終於常試自己釀的糯米酒

舊年釀的糯米酒，剛啱今日半年，呢個媽咪好有福第一個試食我親手釀製的米酒，今晚食完飯同老公傾計時醒起之前釀的酒怎樣呢便去看看，好多酒原來剛好半年，記得釀時有寫blog就立即睇返喺幾時，老公話攞咗出嚟就要試下，真的好好飲好清好甜，立即whaWhats個媽媽有冇興趣試，個媽媽話好就入咗一樽明天帶回去買只雞去煮雞酒，之前家姐比我的就有些少酸可能加咗酒，而我今次做就無加喺一位老人家教的，估唔到咁好飲，老公就話太甜易入口容易醉叫我唔好飲咁多，真係易入口但我就無咩問題，老公飲些少就話有啲醉都唔知喺咪真，順便再重覆點樣整

剛好半年出啲酒已高過米

倒咗半碗出嚟，好清好靚

材料：糯米2斤，酒餅2粒，冰糖1粒，
           消毒無水的十斤玻璃樽

糯米洗淨煲飯一樣煮熟 

 飯煲跳制可先打散啲飯

酒餅先打碎

 飯先放涼唔太熱到手就先將酒餅撈勻

切底放涼原全唔熱先好入樽，將米入好中間開個洞放粒冰糖跟住用布蓋好  

第二日已睇到有些少

第三日已見到有半吋酒

 第八日就見到成吋

產後食療之桃膠雪蓮子百合無花果蓮子糖水

最近桃膠同雪蓮子都大受歡迎，話好有益又價錢大眾化，呢個媽咪都有買但就無煮，唔知點整，其實煲湯或煲糖水都可以，滋潤又護膚都適合產後進補，桃膠對腸胃的滋陰功效較好，一食無妨口感佳，加上性味平和、無毒，無傷大雅，適合大部分體質人士，雪蓮子有化痰，養心通脈、清肝明目、健脾滋腎、潤膚養顏、提神補氣等功效，而百合有潤肺止咳的功效
今次簡單加百合蓮子去燉

 材料：已浸的雪蓮子同桃膠各一湯匙，蓮子1湯匙，百合1湯匙，無花果1粒

 將無花果剪細，蓮子洗淨去芯，全部材料放入燉盅加入滾水燉1個鐘就食得

桃膠乾身喺好細，要用水浸一晚，碗入面喺未發大的

 浸軟的桃膠要去黑色後見到透明

 第一粒喺未浸，第二粒透明喺浸軟同洗淨，碗入面喺浸大的桃膠

炒米

現在生完Bb的女人喺坐月期間都唔會飲水會飲代茶，呢啲代茶喺將米炒到金黃色，用時就會加啲嘢去煲收或焗，通常喺醫院個幾日就會用茶袋放入杯焗，喺屋企當然喺煲啦，今次喺想講下點炒米，其實好簡單但就要帶耐性，因要慢火炒先可炒到金黃，大火就好易燶

 用白鑊即喺個鑊乾淨咩嘢都無連水都無，放米（平時煲飯的米就可以）米唔需要洗，到飲時先沖沖水

 開始可以唔洗不停炒，可將米放平

 一定要用細火

 見米開始變白就要不停炒

 大約二十分鐘就開始黃

 炒到40-45分鐘左右

 就大部份都金黃就可以

滋補糖水之桑寄生蓮子蛋茶

每年十月一日都會約班中學同學飲茶，通常飲完都有幾個會上我家打返幾圈，晚上食完先走，一早煲咗個滋陰糖水就喺桑寄生蓮子蛋茶，最近上堂學到好多嘢，哩個糖水好味又有益咁又試下啦，上綱好多唔同做法而我喺之前喺幼稚院煮食時都有煲過，自己家就第一次，記得啲老師好喜歡飲，個次都喺第一次煲同飲，最近上堂聽老師講好多好處，大部份人都可以飲，只有糖尿病人就未加糖都可飲用，桑寄生蓮子蛋茶對孕婦非常好，有安胎效果，又有健筋骨，補肝腎活血，消腫，治腰膝痛，手腳冰冷等

材料：桑寄生半斤，蛋6-8只，蓮子2兩，去芯紅棗8-10粒，紅糖2片

先將寄生用水沖洗

加水煲40分鐘

煲好後隔去寄生渣

雞蛋煲熟去殼，蓮子去芯

全部入煲，煲15分鐘試味就食得