晚餐之焗四款大蘑菇

今日本來在家無所事事，昨日終於買到四個特價大蘑菇，大女講咗好耐每次見到成二十蚊只就好唔舍得，今次見十蚊就買咗四只，唔知焗咩好，個女就話咁得閒上綱睇下啦，點知朋友一個電話一出去就大半日，本來淋住煮餐好，最後都是旦用咗四種味去焗蘑菇，好彩啲女都話好好食，因為無上街市買定餸，炒個年糕又無泡菜就是旦用啲菇芽菜同雲耳去加個紅咖哩炒，點知食慣泡菜的她們覺得唔好食，最後淨大半，留明晚買到泡菜再煮，今次用咗四種唔同口味，啲女覺得都喺蒜茸芝士最好味，咁下次就唔洗攪咁多簡單蒜茸同芝士，炒菜蒸魚又開餐

 加蛋同芝士，好飽滿

 蕃茄洋蔥

 蒜茸芝士

 好大只的蘑菇，焗時好香的蘑菇味

1） 蕃茄洋蔥-先將洋蔥爆香加蕃茄炒香就加鹽糖調味
2）蒜頭啄茸加牛油同鹽調味
3）雞蛋直接打份蘑菇內加些少鹽
4）什菇喺將菇同雲耳用薑茸爆香加鹽糖調味

 釀好每只菇就加入芝士

 入焗爐180度焗30分鐘或芝士金黃就得啦

 睇下金黃的芝士大家都引唔住啦，開餐

晚餐之素菜炒公仔麵

今日比較忙，一早搞掂哂嘢就出門，先去銀行搞啲嘢，話說早幾日開左張大票出去點知時間有差而彈票，中銀好差唔通知就彈搞到立即幫人再入返，打咗成個鐘都搵唔到人問原因，還立即扣起手續費，好彩我那晚再查下戶口，立即再入多幾百如果唔喺又彈一次，今日出去順便去投訴同問清楚，匯豐都唔會咁，如果唔夠數會先過票再通知，因唔想轉來轉去先開中銀，以後都唔會再開中銀票，搞掂完就搭車出佐敦聽講咗，今次同學介紹去uBaby，聽落幾好，希望快啲可以搵嘢做，唔洗喺家發霉，都有啲課程唔洗錢，就報咗二個要搞留位費$100一科，到時唔到就無咗，又要入會$80二年都可以接受，晚上book 咗睇醫生有啲咳同流鼻水，怕自己一咳又半年早睇早好，返到官塘等睇醫生又早左成個鐘，就去咗書局，以前成家人最好的節目，各自入去就半日，呢幾年都無時間再喺書局打釘，今次自己入去又忘形睇到唔知時間又七點拿拿淋走，睇完返到家又八點，趕快煮晚餐，本來簡單蒸魚炒菜同炒素什錦，點知大女打回話想食麵，咁就將素什錦加麵炒炒又開飯

 炒公仔麵唔想炒到淋哂，先煲滾水，水滾後放麵

 跟住熄火，就將都攞起，唔好浸喺水，只要鬆開就得

 先起鑊炒菇，木耳

 加腐竹同加豉油同糖等冬菇同腐竹先吸收味

 跟住加其它料炒勻

 炒勻加些少蠔油或豉油

 最後加麵

 炒勻試味就可以

 食時可灑入芝麻

晚餐之豉椒素蝦素雞味火腿炒河

今日無咩嘢要出去，早起身煮好早餐同午餐盒清潔完見早，細女要同我出去食嘢後回校，專登喺官塘搵素菜館又開七點咁早，原來哩間好多年我都記得同奶奶食過，入到去見人哋食啲嘢就好似去茶樓飲茶咁有雞扎，我地去到未夠11點就已準備午餐，只喺叫咗啲炸嘢同腸粉，跟住家姐又打來問我喺邊就過咗來，細女食完走先，等家姐到就叫咗個午餐海南雞飯同齋鹵味，個雞家姐話好似，我最初都好想知喺咩，同我買過的雞味火腿一樣只喺炸過，味道都好似，唔講都唔似食素，見到哩間有蝦同鮮魷價錢都平$17包就每樣買包回去，今晚就用咗半包蝦加火腿加豉椒炒河粉，加多個菜又開餐

 素海南雞飯

 素什鹵味

 素牛磅湯

材料：河粉1斤，素蝦半碗，素雞味火腿1件，芽菜半斤，洋蔥半個，青椒1只，薑蒜各些少，豉汁1湯匙，指天椒1只

洋蔥去皮洗淨切細件，青椒去子洗淨切細件，蝦仁洗淨加些少豉油糖醃，火腿切細件，芽菜洗淨，指天椒切碎

先將火腿煎香2邊

2邊煎好後

加入薑，蒜，洋蔥，青椒同豉椒

炒勻有香味

加入河粉

炒勻可加些少水

最後加芽菜，豉油同老抽

炒勻試味

晚餐之炒上素

已經5日無上來，奶奶走咗啦大家都好唔舍得，奶奶哩幾年同細仔住，無淋過她走咗二個女會咁傷心，傷心到停哂嘢在家哭，覺得自己唔乖哩一年忙到無咩時間去探嫲，我同老公都不停安慰己經好好，但都做唔到咩，而我都無淋過自己一樣咁傷心，而又唔可以喺女面前傷心還要安慰，直到她們出哂去，我終於可以痛哭一場，我哋從來無婆媳問題，一齊住咗10幾年都好開心，奶奶喺一個好堅強的人，她15年前做咗個大手術換心辦，約5年後細仔有小朋友，她堅支果個月去幫手而中第一次風，好彩住咗醫院一年多就識行識走，再過2年中第二次9個月左右就出院，哩幾年又同細仔住，可能唔太慣食唔好，年紀又大心辦又到期等問題，好容易肺績水，喺醫院常客，每次肺績水入去抽左水配好葯就走得，估唔到今次過唔到，奶奶都好似知道會走，剛入去二日同我講走咗就比將輪椅二個工人就得咩嘢都唔要，我就講笑話唔洗識飛去邊都得，又叫我記得幫她做這做那，我就話唔好講咁多返去自己做，之後開始氣速，有時速到食唔到嘢就同我講好辛苦，比我走就好，我話無事無事抽咗肺水就返家，最後二日連水都唔可以飲，奶奶同我講好辛苦比水我飲，我話醫生唔比，她話唔怕又引唔住比她飲，後來比護士姐姐睇到，咁樣增加她的負擔，幾日唔食唔飲唔會死，話咁樣怕吞錯更危險，淋走前個晚奶奶還識講笑當我比她飲完水，她笑說我偷飲水，有時淋起都好傷心，傷心過後仍要生活，年紀開始大這些事不停會發生，真的要珍惜身邊人，我媽死後問老豆第時走了要怎樣做，他話是旦啦，我在生時想食咩比我食就得啦，死後咩嘢都睇唔到你哋點做點好啦，真的在生時對他好做好本份就無悔無憾，今日出去同老爺搞啲嘢就買餸回家，哩幾日都喺簡單食，喺官塘買左好多素菜料同素蠔油，今晚就每樣少少去炒過上素，只蠔油未用過，味道都幾好蒸魚炒菜又開飯

哩個喺素火腿雞肉味，質哋好似食雞味的午餐肉，而家食素都好多選

食過超市的李記，昨天剛見這店哩只素蠔油，味道也很配，如食素又想濃味啲，哩只喺唔錯的