快樂的馬家: 小知識

顯示包含「小知識」標籤的文章。顯示所有文章

2020年2月15日星期六

浸花膠

今日有時間去試一個浸發花膠的好方法，之前用一般做法就係將花膠用薑蔥酒出水後浸到水凍就換水浸幾日，睇下花膠大細再睇下要浸幾日同日日換水，咁做話會溜失膠質，最近睇到好多方法，覺得呢個方法容易處理又方便同好成功，所以喺度分享下

將浸發好的花膠可分裝入袋入冰箱，食幾多就攞出嚟非常方便

呢只size唔太大同唔太厚，$698左右

唔需要洗就咁隔水蒸，一定水滾先放入去

蒸十分鐘左右

十分鐘後睇落細咗好多

放入無油乾淨溶器，用凍水一定要浸過花膠先容易浸發，浸一晚

過咗一晚大約12個鐘左右

啲水好清，啲膠質真係無溜失

每只都浸得好平均好靚

2019年6月10日星期一

休息咗幾星期，好開心好快又開工啦，個媽咪順利生咗仔仔差唔多7磅祝她們母子健康快樂，早幾日有時間又學人整蛋黃油，主要喺個同學仔好重濕疹，她見到有人講話好得，她問我覺得點，我當然唔清楚啦又問難唔難，我諗都唔難而家整完覺得只係成屋煙同好大味，如果真係幫到手我唔介意去整，今次喺試整同比同學試下而自己又留咗些少，真係想試下喺咪隨左濕疹其它都可以，今次用咗6只蛋黃去整差唔多有30ml, 只係用咗20分鐘左右真係好簡單如果有用真係好方便

材料：6只熟蛋黃

要用一只鑊，唔好用易潔黃

6只蛋黃放入白鑊（意思喺要乾身無水無油）

將蛋黃用鑊鏟禁碎

全程用大火，要小心鑊開始熱，蛋黃碎會再圍彈

開始變深黃

當開始黑煙就會好大

全黑時更大煙

開始會見到油

周圍就有好多蛋黃碎，小心彈出會整親

將油隔起放涼後就可入樽

2018年10月15日星期一

分享學習精油後的小知識

今早在家搞好哂，又準備過幾日開工的物品，食完午餐就去上最後報的一課，今次學關於精油的用法，好處，點樣調配....等今次真係好開心清楚知道自己想知的，因為自己學咗催乳每次都係免費提供比有需要的媽媽配合埋我的湯水，每次都好成功而我無特別買精油實在太貴，自己又唔係專業去做，只係諗住有需要時幫到手就得，無諗過會休咗差唔多二個月，但都有收鑊學多幾樣嘢，好似扎肚，推拿，精油的用法.....等, 因為上咗扎肚又介紹精油，只係講用咩同埋會提供，但價錢都係好貴，而我都係諗住啲媽咪問起都會知喺咩嘢，所以都係無買，好啦講下今次呢堂，呢個阿Sir講得好好，講精油點做，用精油喺唔可以直接用，要有份量去開稀後才可用，唔同精油的好處，邊啲人適合用同邊啲人唔可以用，真係聽到連洗手間都唔想行開，即場教我哋點樣將精油先加入乳化劑或牛奶，令到啲油先溶後才加入水，如果噴喺身好似防蚊水就用蒸餾水，如果家居清潔或洗衣就可用普通水喉水

家居消毒清潔液100ml
先將精油-茶樹，薰衣草同尤加利各一滴放入6滴乳化劑撈勻溶解後加入100ml水撈勻就可以用，可以抹枱消毒殺菌，噴在空間有空氣清新功效，也可清洗衣服務

產前產後一個月用冷壓芝麻油搽肚會幫助去妊娠紋

不同種類的精油有不同的效果，原來有咗bb懷孕期間有幾只味喺唔可以用，有bb的媽咪要留意下以下幾種
快樂鼠尾草，薰衣草，迷迭香，天竺葵，絲柏，洋甘菊，杜松果，百里香，胡蘿蔔籽，玫瑰，苿莉，沒藥等

上完堂後回家都溫習咗一輪，真咗感到大有收獲，所以喺度分享些少，還要繼續努力學習

老師的豐富詳細note同送給每位同學的薰衣草香包有助睡眠啱哂我，今晚就要一試

乙醇用來稀釋精油

老師分享在外買的噴霧可以有效幫助睡眠，比我們比較味道

老師當然覺得有信譽的機構先唔會買到假嘢，價錢當然唔平

能溶解精油的乳劑，老師分享的部份精油

2017年10月8日星期日

初生bb幾時食輪狀病毒同點樣選擇二劑還是三劑

今日又星期日啦，時間真係好快，本來淋住瞓晏啲，整咗麵包比啲女，點知細女想食格仔餅，最後就整咗個女話好耐都無食過咁豐富早餐，搞掂晒二個女出門又執下嘢，自己都出去上堂，今日喺專登去學關於bb打針的事項，政府免費打咩嘢針，自己又有咩嘢針要自費，點解要打，打完點處理，有咩要注意，bb 唔舒服點處理，簡單嬰兒按摩.....等的，最初以為連續四個鐘會好耐，但當老師講解，時間喺好快連洗手間都唔想行開，怕有咩聽溜，未上堂真係唔知輪狀病毒應該食二劑還是三劑，以為一樣，因剛完工的媽咪都想仔仔食，用千元可買個安心當然好啦，因為唔想帶仔仔走黎走去，家樓下疹所就有得打，我最初唔清楚以為都一樣就話都啱，當上完堂知道，原來二劑同三劑喺有唔同，立即通知返個媽咪去搵第二間，首先講下輪狀病毒喺咩