小朋友又大咗,舊年中秋開始已經無上我家過節,喺老爺家附近的酒樓食,回想舊年喺第一次出外食過中秋雖然有人不滿先離開,但無影響奶奶的興致,反而見她果晚食得最多同好開心,是否知道自己會離去而同我們食最後一餐,雖然今年又去返果度但已轉手另一間細咗,啲嘢食就麻麻,樣樣都好咸,因為人多又有人話要食好啲,我覺得個餐就好好但無法唔係我話事就再另加餸,其實眼濶肚窄,本來個餐就$2500,反而加咗三樣連另多咗啲人茶介加一埋單就$3500,其實平分去計都無所謂,最後都係差唔多我哋出哂,就有啲感覺不太好

呢個黑松露炒翠瓜買相唔靚
都無咩人食好浪費
 個魚翅就好水無咩料


 加的扇貝本來要四份淋住一人一只,點知黎咗12只,如果唔係睇一睇就比握咗四只,都幾離譜




2017年9月20日星期三

晚餐之小米飯煲煮翠肉瓜蝦仁飯

有嘢做時間過得好快,每日一早起身整早餐,午餐盒,搞掂就出門,放工買餸煮飯搞掂又一日,今早再忙啲因為要返學通常就準備簡單嘢比老公或女兒回來煮,而家買咗個小米飯煲價錢唔太貴,老公餐餐有靚飯食,呢個飯煲有預設功能都好方便,好似今晚我就準備好料放哂入煲,較好時間她們回來炒個菜焗雞同返熱湯就食得,而家喺電子時代真係好方便,所以都要學習下,最初覺得好麻煩,如果唔裝個app 只好當普通飯煲用,連熱飯都唔得,裝咗app 後用慣咗又覺幾好所以喺到分享下,好似晚上可較定時間明早有新鮮飯,平時飯盒都係每朝早起去煲飯同炒菜,而家就可瞓晏啲預時間整早餐同炒菜就得,初時未試過就係到淋啲米浸咗咁多個鐘先煮一定好淋,但又唔係好有糯米感,煙煙韌韌好有日本米感好好味
材料:米1杯,翠肉瓜1只,蝦仁半斤,薑絲適量

蝦仁洗淨用些少鹽醃,翠瓜洗淨切件
 米洗好跟飯煲水量
 放入翠肉瓜
 跟住放蝦仁同薑絲
 蓋上蓋同插好電源
 喺個 App 會見到飯煲待機中
 按入去見到呢個面
 按精煮
 按預設同較好時間再按開始
 再睇飯煲就會見到你較的時間
 過一陣就會關上好慳電
到你較好的時間就有飯食,睇下啲飯一粒粒好靚