午餐盒之素火腿菜蒲蛋炒飯

今早只得大女帶飯，用女兒最愛菜蒲加啲素火腿，菜同蛋簡單炒炒又搞掂，以前返工都喺每朝起身煮，老公就唔想我太辛苦，話早一晚留返就好，其實做慣的我反而閒在家中感覺不太好，習慣每朝先煮感覺安心，從雪櫃攞出又搭車回去下午才食，而且菜又唔好留，每朝煮啲簡單就可食得健康又放心

樣樣少少簡單炒

午餐盒之蕃茄肉片炒蛋飯

每朝起身都煮早餐同午餐盒，無論以前工作的我或玩在無嘢做的我，我都堅持早上才做午餐盒，只有老公帶就簡單多蒸為主，而女兒帶就會炒粉麵煮餸，好似今早就整蕃茄肉片炒蛋，家家的蕃茄肉片炒蛋都唔同，而我做法就喜歡先將一半的蛋汁去炒後盛起加入豬肉煎香二邊加洋蔥炒，炒到洋蔥有香味就加蕃茄，最後加淨底的蛋汁，炒好先盛飯再放餸

材料好隨意通常有洋蔥同甘荀我都喜歡加入去同煮

 先將一半的蛋汁去煎

 放入肉片將二邊煎到金黃

 煎好後

 加洋蔥去炒

 炒到洋蔥有香味就加入蕃茄，甘荀炒勻

 最後加鹽糖調味同淨底的蛋汁

 炒勻就搞掂

 炒好餸才盛飯

每天愛心早餐同午餐盒

雖然轉咗份好辛苦的工，每日仍堅持做早餐同午餐盒，是實上比以前女細的時候舒服好多，現在只係煮早餐比老公同女，而午餐盒只有老公，啲女大咗時間唔定所以就唔需要，早餐比以前簡單，好似今早就用麵包機做咗個果仁合桃咖啡包，有時間就煮咗個黑椒豬扒給老公做午餐盒

材料：豬扒一塊，洋蔥半個

醃料：豉油1茶匙，糖半茶匙，水1茶匙，生粉1湯匙

調味：蠔油1茶匙，黑椒1茶匙，糖些少，水2～3湯匙

先將豬扒洗淨加入醃料撈勻，洋蔥去衣洗淨切條

先將豬扒切細件煎香2邊

 加入洋蔥炒勻

 炒到洋蔥有香味加入調味料煮5分鐘左右

 差唔多收汁就試味

 跟著可入盒

火腿奄列，蕃茄咸肉湯飯

雖然轉左份好長時間的工，但每早都習慣煮早餐同午餐盒，但通常就煮好簡單的，好似今日就用火腿蛋整做個三文治而老公午餐盒就蕃茄咸肉去煮湯做湯飯

番茄蛋腩片湯飯盒

最近雖然轉左份好辛苦的工，但我仍堅持每早做早餐同午餐盒給老公，老公就成日叫我唔好做，其實喺好辛苦，如果唔喺有人想玩野，我應該好輕鬆，現在比想像中辛苦好多，由正常開工那日我由早8到6喺無停手連去洗手間都難，昨晚好多快走的同事幫手我就有十分鐘時間休息去準備收工，好多謝個位同事，本身我喺一個廚，比一個清潔工還辛苦連部份清潔都要做，我覺得好有問題，點會有人會做這份工，人工又低，我現在都喺抱住學習生的生涯學完就走，每個新入職的人都做唔長，二個玩野的人最後只會玩死自己，無論點我都會試下，真的唉唔住就放棄

 老公話好熱都無咩胃口月，最近都喺用簡單材料做湯飯
材料: 蕃茄1個，腩片5-6片，蛋1只，薑2片

先將腩片煎香

加入蕃茄炒勻

加入些少煮5分鐘左右

將蛋打勻

滾起加入蛋

滾起加鹽糖調味就搞掂

用電飯煲煮原只蕃茄腩片飯

做午餐盒有時都可以好簡單, 今早煮意粉就順便將原個蕃茄加多幾件腩片煲飯時一齊煮, 放好哂按個制就搞掂, 簡簡單單又一餐

材料: 蕃茄1個, 豬腩片6片, 米1杯, 水1杯

先將腩肉切薄片加入1/8茶匙鹽撈勻, 蕃茄洗淨, 

米洗淨跟平時煮飯一樣

先將蕃茄放中間, 再將腩肉片圍邊放, 蓋上蓋同平時煮飯一樣

跟著按制

煮好跳到保溫就可關制拌勻試味

就可入盒