假日早餐之自制腸粉

又星期日啦，剛呢個星期去咗幫個媽媽手，因為她無咗工人又湊二個，大5歲細7個月左右，已經話無時間做唔到，連2星期都唔夠，因3月媽媽18號生隨時開工，但個媽咪話自己坐月又唔好，想我跟下順便幫手照顧個細，最後星期一都過咗去幫十日左右，估唔到好忙都係安排3餐加下午茶...等，大囡唔洗返學真係好悶，我有時間就做埋老師教她寫字，讀下英文學下中文，細囡又好搞笑成日唔洗瞓，多咗我好開心成日扭抱，第一日又唔慣搞到7點幾先走，跟住好啲都遲過5：30先走，因為要煮埋晚餐，呢個媽媽怕我收工後無時間所以晚餐全部搞掂，她們食時返熱就容易，第1-2日都有清潔晚餐的碗碟，但跟住就全部入哂水盤有啲都有水浸，連湯煲，鑊全部無清潔所以一早去先清潔哂所有昨晚的廚房嘢，清潔埋奶樽再立即處理湯，因為12點幾食飯，又要預備細囡的固體食物，有幾日大未食早餐又整埋比她，總之返到去忙到都唔知自己做咩，好彩自己手腳快好快就習慣哂，呢2日細囡都習慣咗，自己玩唔再扭抱同自己玩下都會瞓好乖，知道我餵食好開心而且食得好好，好快成碗瓜菜就食哂，飲奶又飲得好好，每晚都好夜先回家，好彩老公還喺一星期返一日，晚晚辛苦老公幫手，如果得我哋二個就方便多數煮麵食，二個女喺到就盡量煮，會醃定肉老公就簡單煮菜，蒸魚同焗個肉就搞掂，有時煲定湯如果無就飲礶頭湯，今早煲定粥，自己又蒸腸粉今次加咗椰菜同蝦乾去蒸，滑滑腸粉個個話好味，而家真係好方便想食有包粘米粉就搞掂，加多個炒個麵同煎餃子，開開心心又一餐

麵糊：粘米粉110g, 粟粉30g， 水200g,
油2茶匙，鹽1/4茶匙
將粉料撈勻無粉粒就可以

將蒸盤搽油唔會太黏，放上自己喜歡的料

水滾大約蒸2分鐘左右，見到麵糊變白就熟

 熟後就可以攞出

 用刮板刮起後就可卷起

 可配自己喜歡的醬油

做比呢個媽咪其中一日自己包的菜心餃子

 家姐仔一出爐就食咗2個

 媽咪又可以做下午茶

家姐仔又話要整麵包，又話蛋糕，無帶料先整提子蛋糕，容易又快手

 其中一日去到立即整的早餐

 其中一日教家姐仔蒸pizza

昨晚老公煮的晚餐，我回去只去煮個魚就開飯

章魚小丸子

今日阿囡又喺家工作，咁又煲粥，炒麵煎餃子再加多個章魚小丸子，幾年前阿女一次過買咗幾個模比我，等我喺家有時間就整，呢個章魚燒之前啲女想食就整，餡料未必一定喺章魚，家有咩就用咩，今次記得冰箱有包仔章魚，咁又整下，啲女見到好開心因為好耐無食，大家又邊食邊傾好開心

 煎餃子

 今次煲腰果粟米粥

 火腿椰菜絲炒麵

材料：麵糊，椰菜絲，章魚
麵糊：中粉120g, 蛋1只, 奶50g, 水200g 泡打粉1茶匙，鹽半茶匙

先將麵糊材料撈勻

椰菜洗淨切碎

章魚洗淨切碎

 將模具先搽油加入麵糊，放椰菜同章魚

 見麵糊邊轉白就可以轉

二邊金黃就熟，可以插入竹簽無黏就可以

 整好後可加入醬料

 醬汁，沙律醬

最後放入慳魚同蕃哂碎就搞掂

星期日的早午餐

咁快又一個星期，喺屋企坐到唔知又星期日，今日阿囡都唔洗返，一早起身用昨晚食淨的雞同燒鴨先用骨去煲粥，肉就去整腸粉同炒河粉，啲囡最喜歡食粥，今次加咗咸蛋可以去火，晚晚都夜瞓，以前星期日啲囡又喺屋企就會煲粥整好多唔同點心，今次呢個疫情搞到唔喺星期日都會煲粥炒麵或者整其它小食，家人喜歡就好有嘢做下時間就好快過，每天都希望疫情快過可以過返正常啲

女兒都愛這綿綿的粥

 有淨咩加入腸粉蒸一蒸就更好味

如果想將河粉炒得一條條就要炒前整散先

炒河粉唔需要太多油，先炒好哂料

最後先加入河粉

豉油同老抽

快手炒勻就搞掂，睇下一條條無黏在一起

大囡早起身話想食pancake,咁就專登整幾件再加個蘑菇奄列配幾粒蕃茄仔

食完午餐又準備明天早餐，今次整火腿蟹柳

 整咗8個

 淨咗麵團剛買咗花生醬就整花生醬包

今次出爐要影咗先

 啲花生醬包幾脹卜卜