老公生日早餐之開心蝦子麵

 今日老公生日大日子, 祝老公生日快樂, 身體健康 !
煮左個蝦子麵用左條超長腸仔做笑口比老公每日都開開心心, d女就話唔想食咁多野就腸加個栗米

 材料: 蝦子麵2個, 菜3-4塊, 腸3條, 蛋2只, 栗米2條

 先將腸一邊界花好似界魷魚咁, 煮出來的腸才會灣

 先將腸, 栗米同凍水一齊煲

 滾起後煮多5分鐘

 煮蝦子麵一定要水滾才加, 煮出來的麵就唔會太淋

 麵滾起就加入生菜後倒入碗

 煎pan加入蛋

 腸同栗米加入煎pan可加牛油會香d

平價晚餐之燒鴨瀨粉

細女好鍾意食燒鴨瀨, 每次出去飲下午茶一定叫, 今日又好想食, 咁我就話不如今晚食, 她第一個舉手, 大家都無意見, 就自己煮經濟實惠, 一斤菜, 1/4只鴨加多斤瀨粉都唔世40蚊, 簡簡單單又 一餐

香草蕃茄腸仔長通粉

細女今早想食通粉, 話好似好耐無食, 咁就煮個酸酸味味開胃醒晨早餐香草蕃茄長通粉

讚岐烏冬

星期日同女行完街就入左一間大型超市, 阿女見到讚岐烏冬就話好好味, 彈牙唔酸, 咁又帶左包回家, 今早才醒起就攞出來做早餐

魚餅豆腐麵

有時好懶, 就用昨晚食淨d餸煮個麵加d菜就又一餐

炸菜肉絲炒米

今日是清明, 一早起來預備一些食品去拜媽咪, 時間過得好快, 媽咪離開都有9年啦, 有時都好掛念, 所以好珍惜身邊每一個, 

今日都喺魚, 雞, 乳豬, 炒個米粉, 煮個素菜, 飯....晚上就回爸爸家晚餐

火腿蛋麵

食左幾日麵包, 今早又簡單煮個麵

螺絲蝴蝶粉

昨晚大女話喺學校會好遲返叫我地唔哂等, 回來時又打來話未食就煮左個肉醬螺絲蝴蝶粉, 點知又話太夜唔想食只喺食左生果就算, 今早就簡單加d腸加d菜返炒做早餐

 

魚柳炒蛋麵和燒賣

今早又喺魚柳, 天氣開始熱, d女話飲杯麥皮就得, 但我都喺簡單煮些少比d女啦, 老公就食麵, d女就配幾粒燒賣

魚柳蛋福字麵

早餐煮麵最快手, 唔哂15分鐘就有得食 

豬潤鮑魚片麵

昨日公司搬, 上星期好忙, 星期天都幫手pack野, 搬真喺好煩, 終於搞掂哂, 可以正常d, 哩幾日都喺煮麵, 今日就簡單煮左麵加d豬潤和鮑魚片, 簡簡單單又一餐

雪菜腸蛋日本麵

今早天氣又有d涼, 早前有朋友從日本帶給我2包麵, 今日就加d雪菜, 腸和炒只蛋, 簡簡單單又一餐