豐富晚餐提早同同學仔興生日

今冕搞掂完老豆餐飯就趕回家, 因同學一家過來食飯, 暑假完啦, 今年他仔仔生日剛在中秋, 時間又緊迫, 所以我就煮了豐富的晚餐是提早同他做生日, 蛋糕今年就趕唔切, 叫老公放工順便買左個, 我就自己寫明同裝飾吓, 出來更加靚, 開開心心又一餐

                                                           冬菇蓮藕炆腩仔

       

什果仁朱古力包

昨晚淋訓前開定料, 今早又有新鮮麵包做早餐, 今次唔做方包, 加左朱古力粉同什果仁, 簡簡單單又好味 

南瓜雞脾菇炒雞翼

今晚返到家又好遲, 就直接回家用雪櫃淨d野, 本來煮糖醋黃花魚, 點知老公又買左三文魚頭連骨回來, 咁條魚又要入回冰櫃, 之前食淨d菜唔太夠, 雞翼又淨d咁就用左半件南瓜加雞脾菇炒一炒好味又有益

麻薯波波-芝士同朱古力味

今早特別做了女兒喜愛的麻薯波波-芝士同朱古力味, 她們昨晚說好耐無食, 咁今早就整一整

什錦菜湯配雞翼

今晚本來只喺一煲過, 樣樣有d, 唔同時間都無問題, 細女學畫就滾左一碗給她送飯, 大女要遲d又想食雞翼就簡單整幾只, 是是旦旦又一餐

魚肉釀青椒茄子

今晚好順利, 一個鍾就返到家可去街市行一行, 交通d野真無計, 有時早上車都未必可早回家, 昨晚已準備左條烏頭凍食, 今早又煲左個蓮藕湯, 就買d菜, 見到青椒都幾好五蚊有2只, 又見到茄子五蚊2條, 咁就再買多十蚊魚肉返去釀一釀加多個豉油汁煮一煮d女食到唔停口

青瓜煙肉蛋三文治

昨晚又開左包包料, 但唔知點解今次好唔靚仔, 都可以食, 今早就加左青瓜配煙肉炒蛋做三文治, 咁食起來就清身d啦

蝦仁炒蛋

之前老公買的三文魚連頭昨晚已食左部份, 今晚就魚尾滾豆腐, 魚骨就薑蔥煮, 喺超市買左包蝦仁淋住蒸蛋, 點知細女話想食炒, 咁就加d蒜和薑蓉簡單炒一炒, 再炒多個菜, 好簡單又開餐

黑椒豬腩片金菇卷

今日收工早走左十分鐘, 淋住一定去到街市買野, 最後都喺超市搞掂, 家附近的菜檔都因加租太勁無左, 好彩最近超市多左好多, 所以都可以買哂野煮三餸一湯

茶餐廳晚餐

今晚同阿妹搞掂完就喺她樓下餐廳食晚餐, 可以話消夜啦, 因都十點

Tea Time在宜家

今晚2個女有節目唔世煮, 就同老公去幫阿妹新地方睇完就去宜家買過哂d床同其它野, 因新地方好細, 用緊d家俬全部放唔入唔用得, 就先去宜家淋住好齊, 去到都四點, 阿妹就好客氣食左下午餐先開始行

我就大鄉理出城,  唔知宜家d野食都好好食同好平, 阿妹買左成枱野都喺二百元左右, 食飽飽就開始行, 點知真喺好多三呎床都放唔入, 好彩叫左老公一齊去, 如果得我同阿妹就出事, 阿妹唔記得megabox有實惠, 淋住買唔到去返九龍灣再睇, 最後就喺吉之島搞掂哂 

排包, 椰絲包

今日又喺忙碌的一天, 比平時更忙因要去幫妹睇家俬, 她業主收樓話個仔要結婚所以又要搬, 租地方真喺好貴, 百幾尺的房仔都要七千幾, 無法香港吋金尺土, 所以今日更早起來買料煲湯, 做包和炒麵, 搞好就去奶奶到再去阿妹到

潮州炒麵配雙蛋粥

上星期去老爺到攞左包麵線返來今個星期炒, 自己就先炒一碟試味再配個粥, 都幾好食但覺得好咸, d女就話加入粥到好ok, 老公問是否無出水, 潮州麵好咸一定要先出水, 我當然有可能要時間長d, 下次有機會再煮就知

檸檬豬扒

今晚搞掂完老豆晚餐, 本來得老公同我就是旦反去煮麵, 點知大女同細妹話不返來食, 咁就要去超市行一行, 叫老公買條魚, 是旦又一餐