學校的最後二餐

今日喺學校煮最後一餐，好失敗啲雞有啲唔熟，但我食果啲無問題，可能有脾位掛，她們說唔熟唔咁食，無輪她們食唔食我都叫完成了最後一餐，今日大暑先煲咗個冬瓜湯，蒜茸菜心，薑蔥蒸鯇魚，冬菇雲耳豆卜煮雞

星期四的午餐  -  牛磅湯，蝦仁炒蛋，蒜茸炒生菜同魚香茄子

學校的午餐

哩二日唔知點解個司機影底啲餸，咁我又拿拿淋影下，跟本煮完都無時間，尾圍食1：45分四到五個
星期三的午餐 - 南瓜百合粥，肉絲炒伊麵，生菜同蒸燒賣

星期四 - 冬菇豆卜炆排骨，豉椒炒油麥菜同三式椒西芹炒腩片

學校午餐之蒸排骨

今日最後一日煮幾人飯，hea 咪今日下星期又照常啦，今日都好忙出去買餸同準備下星期的料，啲菜好貴真係買唔落手，如果一個人預$20，淨買菜都買唔到咩，排骨又只有新鮮，幾十蚊都唔會有幾多，加多只幾蚊蘿蔔又一碟超市二十幾蚊磅，買三磅都要七八十蚊，所以會搵啲平菜，好似西蘭花，椰菜同西生菜，點知今日去到都無，好彩都有旺菜都要$15個再加豆卜同魚肉，點知哂心機啲魚肉唔新鮮無人食，自己整咗條凍烏回校請大家食，咁又三餸一湯白飯任裝

學校過年前最後煮的午餐

今日回校就好輕鬆，返到去搞咗些少嘢就出超市買餸，只有幾個姐姐同寫字樓，咁就煮餐好啲我哋團年，個個見到好開心好豐富，四餸一湯牛旁豬骨湯，蒸魚，排骨，西蘭花同煙肉卷，全部清哂個個好滿足

學校午餐之團年節飯

哩兩日好忙，而且好激氣，中午學校買啲义燒唔得，放工又被人騙 ，學校團年之前都係煮幾樣斬燒味，今次就只買义燒同燒肉，點知買開個間轉咗師父，啲义燒好紅無人夠膽食，最好笑啲西人問喺唔喺假都唔咁食，雞就自己整同整個素翅鮑魚冬菇菜，仔就跟餐單煮，今晚放工又趕去攞50只桔，明天帶回校，真係好激氣被人握，買50只要$80蚊，又無啦啦叫我買柚同車哩子要成$100,我好似撞鬼，咁大個女都未買過咁貴車哩子，平時百佳$40蚊我都唔會買，今次要成$88蚊磅好肉痛只係得三十粒左右，個柚更慘乾水同苦，我無啦啦照比錢行下行下好唔開心，連餸都唔記得買，最後就去返超市買咗個生菜回家煮麵

除夕日之學校午餐

話咁快2016就到啦，今日返到學校又喺搞咗些少野就出去買餸煮飯，估唔到主任回來帶咗奶撻比我哋食，回來主要喺睇下我哋做成點，我哋都算唔好彩，剛休息就被人睇到而果四個就好好彩，喺到坐點知主任回她們就做緊野，好似有人報料咁，有時真係幾無心機，算啦無論自己做得幾好都無用就，所以都無心情只係煲咗青紅蘿蔔沙，炒旺菜，蕃茄肉片炒蛋同蘿蔔什丸，點知果四條友唔食只食湯料，因為知道用新鮮料，其它餸就唔食，最後入咗垃圾桶又浪費了都無法

學校午餐之士多啤梨雞翼

今日入回廚房做自己野，回校搞掂啲野就出去買餸，只喺煮十個人飯就好輕鬆，全程一個人搞，我的好拍檔攞咗假去玩，只有自己一個人煮好搞掂食完就清潔，下午就跟下星期的餐單，上星期有個老師請食士多啤梨但無人食，今日就利用去煮雞翼唔好嘥，炒個菜同煮蘿蔔豆卜煮排骨再加多個牛蒡湯粟米湯，啲人真係好怪，煮好就第一時間食唔等人，我就出去叫啲老師同寫字樓，快快手手又一餐

材料：雞翼2磅，士多啤梨2磅
醃料：酒1湯匙，豉油2湯匙，鹽1茶匙，糖1湯匙，生粉2湯匙

先將雞翼解凍洗淨加入醃料撈勻

士多啤梨洗淨去頭加一湯匙糖撈勻

 先將雞翼煎熟

 煎好的雞翼回鑊加入一半士多啤梨煮

 試味後將淨底的士多啤梨加入炒勻

 就可上碟

學校旅行的午餐

今日學校旅行，自己怕整唔切啲食物，雖然返七點半但我未夠七點就返到去，同事花姐七點十分就回來幫我，我哋又順利完成一餐，好開心好耐無去過這樣的旅行啦，雖然去做野但見到啲小朋友好開心，有啲認得我因為我煮完後，會去幫手睇仔食飯教下他們點樣食，小朋友還請我同花姐食糖，我同花姐周圍行又影咗好多相，12點就食午餐，今日只係整簡單野，醉雞翼，咖哩魚蛋墨丸，粟米吞拿魚沙律配法包，燒賣，醃青瓜，牛油粟米同車哩茄

 醉雞翼

 牛油粟米

 咖哩魚蛋同墨魚丸

 燒賣

 醃青瓜

 粟米吞拿魚沙律配法包