蘋果批

今晚要上堂，知道今日要整好多嘢專登早咗返去，個太太想飲豬肚湯，又要整豬腳薑醋，因只有一個石油氣爐加一個電池爐，最後都遲咗二十分鐘先走，新鮮豬肚最用時間洗，整豬腳又喺用時間，先將豬腳出水，洗淨去毛，再用白鑊旱乾才加入薑醋煲最少一個鐘，今晚喺學校附近搵到間餐廳食常餐$30有麵，多士同火腿炒蛋加杯熱飲，以後返學就唔洗周圍搵食，返學整蘋果批都好簡單，喺度分享下

6吋模材料：
甜撻皮：底粉130g, 牛油75g, 蛋半只，
                糖30g
蘋果餡：蘋果1個, 提子乾10g, 玉桂粉少許
               牛油10g, 麵包糠10g,
               熟吉士粉1茶匙
先將撻皮搓好，120g按入6吋模入面

 蘋果洗淨去皮切薄片或粒

 將蘋果餡料撈勻

 放入模入面

 將餘下的皮隨意做面

 撻面掃上蛋汁

 入爐230度焗20分鐘，見面金黃就可以啦

晚餐之香茅焗雞

還在放假中個客未有聲氣，要星期一入院睇下點情況，今早如常煮好早餐同飯盒搞掂哂他們出門，就煲定湯醃左只雞就出去同家姐行Bb展跟住享受左個豐富的半自助餐就各自回家煮飯，返到去只買菜同魚，老公早幾日攞左幾支香茅返黎，咁就將香茅切碎加酒，鹽糖去醃左只雞，焗時她們回來問好香咩嘢味，真的好香有種在外燒嘢食的感覺，雖然每餐都喺簡單的魚，肉菜，但最開心就喺成家人一齊坐係到一邊食一邊傾先喺最開心，開開心心又一餐

老公終於幫我買咗支鐵針回來，立即一試去定型，遲啲買只鴨回來就可以試縫鴨尾

醃好入爐180度，30-45分鐘就食得

藍梅小蛋糕

之前整咗啲藍梅Cake仔返學校比同學食，個個都話好食，有同學問點整，每次做我就是旦無份量，今早見有時間就專登整下，今次就用磅去量要的料而且用咗原味乳酪，味道都幾好，可能用藍梅乾啲女話甜咗啲，下次又可減糖

材料：底粉200g, 泡打粉6土, 鹽g, 雞蛋1只，油100ml, 原味乳酪1杯約120ml, 藍梅乾半杯，糖80g(今次用咗藍梅乾比較甜，下次可減20g, 如果用新鮮可能就差唔多）

 先將雞蛋，油，乳酪同糖搞勻

 搞到糖溶

將麵粉，泡打粉同鹽撈勻過西

 將粉分幾次加入（容易搞拌）

 搞勻無粉粒加入藍梅輕手拌勻

放入紙杯，不要裝滿

 2/3就可以比位發脹

 入爐200度20分鐘左右

（每個爐溫都有不同，請自行調較）

 焗好後可插入竹簽如果無黏物就熟

出爐後可立即享用

哈蜜瓜泡芙

今日細女唔洗返，話好想食泡芙又想食Fruit tart, 叫我整我話好麻煩唔理她，她約同學出去攞啲嘢，自己咁得閒就睇下有無料，好快手搞搞她回來見到好開心，滿足哂話好好味，剛焗好等唔切要食咁先整兩只，跟住焗完整好又食左四只

泡芙材料：奶150面ml, 牛油45g, 鹽1g, 低筋麵粉60g , 蛋2只(80g)
吉士醬：免煮吉士粉料，250ml 凍滾水
餡料: 哈蜜瓜肉15細件
糖粉：1湯匙

先將奶，牛油同鹽入煲煮滾

見有泡同牛油溶就熄爐

麵粉過篩

將麵粉同奶糊搞勻

搞到無粉

將蛋撈勻粉幾次加入

拌勻到麵糊在木捧溜出就可以

放入袋

焗盤加牛油紙將麵糊唧入盤

入爐200度焗20分鐘左右

十分鐘左右開始脹

焗到金黃就可以，每個爐溫都唔同所以時間要自己控制，我大約20分鐘就可以

焗完放涼就可以放自己喜愛的

今次加左吉士醬

再加哈蜜瓜

最快手就喺用免煮用水開

跟說明書250ml 凍滾水搞勻

搞到無粉就食得

最後篩入糖粉就靚好多

晚餐之焗茄子

今日好忙老公又放大假，第一日就約咗換浴室門同換燈，家中各樣都開始老化，上前個星期老公放大假搵人換鋁窗鉸同整冷氣，搞掂完清潔又一日，本來今晚得我同老公食，就去超市買菜同青魚簡單一菜一魚就搞掂，點知阿妹原來未返工還有二日假，話上來有無飯食，咁就拿拿淋將淨底幾只雞翼去焗再加多個蒜茸焗茄子，跟住大女又話放七點三返來食，夜少少阿女朋友專登攞個大旅行箱比女兒下星期去旅行，咁又煲咗個腐竹雞蛋白果小丸子西米湯水，咁又熱熱閙閙又一餐

哩個鴨舌喺阿女朋友去完台灣專登攞過來

唔洗一個鐘用糯米粉整的小丸子同木薯粉加澄麵做的清心丸的腐竹雞蛋白果小丸子西米湯水

材料：茄子2條，蒜茸2湯匙
調味：1/4茶匙鹽，糖1茶匙，鼓油1湯匙，油1湯匙

先將茄子洗淨開半切件中間界紋
蒜茸加入調味撈勻

 將茄子掛入焗盤，面Pop上蒜茸料

 入爐180度焗25分鐘就搞掂