簡單蓮藕炆腩肉

今日到了年十一立春先喺新一年的開始，從未試過咁樣過年，可能大家都好唔開心，好擔心，但無論點，大家都要加油，香港一定好快過度呢啲唔開心的時刻，老公都唔洗返，昨日出去又買咗幾日嘢，咁就可以唔洗出去，啲女還要繼續工作，今日又用電飯煲簡單炆蓮藕腩肉，可以送飯又可以加入麵一齊食，整定包包做早餐，簡簡單單又一日

材料：蓮藕一斤，腩肉一條，蒜頭一個，薑6-8片，指天椒2只
調味：蠔油2湯匙，酒2湯匙，冰糖1粒

先將腩肉出水後切1cm厚，蒜頭去衣，薑去皮切片，蓮藕去皮切細

先將腩肉入鑊煎到2邊金黃色後加入酒可去豬騷味還會增加香味

 加入蒜同薑炒勻有香味

 加入蓮藕炒勻

炒勻後等蓮藕都吸到蒜同薑的香味就加入蠔油，指天椒（如果唔想太辣就成只唔好切碎）同冰糖炒勻

 加入水浸過面

 可轉入飯煲炆半個鐘收汁就食得，方便唔洗睇火

產後食療之糯米酒製作過程

自從轉咗呢行就好想親手做啲糯米酒比我照顧的每一個新手媽媽，但開始時好忙又不停增值自己，今次終於成功完成第一樽酒，之前上綱睇好多，家姐又教過點做，以前我媽媽喺好叻整，我哋坐月都喺食媽媽整的糯米酒，而家餵人奶就唔會好似我哋日日食，有啲媽媽都唔會食，怕bb有問題，其實糯米酒真係好有益，我都會煮比啲媽媽試起碼知道喺咩嘢味，而家都好方便隨便都買到，但有啲就唔知有咩成份，自己整就知有咩嘢，其實簡單三樣嘢就可以做到，唔係綱上咁復雜，第一次做時睇得太多又浸米，又加酒又見人用水沖，真係好多好多，而我第一次都有浸就無點過水，我真唔明點解有啲用水，唔係會好易發霉嗎？我做好第二日就發霉，原來加酒餅後無再放涼就入樽所以霉哂唔要得，咁再試就聽過老人家講，點洗咁麻煩，買糯米返去沖洗乾淨喺飯煲好似飯咁煲，煲完放涼，將酒餅壓碎平均撈勻，切底放涼後入樽開個洞放一粒冰糖，第二日就有酒，如果想濃味啲就加樽米酒，我聽完就試呢個快而且簡單，真係好成功咁第二日就見到好似有啲水，再過二日已好清楚睇到，今日第8日見到一吋啦，好開心又喺到分享下

材料：糯米2斤，酒餅2粒，冰糖1粒，
           消毒無水的十斤玻璃樽

糯米洗淨煲飯一樣煮熟 

 飯煲跳制可先打散啲飯

酒餅先打碎

 飯先放涼唔太熱到手就先將酒餅撈勻

切底放涼原全唔熱先好入樽，將米入好中間開個洞放粒冰糖跟住用布蓋好  

第二日已睇到有些少

第三日已見到有半吋酒

 第八日就見到成吋

二人晚餐之蕃茄薯仔湯烏冬

今日好多開心事，好快又開工啦，嚟緊個媽媽又早咗十幾日，等她出院就隨時開工，所以今日都好忙過香港探二個媽媽同仔仔，一個就嚟一歲，另外都差唔多三個月啦，搞掂家中各人出門就立即整包同蛋糕，蛋糕喺送比就嚟一歲的仔仔，時間預計緊咗本來話11點前會到，點知都遲咗大半個鐘，先去西灣河仔仔8月頭就一歲啦，呢個仔仔都好開心Bb 成日不停笑，開始學行最辛苦喺呢個時候，媽咪的爸媽好客氣一定要我飲完茶先走，公公先專登去搵定位叫咗好多嘢，最後都要她們打包回家唔好浪費，仔仔同媽咪先回家，我就繼續同她爸媽邊食邊傾，一坐又三點立即又要走，約咗灣仔媽媽三點，點知坐巴士又塞成個鐘先去到，剛仔仔瞓咗就傾咗半個鐘左右就醒，呢個仔肚餓就咩嘢都唔理，大咸到奶奶話都有啲手忙腳亂，成日話我好勁，湊住咩嘢都做唔到我還可以搞咁多嘢，其實都唔係都有人幫手又安排好先可以，傾下搞下又5點半就走，諗住咁早搭巴士唔洗轉嚟轉去，點知七點先返到，今晚只得我同老公又喺簡單食，喺超市買咗蕃茄薯仔，家中有排骨，就邊洗邊放入飯煲先煲湯底，煲好加鹽，糖調味最後加烏冬再滾起，唔洗一個鐘又開飯

蕃茄薯仔排骨放哂入電飯煲，半個鐘就已經煲好

準備烏冬，將湯加鹽糖調好味

加入烏冬再煲

滾起就食得，簡單又好味

個蛋糕焗起時升得好高

開咗門立即降回，今次就無回縮到好難睇

午餐好豐富，只係一部份還有乳鴨，炆米實在四個人無可能食得哂

整咗腸仔，椰絲提子喺灣仔嫲嫲最愛

晚餐之小米飯煲煮翠肉瓜蝦仁飯

有嘢做時間過得好快，每日一早起身整早餐，午餐盒，搞掂就出門，放工買餸煮飯搞掂又一日，今早再忙啲因為要返學通常就準備簡單嘢比老公或女兒回來煮，而家買咗個小米飯煲價錢唔太貴，老公餐餐有靚飯食，呢個飯煲有預設功能都好方便，好似今晚我就準備好料放哂入煲，較好時間她們回來炒個菜焗雞同返熱湯就食得，而家喺電子時代真係好方便，所以都要學習下，最初覺得好麻煩，如果唔裝個app 只好當普通飯煲用，連熱飯都唔得，裝咗app 後用慣咗又覺幾好所以喺到分享下，好似晚上可較定時間明早有新鮮飯，平時飯盒都係每朝早起去煲飯同炒菜，而家就可瞓晏啲預時間整早餐同炒菜就得，初時未試過就係到淋啲米浸咗咁多個鐘先煮一定好淋，但又唔係好有糯米感，煙煙韌韌好有日本米感好好味

材料：米1杯，翠肉瓜1只，蝦仁半斤，薑絲適量

蝦仁洗淨用些少鹽醃，翠瓜洗淨切件

 米洗好跟飯煲水量

 放入翠肉瓜

 跟住放蝦仁同薑絲

 蓋上蓋同插好電源

 喺個 App 會見到飯煲待機中

 按入去見到呢個面

 按精煮

 按預設同較好時間再按開始

 再睇飯煲就會見到你較的時間

 過一陣就會關上好慳電

到你較好的時間就有飯食，睇下啲飯一粒粒好靚

晚餐之小米飯煲煮潤腸飯

今日真正喺家休息，本來大女叫我哋去長洲行下食下嘢，但細女又要回校而且天氣實在太熱啦，最後喺屋企執屋，對我嚟講更好，晚上開咗個新飯煲，科技越黎越勁，連飯煲都可喺手機控制，但我又唔覺好方便，今次只係簡單煮，家姐早幾日同細妹返大陸買咗潤腸同臘鴨脾比我星期六煮，今日試用新煲煮，見到啲腸又好靚都喺試食先，星期六先煮比家姐她們食，簡單滾個湯返熱啲舊餸又開飯

 家姐買的潤腸同臘鴨脾

 呢個新飯煲都要成個鐘，老公話啲飯喺唔同啲，我無飯引所以唔知喺咪有唔同或好食啲

 如果想飯有潤腸味就同飯一齊煲，如果啲估