時間過得好快今日last day, 祝BB身體健康，快高長大，幸福快樂拌一生，媽咪身體健康，一家開心愉快過每一天，唔經唔覺咁快3個月，今日比平時更忙，因為之前做自己安排哂時間，完工時都會食下嘢交底哂啲嘢影下相就收工，就算遲都喺半個鐘內，但做咁耐第一次無完工的感覺，好忙好忙後就好似平時咁收工，有影相但其它就咩都無，人工同買餸錢都喺遲啲先計，話寫唔切封信寫好就寄比我，無開工仍都無收工利市，開工時就自己比自己開工一切順利，呢份做咗2星期就諗住隨時提早完，點知又順利完成，每日都喺忙忙忙，早咗大半鐘到，收工最少遲大半個鐘到個半鐘，初時BB 都好乖，到第3個星期就開始抱，第二個月就更利害輪流由早抱到晚，中午後個爸爸就一定用個袋鼠袋背出去後瞓咗先回來，我同姐姐就多數抱出門口周圍行，搞掂做唔到嘢，完工果2星期就忙準備炒米茶，燉湯同煲湯料，2個婆都超喜歡飲湯，特別喺西人爸爸又好喜歡中國菜同每日的下午茶，媽咪就喜歡西餐多啲，第二個星期就已經話唔想食中菜，之後就每日諗想食咩，呢份比我感覺只係一個廚師，完全唔似陪月，西人爸爸第三星期開始就一定要自己同仔沖涼，如果餵樽就一定自己餵，而我只係喺傍邊睇實同跟，媽咪全埋身間唔中唔想餵就補奶粉，，今日忙埋尾清埋啲材料全部包好哂，差唔多包咗100包，5款燉湯加3款湯，炒米茶就包咗60包教埋姐姐炒飲完想飲可繼續，2個好喜歡甜品，呢個媽咪整得最多蛋糕，隨咗滿月的一個外做咗4-5個班蘭同芝士，小丸子又最多，桂花小丸子，冬瓜茶檸檬小丸子，南瓜紫薯小丸子，桃膠雪蓮子小丸子，椰汁小丸子，pancake 都有班蘭味，總之呢個啲下午茶款最多，午晚餐的款又最多，好多平時坐月唔會整，有啲好花時間，好似南瓜同紫薯小丸子就又蒸又搓再做去煮，2個喜歡到每次可食3-40粒，最記得第一次整桂花個媽咪食到唔停話可以再食問還有無我話下次再整，唔好一次太多，BB 好得意大眼仔喜歡人同他講嘢，出去周圍行，日間多數唔瞓埋身就邊飲邊瞓，飲完就搵人玩同傾計，所以搞到我哋好忙無時間做嘢，個工人姐姐最喜歡同她講嘢同抱住他，所以我忙時都有她幫手抱，休息幾日又開始另一份，11月媽咪提早安開刀，應該下星期尾就開新工
今日完工午餐，煮雞酒，XO 醬炒龍躉
