完工前的準備

時間過得好快，還有幾日又完成一個月的工作，呢個星期好忙，7號滿月，8號去健康院打針同擺滿月酒，9號要去醫院抽血，第一次見抽血要驗尿，將個尿袋仔貼喺囡囡小便處，如果大家有咁情況，攞返尿袋仔就要小心，bb 啲皮膚好嫩，小心整痛Bb, 抽血以前跟過好多個未試過呢間唔比大人陪，搞到阿囡晚上成晚咸又唔喺食，媽咪成晚無得瞓，所以大家如果有咁情況就堅持一定要喺到，抽血好小事唔明呢間點解要咁，還要用板縛住個30日人仔，搞到咸不停，在外的我們好無助好心痛，跟住二日就清藥材，媽咪最初話整十幾包，最後希望幫她整夠60包，我走後可補足100日，時間更趕，平時都早去遲收無時間，咁星期日買咗料就在家繼續包，雖然好忙，但都做哂先走，好彩呢個星期老公放大假，呢幾晚都喺他幫忙煮晚餐，所以遲咗返都好輕鬆，如果二個食就好簡單一煲過，啲女返就準備魚，菜我返去諗肉，每日都好忙好忙又好攰，遲啲就可以休成個月先繼續努力
再加的藥材，在家包好先因怕無時間

每份都寫清楚要加咩嘢肉同點煲，方便她們繼續補

 最後一星期前放假的準備

通常都係簡單餸，呢個媽媽無人幫，就整定更簡單

 呢個星期如果得我同老公通常簡單一煲過，湯飯或麵

呢個喺媽咪其中一餐的午飯，一定有個湯，今次奶白就係魚湯

呢個好特別叫做冰，包仔入面喺啲葉忘記叫咩，好似玉但話唔係，喺水上人的習慣，bb 滿月就係排喺身保平安直到大，如果讀書唔可以掛就放喺書包

 咁細個驗尿就用呢個方法

晚餐之用電子煲煮魚頭豆腐湯

今日仍在家休息，條腰好好多，而今次個太太過左預產期都未有聲氣，唔通bb真喺知我有事等我休息好先出黎，哈哈，今早一樣起身做早餐煮午餐盒，搞掂個個出門就做下清潔，洗衫同睇下書又大半日，跟住又去買餸回家都喺坐唔定又去搵嘢整，早前買左包爆米，今日簡單加左合桃同開心果，應該加花生就好啲，但我覺得加合桃開心果原來更好味，家姐昨日過黎又送左我新嘢，一套電子煲，一個可煲花茶中藥，而另一個可煲湯，燉嘢同燉嘢都得，我通常都唔會收到禮物放喺到，一定第一時間試，昨日已用來炆牛根好得，今日又試下煲湯，人少少又唔洗睇火真喺好方便，而家出啲電子嘢真喺好，又分享下

 煲出黎好奶白好好飲

材料：魚頭一個，豆腐一盒，薑4-5片，豬骨隨意

 先放入薑再放魚頭

魚煎香兩邊先灑些酒後加入滾水煲出黎啲湯先會奶白

 先較好一個鐘，就會先大火滾起再轉細

 將所有料放入蓋上蓋

呢個好好用大火煲滾約十分鐘後就會轉細繼續煲，水份唔太溜失

 一個鐘煲完就加鹽糖調味，好靚好奶白

 一套電子煲好好用

 合桃開心果米通

產後食療護髮之齊首烏黑豆燉烏雞湯

介紹咗上奶湯，又講下生完因Bb喺肚時吸收咗我哋唔少營養，有啲產婦會喺第二或三週左右會有脫髮現象，所以過咗12朝惡露開始少就燉呢個湯可防脫髮，滋陰補血，補肝益腎，烏髮養顏功效，簡單又好味

材料：烏雞半只，齊首烏5錢，黃精5錢，無花果3粒，黑豆2兩，陳皮1角，廋肉$10

先將烏雞同肉出水

黑豆白鑊炒到微爆後洗淨

果皮浸軟刮囊，無花果洗淨切半，齊首烏同黃精沖洗

全部放入燉盅

加入熱滾水

放入燉盅燉三個鐘就飲得

產後食療上奶湯2之牛鰍魚木瓜花生湯

上次煲咗個合掌瓜鰂魚湯，一個星期就可以飲，而家又介紹另一個都喺上奶湯喺惡露差唔多清就飲，因加紅棗喺補血，如果惡露未太清就飲會令惡露唔清，喜歡木瓜的媽咪可多個選擇，魚湯營養豐富再配其它瓜果味道更好，如果上咗奶又覺唔太多就可以試下但最好產後一個星期先飲，因惡露未太清就怕有異味，紅棗可改用無花果，今次又分享下

材料：木瓜一個，牛鰍魚一斤，廋肉少少花生半斤，紅棗3-5粒，薑片4-6片，果皮半個

將紅棗去核洗淨，花生用水浸半個鐘去氣，豬肉出水，果皮浸軟刮囊

木瓜去皮去子洗淨切細

牛鰍魚個樣就喺咁，洗淨沫乾

用少少油入鑊前香，

煲出黎啲湯就會好好飲

煎到二邊金黃就可加啲熱滾水

薑片都可先爆香

跟住將魚入袋，睇下啲湯幾奶白

將所有料放入煲連魚湯都倒入，先大火煲30分鐘轉中細火煲二個鐘加鹽糖就飲得

大火煲完己經奶白

再煲二個鐘己經好靚，唔調味都好好飲

產後食療之杜仲栗子燉豬脊骨

產後頭一個星期通常都會食啲清淡嘢，好似頭二日就會食粥，燉肉汁，因為剛生產完要比腸胃適應下，第三日如果食到飯就可以食，但最好啲飯都喺軟身啲，可以食下菜心肉片，合掌瓜炒肉眼根，煲節瓜湯，蓮藕湯等，過咗12朝惡露開始少就可以燉啲健皮湯水同補腰，但參茸藥材就唔好太早煲一定要清惡露先，特別喺紅棗，如果太早用啲惡露就會好耐都唔清，今日分享呢個燉湯喺好適合大家飲，因為照顧bb好容易腰背痛，呢個湯喺補腰固腰，產後肝腎不足引起腰膝酸痛功效，藥材分量好少喂奶都可以，但此中都喺個句每個身體的體質唔同，如果飲咗無咩嘢就可以燉多幾次，但喂奶又要睇bb受唔受到，如果同平時唔同可能bb唔受得就要停，呢個湯唔難飲好甜，栗子都好好味

材料：杜仲5錢，金狗脊4錢，栗子15粒，圓肉8錢，南棗6粒，豬脊骨半斤

豬脊骨出水，凍水一齊滾起就可以，其它材料洗淨放入燉盅

加入熱滾水

燉三個鐘就飲得

飲時可加適量的鹽