產後媽媽小食

最近好忙同好攰都無乜時間上嚟寫下嘢，呢個媽媽同bb都好快就互相適應，媽咪出院後個幾星期就可全人奶而且都有些少存貨，呢個囡都好叻食人奶都3個鐘先起，如果食唔飽就會嘈，其它就唔會嘈，所以下午茶都有時間整啲嘢比媽咪配燉湯食，好似菜心豬肉腸粉，生煎包，燒賣，煎餃....等，有啲人覺得我好無謂有時間都休息一下，已經好忙還可以搞咁多嘢，但對我嚟講最緊要媽咪想食又食得開心，我就唔覺辛苦，今次介紹一下腸粉同生煎包，快樂的時間過得特別好快，唔經唔覺下星期中就滿月啦，好快又完成呢個工作，雖然大家習慣後我都可以準時收工，但可能車程關係我最早都7：30先返到去，有時上唔到車或塞就8：30先回到家，咁又喺一煲過或樓下味皇

呢個用麵粉油，鹽糖去搓咗個麵糰先，跟住就準備餡料，做好一份份就包入開好的麵糰

 簡單埋口

 面放啲蔥同芝麻，煎時更香

因為餡料喺生，煎時先加水浸過包底就可以

 等收水就差唔多熟，再開蓋加少少油煎

用易潔鑊會唔洗太多油都可以煎到底金黃色有外脆內軟的感覺

 呢個喺南瓜豬肉腸粉，bb無黃就可以食，原來呢個媽媽好喜歡南瓜，之前整咗南瓜煎餅，淨底啲南瓜就用嚟簡單整呢個腸粉

腸粉皮而家唔洗自己整買現成好方便，但一定要新鮮才容易打開加餡料

 南瓜洗淨切絲

先放豬肉再放南瓜，好隨意想食幾多料就放幾多

 包好後水滾蒸15分鐘就食得

產後小食電飯煲蒸菜心蝦仁腸粉

放假前整咗小心比媽媽做下午茶，呢個簡單好味又易整的腸粉，平時做早餐都可以，腸粉的餡料可自由更改，今次介紹呢個就好適合生完第三個星期，對海鮮無敏感的媽咪食，菜心喺咁多種菜最有營養同正氣，通常坐月必食，可能有啲媽媽好怕，又菜心，但配唔同的嘢去煮就會容易接受，今次我就用菜心同蝦去整腸粉
蝦的營養含豐富蛋白質、維生素A、B族維生素、維生素D、維生素E、鈣、鉀、鎂、磷、鋅、鐵、銅等礦物質，是人體補充營養的好食材，還有開胃化痰、補氣壯陽、益氣通乳等功效，好啦講下點樣簡單整

材料：腸粉三條，蝦仁12只，菜心5條

先將菜心浸洗切細加入些少鹽撈勻，蝦去殼去腸加些少鹽撈勻

 菜心放咗一陣搾乾水份就會見到有綠色水溜出，咁樣就可去臭青味

將腸粉一開二，輕手打開

 先放入蝦仁喺中間

 面放入菜心

 將腸粉左覆右覆就搞掂

 放入蒸盤

 飯煲放入水

按制蒸十分鐘就搞掂，食時可加些少豉油

產後食療小食之菠菜豬肉薄餐

成個星期都好忙，因為bb黃要去醫院抽血，醫院可以又要去健康院，點知去咗又話明日要再去，搞咗三日好彩下星期先再去睇下，星期四12朝媽咪要洗頭就燉咗天麻魚頭，見媽咪唔太食魚就整咗薄餐比她飲湯一齊食，媽咪好開心話好好食，其實坐月都唔太悶，當然最緊要你食得開心，呢個餅菠菜有鐵質，豬肉有蛋白質好適合坐月媽媽食，又講下呢個簡單薄餐做法

一人粉量材料：中根麵粉4湯匙，水開麵用6湯匙，豬肉啄碎1湯匙，菠菜切碎約半碗
調味：鹽1/8茶匙，糖1/4茶匙，油1茶匙

 先將麵粉加水拌勻無粉粒(水慢慢加入就容易拌勻無粉粒)

 搞好倒出要溜線型就可以，如太傑加水，太稀加粉

 加入豬肉同菜

 拌勻後加入調味再撈勻

 倒入煎Pan

 平均就可以

 蓋上蓋確保豬肉全熟

 見到面的白色無哂就可反轉

 返轉煎到金黃

 可以喺Pan用鑊摌分開就食得