同舊同事午餐在尖沙咀凱悅酒店

1. 今個假期還未完，等緊12月媽咪生咗就隨時開工，雖然休息咗2星期都係好忙，返去陪啲媽咪去醫院抽血，有時啲媽咪塞奶又去睇下，又參加百日宴，又去上下堂，今個星期就食食食，早二日先同家姐細妹食韓燒，今日又約咗好耐無見的舊同事食自助，今次同事搵咗間超抵環境好食物多多的酒店，每人都係200左右，好少午餐有長腳蟹，魚生都有4款選擇，印度咖哩的檔都好大還有燒雞串，熱暈就唔太多，但就連菜都喺大廚即炒後出爐，燒味都有齊雞，鵝，燒豬同义燒，又有鵝肝炒飯，淥粉麵菜，同丸，還有西湯，薄餅，燒羊脾燒雞，甜品檔更大，雞蛋仔，葡撻，豆腐花，雪糕同不同種類的蛋糕有大有細，真係每樣食少少都不得了，今早諗住搭巴士唔洗小巴轉地鐵一程過，點知塞車塞咗個幾鐘，12點開始去到都差唔多1點，搞到食得好急太多美食都試唔哂，就分享同事攞回來的食物，因為時間關係大家又傾下好快又2點叫埋單先，才知道好快完，就拿拿淋出去攞多些少，真係開心時間過得特別快

天婦羅炸蝦，好好味

燒羊脾太生，燒牛扒太韌，

牛舌同雞就好食

蘑菇湯

燒味加印度咖哩無特別，炸蝦再encore

魚生都多款，但我只食呢二樣配卷物

咖哩豬皮同墨魚丸，同事話麻麻所以無試

煙三文魚太咸，Parma ham配蜜瓜好味

鵝肝炒飯太乾

雜錦粥

                   即炒熱暈同肉燥茄子

飲檸檬茶就可多飲，成壺上

雞蛋仔都有

環境好舒適

每個檔都有一個廚新鮮做

二老提早慶祝30週年在百樂午餐

時間過得好快同老公唔經唔覺度過咗30年，過去當然有喜有唔開心，但記憶中開心多過唔開心，大家一齊喺緣份所以我好珍惜，老公到而家仍然好錫我，家姐成日話你老公一定要長命過你，如果唔係我會好慘，當然我喺一個比她們覺得我有咩都係老公幫，好似一個咩都唔識的人，哈哈哈，過去的週年月都會好開心，老公生日，家姐，姐夫生日同咁啱我哋都係同一日結婚但家姐比我哋更多年，每年都會同啲女，細妹，朋友同學不同的慶祝，今年因環境影響咩嘢都取消哂，每人心情都麻麻，今日見無咩特別事，老公就話出去行我兩自己慶祝，最後就去咗百樂食午餐，因為明晚正日本來book咗枱已改咗3次，但都喺取消所以今日就二老自己過嚟食午餐，午餐無咩人只有6-7枱客左右好靜，雖然見到好多美食，但我哋都係坐下，心情都唔係話好好，順便取消明晚的booking，跟住都聽到她們講今晚都取消晚市，明晚應該唔會但因交通同其它原因我哋都喺取消，食完同老公由尖沙咀經彌敦道行去太子，行到油麻地開始見人封路，啲車又開始行唔到，我哋行得更急去到太子買完花就走，本來話唔買但老公話30年不變每年都要買，今次因太急就買插好的，之前老公喜歡自己買完回家自己插，今日雖然簡單慶祝但都開心，希望我哋繼續簡簡單單平安健康咁過每一日每一年

 魚生同壽司，種類都好多款式

 不同種類的沙律菜

 咖哩的檔

 熱盤種類都好多

嚟咗咁多次終於試咗豬腳薑，又話好出味喺用出面某大間的配方整，但真係唔識欣賞

 好靚的pizza

 配湯的多款麵包

 朱古力火煱，都有小朋友食

 甜品同生果盤

 多款的沙律菜

 還有渌燙粉麵，丸同菜

 燒牛仔柳好嫩滑可惜老公唔食

沙律菜，站立的喺Parma ham配蜜瓜好細緻

 午餐都有長腳蟹，喺一個海鮮熱盤中見到，味道都係覺得冷盤好味啲

人客太少，只係想每樣少少都咁多，二人一齊食就差唔多

 老公喜歡的芝士餅

 甜品雪糕

 食完後都嚟一杯咖啡

 30週年的花

午餐在釣魚翁

放假就喺食食食，每日都會約同學，老師，完工後的媽咪，家姐....去食午餐或晚餐，今日約咗家姐幫手湊孫放學後一齊食午餐，講好咗去味皇點知家姐話請我要食好啲就去咗apm，最後上咗釣魚翁話未試過，而家啲bb好辛苦，未到正式返學年紀就已經不停學習，游泳班，playground, 學前班，面試班，音樂，畫畫......真係多到你未必諗到的都有堂上，大人同小朋友都辛苦但都無法，記得之前做一個媽媽同我講，當時同她坐月，隔離屋的太太已比幼稚園的料她，她還反問我是否需要咁早，我只係一笑回應就睇你自己啦
入到去釣魚翁環境比一般酒樓暗淡，後來家姐話唔太喜歡我就話早講可以去第二間，全層都係酒樓食肆，我諗應該剛已過優惠時段，好多人離去坐低都唔知叫咩，感到價錢都幾貴，普通茄子都要$28.9，家姐叫了幾個點心再想叫飯喺比個孫，計完都要二百幾無咩嘢食，口我就提議二人餐，$198有二個點心，一菜一飯都有個小食，最後埋單連茶位加人差唔多$250真係感覺唔抵食下次一定唔會再去，因為都係一般無特別，咁既價錢就唔值

 古法馬拉糕唔係太大件，味道就一般

 應該最好食喺呢個，但就得幾塊仔

 炒飯好大碟

 呢個凍豬手原全無咩未