香草火腿芝士包

昨晚整咗火腿芝士包今日做早餐，今日一早起身搞掂各人出門，自己食些少嘢就順便焗埋幾個包入西貢，還未開工應承咗剛完工的媽媽陪囡囡打2個月針，幾日唔見囡囡又醒目咗，但媽媽就唔夠精神，因為過份擔心囡囡無覺好瞓，我只有同她講一定要放鬆心情唔好緊張，知道呢個媽媽樣樣事都好上心，所以都專登陪她去同BB打針，她自己好怕姑娘都喺到笑話媽咪比囡囡緊張，呢個囡都好叻只係喊咗一陣好快就無事，其實最主要喺打完針立即按實針位，BB好快就無事今次左右脾各一針，打完第一針按實針位轉另一只脾時，將BB打咗針的位黏實自己身體，再等打第二針，二針完成後立即2手按回針位就可以，另外唔好立即隨去膠紙綿花，回家沖涼時等膠布浸軟輕輕取出就可以，點解唔好立即因為BB皮膚好嫩，膠布容易整痛同有機會整傷，濕咗水會減低黏力容易處理同無唔會整痛BB，帶咗包入去，媽咪話好食可以開檔，當然唔得自己食點都可以，因為無牛油少糖完全唔同出面，大家有興趣都可以做，好簡單又好好味

剛焗完熱辣辣食返個，芝士溶咗更加好味

8個材料
麵團料：高粉300g, 酵母3g, 水200g, 奶粉10g, 鹽5g，糖28g, 油20g,
餡料：火腿5片，芝士8片，
裝飾：香草隨意
掃包面：蛋黃一只
先將麵料入麵包機選發麵團功能就可以
火腿洗淨切細，芝士切細

麵包機發好的麵團分8份，先將一麵團碌平成鵝蛋型，一邊放入火腿同芝士

 另一邊分四條,先將第1條同3放包面

 再將3&4分別搭上交乂放入

 做好型後放一邊等包發二倍大就可

大約半個鐘到一個鐘左右，要睇當天的天氣，先掃蛋汁再灑入香草

 入爐180度15分鐘左右，金黃色就食得
每個爐溫都唔同，如果未夠金黃可加多2分鐘

休假的一週

咁快又一個星期啦，呢個星期都唔知忙咩，上下堂整下包，同啲朋友食下飯咁就又星期六，今日個個都唔洗返咁可以休息下唔洗5點幾起身準備早餐，午餐盒，瞓到九點左右就起身，整早餐各人食咗各自活動，最開心昨日收到早前玩綱上遊戲得到本裱花書一本，好心急又睇咗一日，每次整蛋糕後最難都喺裝飾，見到啲立體花好希望自己都做到，但睇完真係覺得好難，用具又多而家還休假中，諗住學啲簡單先，真係唔舍得出去學太貴啦，下星期又返扎肚都好貴，考慮咗好耐最終都好想知道基本嘢好啲，所以貴都要去聽下，希望有得著

昨日掛住睇書，晚餐就簡單滾個菜連湯，蒸魚同煲苧頭排骨飯，簡簡單單又一餐

呢本書好吸引又睇咗幾個鐘，好開心

呢個就係鹽可頒話某簡出名的麵包賣的，我覺得味道只係普通豬仔包一樣，呢個喺包咗一件牛油後喺面加上海鹽去焗，啲女焗完見唔到牛油就話好好味，當凍咗見到就怕怕，下次整叫我唔好包牛油

返學二晚同啲同學喺呢間食，喺官塘一間飯堂食下午茶，價錢到七點味道唔錯價錢平好低食，今次叫一個炒麵同焗飯，每人$36還配杯熱飲

 肉絲炒麵多料還有部份脆脆

焗雞扒配菇，同學話好好味

飯後唔少得的咖啡

返學的二晚唔洗返就準備好先出門

整好的洋蔥蕃茄豬扒

蒸好的魚同豬扒放入蒸焗爐，她們回來凍咗一熱就食得，真係好幫手

女兒最愛的魚卜，咁就買二件細的有定要有卜

另一晚的晚餐

蒸得滑滑的肉碎豆腐蒸蛋好餸飯

閒來無事整的包包做早餐

咸牛肉又大又細喺家姐孫仔最愛

椰絲提子卷就係自己最喜歡的

豐富晚餐同同學興生日

話咁快又星期六，今日好忙好耐無招呼咁多人到家，未轉行差唔多一個月二次或最少一次，啲同學知我忙又辛苦唔同做文職，只有放假先搵我，反而我就無所謂喜歡嚟就嚟，每年同學仔生日我必整蛋糕同煮一餐同他興祝，呢個仔由喺媽媽肚就每星期嚟我到飲湯水，時間過得好快今年升大學，而家嚟我到晚餐都喺喜歡飲湯可以飲3,4碗，記得細個只喺食白飯，但嚟到我到就咩嘢都食，話我煮最好食，最愛椒鹽鮮魷而每年生日我就專登整，因為好怕炸嘢，今早搞掂老公返工就去街市買餸先煲個雞湯，完成埋個蛋糕，再整麵包比她們做下午茶，再上街市買魚，蝦，點知見蠔靚又買蠔，見蜆幾好又買，越買就越多，好彩快手快腳的我到8點準時開飯，整整下又十幾樣，飯後幾個同學的生果餐，還有剛日本回來的水蜜桃同西瓜真係好好味，當然唔少我我的芒果毛士蛋糕，最後還有自家制的冰皮紅豆，芝麻同芝麻芝士，個個話嚟親都抱住個肚走，有冇咁誇又開心咁過咗一晚

雙蝦雲耳粉絲煮勝瓜

椒鹽鮮魷

豉椒炒蜆

薑蔥蒸班

蒜蓉蒸蝦

鮑片冬菇煮菜心

义燒醬焗排骨

蠔餅

椒絲腐乳炒通菜

黑椒洋蔥炆大豬手

幾款懷舊麵包，雞尾包，奶油椰絲，肉鬆蜜西哥包，咸牛肉包，椰絲包

自家制的芒果毛士蛋糕

她們話好有層次好味

班蘭紅豆，芝麻芝士冰皮

晚餐之焗义燒

雖然唔洗返，但都係好似好忙，成日諗住執屋但都無時間，一早起身煮早餐，午餐盒搞掂各人出門，就買餸準備今晚的晚餐，買咗梅肉豬扒加啲义燒醬簡單醃醃，今晚返嚟入爐就整少樣，因為約咗舊同學午餐，放假通常都喺約人午餐或下午茶，因返工好忙無時間，今日出將軍澳星，馬泰食午餐，呢間同學話好好食咁就要試下，二個人叫咗二個set再加二個小食埋單$130左右都唔貴，啲嘢都幾好下次可以再去

呢個簡單义燒醬醃一醃，啲女話好好味

 豆腐肉碎蒸雙蛋喺最好餸飯

叫咗二個餐，一個飯另一個粉無影到

加十蚊有二只醬油雞翼，同學話太乾

 又喺加十蚊有塊鬆餅，呢個唔錯

 個椰香豬扒都好香淋