快樂的馬家: 早餐

顯示包含「早餐」標籤的文章。顯示所有文章

2019年7月20日星期六

早餐之自制腸粉

又星期六啦，個媽媽還未生只好等，希望呢個媽媽順順利利生完我就可以快啲開工，玩咗二日，今早都係好早起身準備炒米茶包下午去家訪8月的媽媽，因為通知我會早喺8月中開刀，咁早啲過咗去先，唔知7月的媽咪幾時生，一開工就無咩時間，搞好哂阿囡就起身問有咩食，之前朋友送咗包粉做腸粉都無時間試，今日就可以一試，其實可以加料，但無準備就簡單整個齋腸同加蔥，呢個粉只加水搞勻過瀘就可以去蒸，但無份量是旦加水入去，第一底感覺似粉皮煙煙韌韌，再加水好些少老公話都好食有口感，我諗下次都係自己開粉會好啲，下午就出咗去8月的媽媽到，主要送炒米茶包等媽咪生完立即有得飲，跟住講解下生完要注意啲咩，同睇下BB喺邊度瞓同沖涼的位置，廚房的用品，時間真係快又要喺時候回家

順便煎多幾只自家制餃子同蒸些少燒賣

腸粉最好食就係芝麻醬同芝麻

喺朋友送的粉

2018年5月4日星期五

早餐，午餐的準備

好多謝大家的支持，有啲人問我是否已無煮早餐同午餐盒，因為都好忙無時間寫咁多，我每日都有整早餐，因為家中各人都喺食完或帶早餐走，早餐多數麵包，腸粉，燒賣，格仔餅，餃子都係方便啲女無時間又想瞓多幾分鐘而攞走，如果有時間就一定煮麵，通粉類，好似今早就食腸仔包同柚子麥包，而午餐盒就會早上先煮飯或炒粉麵，睇現她們想帶咩，老公就有咩食咩從來無要求，嫁咗比她二十幾年，日日都係食完早餐先出門，午餐隨咗公司有得食就一定帶飯，有時好得意，有啲人覺得帶飯喺無錢先會，而我覺得就唔一定，由其是午餐盒每日新鮮煮，能帶的人喺一種福氣，以前女兒返學帶，後來出嚟做嘢覺得帶飯會比人笑，之後都係要求帶，女兒知道唔係好多人都能食到早上新鮮煮的飯餸，開始都好珍惜，如果唔係約咗人就一定帶，今日就煮咗椰菜冬菇炒肉絲，通常都會煮啲簡單又唔會到下午食時變色，見到都唔想食，夏天食就還暖，而冬天食就熱一熱就食得，返去又唔需要入雪櫃

2017年4月18日星期二

小丸子模之蔥油波波

今早煮咗麵比老公做早餐，見啲女過幾日先返，無整麵包就好無聊開咗粉淋住煎塊餅食，突然想起女兒還有個模未開封，就一試好好玩大成功，自己就喺咁忘了要返工，食完拿拿淋走，等啲女返買齊料就再試整章魚燒

第一次未掌握唔太圓

中間再整就好好多

2017年2月13日星期一

早餐之雞蛋芝士火腿焗包

時間過得好快，明天最後一日，跟住下星期一又返新工，終於完成Bb都大咗好多，早咗11週初見她時好似monkey, 但要走啦見他比之前大好多，真喺有啲唔舍得希望他健健康康快樂幸褔，今早阿女話早餐想食豐富啲，咁就整做件芝士火腿蛋包比她攞走，簡單準備好入爐幾分鐘就食得又唔洗睇，方便我呢啲大忙人整早餐有時三個都唔同款，又整二個飯盒，但都好開心家人無要求煮咩食咩，成人就叫我唔好做安心在家，但我就喜歡有工作又可照顧到她們，大家都好合作，特別老公多謝他時時關心同好幫手，有時去老豆的責任好彩老公都好幫手，所以覺得自己好幸褔

2016年2月21日星期日

早茶在彩晶軒

今日難得一家四口有時間，啲女就話去飲早茶，好耐無去咁專登去官塘飲早茶，之前同朋友來飲過早茶都好平，咁就提議去彩晶軒，點知過年無咩特價，要過咗年先有之前特價嘢，咁啲女話無所謂食餐好啲，哩間啲嘢真係幾好，如果特價就好底食，如果無對我來講就真係貴，茶位早市都要$9.8，細點就$18.8, 中就$23.9，大就$28.9而特就去到$33.9,是旦叫幾個都要幾百，今日我就叫咗特價個幾樣再加多三個點心，埋單就差唔多三百，但啲女就好喜歡話樣樣都好好食，是實上我都好喜歡，但價錢就貴咗啲，快樂時間過得好快，傾下講下好快又十一點幾，我同老公就去睇奶奶而啲女各自有節目

連枱號都用水晶幾貼切酒樓名