晚餐之自制粉皮蒸排骨

完工幾日又國興又中秋好忙，國興約咗班同學回家，中秋又有班朋友黎食飯，昨日又出咗去見五月預產期媽媽，好開心多謝她的信任，星期一晚就去簽，而家個期去到六月尾七月頭先有時間，傾完見時間早又去咗西灣河探個媽咪同仔，好開心傾下講下又趕住走，約咗班同學下午茶，晚上回家就是旦煮，今日以為可以喺家休息，點知阿妹又約出去同老豆飲茶，下午終於可以回家休息下，睇返啲筆記明天又上堂，有啲雖然已學過，但不停更新都要update下自己，睇睇下又走咗去試整粉皮，之前都試過可能底粉喺做唔到，今次就用返中根粉好成功，今時蒸排骨就用咗啲，留啲整雞絲粉皮，喺到分享下

 材料：中根麵粉1杯，水2杯

 先用半杯水搓勻麵粉

 用水搓勻

 搓到唔黏手

 用保鮮紙蓋住放一個鐘醒面

 一個鐘後會見大咗就

加餘下的杯半水

 將麵團洗散，目的喺將粉洗出

 越洗水就越白

 洗完將隔出水

 將粉水放一陣，

隔出嚟的麵搾成一團

 將麵團水滾蒸15分鐘

質感似麵根可用黎炆好好味

 粉水放一段時間見面有一層水倒掉

 撈勻粉水加入已搽油的盤

 水滾蒸2分鐘

 蒸好的粉喺透明唔黏手

 放喺冰水就容易起出

 用手試起，冷卻後容易起出

晚餐之沙薑雞翼

今日返最後一日，今早煲好湯就出門，老公同啲女都唔洗返，上午講嬰兒疾病的問題同怎樣處理，食完午飯回去老師幫我哋溫書，因完堂前要考試才畢業，今次短短的三日增潤班都學到嘢，雖然課程一樣每個教法都唔同，而我就喜歡之前教陪月的李老師，活動同親身經驗應該比哩個多，這幾天好唔好彩，坐在個唔旦煩人而且喺個有病又自私的人，老師唔舒服都帶足三日口罩，而那人比老師嚴重，我前後左右的人都怕咗她，同她食過一次午飯就不想再一齊，到午飯時個個啦啦淋走，好怕她跟住，自己有病唔帶口罩還不停黏身講，大家都頂唔順叫老師比左口罩她，估唔到她當紙巾用，有咳都唔立即用，咳左幾聲先好似紙巾咁放喺口，跟住又放喺枱，還當無事發生老師講她又講，都好嘈搞到都專心唔到去聽書，已經唔理她側一邊都，她就黏過來，最後搞到我都病病地連老師講試題都好似瞓咗，迷糊間聽到啲又唔清楚同記唔到，到考試時好多都唔太識，唉希望合格啦，是實上我喺怕病咗影響我星期一考果個試，考完就走得買啲餸又回家，細女話想食雞翼買咗2磅整咗個簡單又快入味的沙薑雞翼，細妹又過來就加多個翠瓜炒之前食淨的金沙骨，炒菜蒸。魚又開餐

材料：雞翼2磅，薑5-6片，蒜3-4粒，蔥些少
調味：酒1湯匙，沙薑粉1包，半杯

雞翼洗淨抹乾水

 先將雞翼煎香2邊

 煎好加入薑，蒜同沙薑粉炒勻

 灑入酒再加水

 煮到收汁試味

 最後加蔥炒勻就搞掂

午餐759的咖哩魚柳飯，太多啦好浪費下次有機會再去應該都喺食碗麵算啦

晚餐之玫瑰煲炒油麵配什錦豆腐煲

今日用咗朋友喺芬蘭帶回來的朱古力手信整咗朱古力包，因個個話太甜唔食，咁唔好浪費用來整包就最好，估唔到好好味又唔太甜，大家食左就出門，我同老公就出去行下，淋住行科學館點知休息，好彩間離的香港博物館有開而且又免費，好多嘢睇，有時間真喺要去行下，有小朋友就更加帶去睇下同分享下，我哋不知不覺由十點幾行到四點先出去搵食，去咗KFC 又食下午茶跟住就回家買餸，二個女都話遲返就簡單炒麵同滾湯，簡簡單單又一餐

材料：油麵斤半，蝦半斤，豬肉$10，雞蛋1只，芽菜半斤，蒜茸1湯匙，蔥1湯匙，紅咖哩1湯匙，老抽1湯匙

將豬肉切片加豉油，糖，生粉撈勻，蝦去殼去腸洗淨用些少鹽撈勻，芽菜洗淨，蒜洗淨切碎，蔥洗淨切絲，蛋發勻

 先熱煲加油倒入蛋汁煎好先回碟

 原煲加入蒜茸同豬肉炒熟

炒熟豬肉加入蝦仁

加入紅咖哩

炒勻試味加入油麵炒

再加入芽菜同些少老抽炒出啲色就靚啲

最後加入蛋同蔥

炒勻就食得

午餐變左下午茶

喺博物館睇到以前的車衣機，回想細個都曾經做過的暑期工，好有親切感

以前住七層的日子

以前用公家水

沒有廚房只在家門搭個廚櫃放火水爐

大型士多買米，咸魚

懷舊的玩具，有錢的人才有，而老公就見到會跳的青娃是他細時唯一的玩具已好開心

各式的油燈