南北杏木瓜雪耳糖水

飯後就煮了個簡單南北杏煲木瓜雪耳, 快捷又簡單, 全部材料入真空煲煮15分鐘搞掂

臘腸蒸水蛋

今晚本來簡單炒個菜和豉椒排骨炒麵, 剛在老豆家煮完回來, 不想再搞太多野因只得3個人就沒有買魚也沒有準備湯, 到回家都差不多7時, 同學突然打來話上來, 我說沒有餸, 她們說斬料, 我又知她們不太喜歡就叫她們不要買說是但食啦, 剛巧又無魚, 平時星期六多數都會煲定湯而且一定有條魚, 有時就喺咁, 雪櫃有料但都解唔切凍, 好在之前在爸家做了薯仔雞肉餅帶了部份回家就加多d料煎一煎, 另外煲個臘腸飯, 突然醒起她們最鍾意蒸蛋就將臘腸切碎改做蒸蛋再滾個什丸菜豆腐湯, 是是旦旦又一餐 

豉椒煮鯇魚腩件

昨晚留起幾塒塊魚腩今早加d青椒, 洋蔥和一匙豆豉醬炒出野味魚腩做午餐盒

檸檬柚子蛋糕+紅莓包

昨晚做左包包和蛋糕今早加杯咖啡給老公, 女兒可隨意邊樣就拿走

海鮮什錦煲

今晚個大要做儀工, 個細又要學畫, 以為得我2個食, 就買左些少鯇魚留起一d明日老公午餐, 淋住滾些少菜魚連湯就算, 點知阿細有事早左回來未食, 大的又話早放回來, 咁就去冰箱摷多些少野, 蝦, 青口, 帶了, 魚蛋....腸就做左哩個海鮮煲啦, 好豐富

芝士腸仔pancake卷

今早見轉涼又食左幾日包, 淋住煮麵, 點知d女又要攞走, 好左有包pancake粉加d水煎一煎加多塊芝士和一條腸仔就搞掂

豉汁排骨南瓜飯

蒸餸煮飯一tick過, 快捷簡單又美味

腸仔炒蛋公仔麵

天氣轉涼, 熱辣辣的湯粉麵最常出現在我家的早餐, 今早就煮左個腸蛋麵給老公

簡單快捷豬頸肉配鮮檸檬蜜芽糖汁

今晚又焗豬頸肉, 只喺好簡單用豉油糖生粉水先醃再焗, 但配左一個好味醬汁同大家分享

蕃茄炒鯪魚釀豆卜

昨晚留了一些豆卜, 今早加個蕃茄炒一炒, 又喺一個有營午餐盒

巴馬火腿卷

今早見只淨一個包, 就開了麵糊煎塊皮加左 pama ham, 車哩茄和生菜, 又喺一個豐富好味早餐

九菜芽菜炒鯪魚釀豆卜

今晚煮左個普通而且好簡單的餸就喺

"九菜芽菜炒鯪魚釀豆卜" , 因為老公好鍾意食九菜, 以前好多時清炒給他食, 今晚就試吓加芽菜和豆卜煮, 唔煮唔知原來2個女都鍾意食而且重話好好味, 以後可以多煮

買左d現成返來都會加薑蓉和蔥再搞吓會更加好食

豆卜用熱水洗一洗會去減d油

將豆卜開半釀入魚肉

九菜洗淨切段

芽菜有d人會先出水而我通常用白鑊(是鑊沒有油和水)旱一旱(會去臭青味)

先煎香豆卜

加入九菜

加蠔油炒勻

加入芽菜炒勻試味就可上碟

車哩茄火腿蛋包

昨晚買左好新鮮車哩茄, 今早炒左蛋加塊火腿和生菜再配一杯鮮奶或咖啡又喺一個靚靚美味又健康的早餐