電飯煲焗蛋糕

好想食蛋糕，但又無焗爐，如果有個飯煲就可以啦，呢個提子海綿蛋糕喺剛完工家姐仔最喜歡，家中又無焗爐就用咗飯煲，媽咪好鍾意叫我教她點整，所以又分享一下

材料：雞蛋3只，底根麵粉50g, 糖30g
油20g, 奶或水30g, 提子隨意加或唔加

 雞蛋將蛋白同蛋黃分開，放入蛋白的器皿唔可以有酒同水，一定要乾身，因為呢個蛋糕無加泡打粉喺靠蛋白打起先鬆軟

 先用高速打蛋白或可手打蛋白

 打到蛋白變白有啲泡

 就加入一半的糖繼續打

 糖溶哂後就加埋淨抵的糖

 繼續打到蛋白硬見到有勾就可放埋一邊

跟住將奶同水加入蛋黃用慢速打勻

 打勻後哂入麵粉

 麵粉拌好

 就將一部份的蛋白加入快手拌勻

 拌勻後

 將淨下的蛋白放埋繼續快手拌勻

提子可加或唔加，如果加就要先放入飯煲底，如果想香啲可喺飯煲底搽一層牛油後才放提子

 最後將麵糊倒入飯煲入面後

按下煲飯制，個個飯煲都唔一樣，如果按完一次跳制可用竹簽插入睇下蛋糕熟未，如果竹簽黏有麵糊就按多一次就可以

 跳制後就可將蛋糕倒出放涼就可以食

晚餐之電飯煲煮臘腸排骨飯

今日又喺屋企，老公就要返工，差唔多輪返有十日唔洗返，老公話好忙連飯都係幾個字食完，因為唔知點解大魚缸無啦啦爛咗，搞到啲魚有一半都死咗，啲盤裝因為太長時間無水又死哂，老公好傷心無諗過會咁，所以忙咗一日搞好哂先收工，老公回家時又買咗幾日菜同肉，但厠紙都喺買唔到，明天輪到阿囡又要出去返工，就等她明天再睇下，今晚又正常煮一餐，阿囡想食排骨飯，咁好簡單喺電飯煲煮，用些少排骨簡單豉油，糖同粟粉醃一醃，加咗條臘腸，薑絲同紅椒，洗好米將全部料放喺面就搞掂，喺飯煲煮最簡單，呢個我成日教媽咪整的早餐飯，簡單又好味

 電飯煲簡單又好味

洗好米將料放喺面禁制煮好就食得簡單又方便

 而家好多時都簡單一煲過

晚餐之海南雞飯

今日又喺一早安排家中各人出門後，自己食咗簡單早餐，買咗啲餸煲好湯就出門，去咗3月完工的媽媽度，應承咗家姐仔下次再去會再煮粉比她同整咗個蛋糕，點知她已經轉口味話要食士多啤梨蛋糕，又應承下次再嚟就整士多啤梨蛋糕，見到阿仔好開心已經識爬，呢個仔好乖唔喺太扭，自己玩喜歡聽人講嘢，玩到攰工人姐姐抱唔洗10分鐘就瞓著，工人姐姐好快就放落床真係好乖，今次買咗條鰂魚同番茄去煲湯無加肉加咗眉豆代替肉啲工人姐姐可以一齊飲，買咗雞帶咗半只雞過去蒸，半只留今晚，細女話想食海南雞飯，再買西蘭花喺家姐仔最喜歡，呢個媽咪好好去完新加坡都專登買咗手信，又叫我攞咗好多咖啡粉回家，阿囡見到好開心以為我終於咗買咗部機，哈哈哈點知只得粒粒咖啡，其實都好方便將中間銀色整穿就可以倒入自己的蒸餾咖啡機加水都一樣，估唔到開心傾下食下咁快又傍晚6點要走啦，唔塞車回家都一個鐘，點知好塞返到去差唔多8點，好彩早上準備好返去煲個雞飯炒菜煮埋個魚就開餐，簡簡單單又一餐

 雞放涼後斬件配多個自制薑茸

呢個雞飯只係加咗蒜茸，薑茸再雞放面蒸，細女開心到食多碗

可以試好多款唔同味的咖啡，原來最開心喺大女

個媽咪隨咗買香料包，肉骨茶比我，還買咗2盒pocky比我2個女

晚餐之電飯煲做鹵雜錦

又星期六還未開工，老公話想食豬腸，我哋家人都喜歡但就怕出面的，事原老公喜歡食以前想食就會買些少，有次老公喺外面買回來，腸內唔係清潔太乾淨，啲囡以後都唔再食，其實自己都簡唔中整，因為我喜歡清乾淨入面啲肥糕同汚物，最記得姐夫嚟我家剛整咗他們又係喜歡食，但姐夫話我果啲太乾淨無哂味，哈哈哈，而家二個囡就唔再食外面買回來的，每次見到都問是否自己整喺先會食，記得早幾個星期阿妹想食又買嚟加餸，點知無人食，老公就叫她以後唔好再買，今次整開就整埋蛋，豬軟骨同鴨，各自喜歡食咩隨自己喜歡又開飯啦

 羊肚菌炒菜心簡單又好味

鹵水鴨多數配個蒜蓉醋，話食多都唔覺膩

開咗鹵水料就會整多幾樣，先鹵鴨同肉，跟住豬腸最後就蛋，最喜歡用飯煲唔洗睇火，好快又安全

晚餐之電飯煲煮皮蛋芫荽鯇魚腩豆腐湯

還在休假中，呢個媽咪過咗預產期還要等一星期無動靜先入院，所以繼續等做左2幾個都未試過只有早無遲，呢個媽咪就好傳統只睇政府無睇私家，好似以前我生時無咁方便有錢先喺私家，而家大多數就會政府私家二邊睇，喺政府無咩嘢就等最後一刻先知，如果過在預產期通常就第二日返去催生，但可能呢個媽媽計錯時間而醫生又覺得可以等多個星期，咁而家唯有等，老公明天先返本來都想出去行下，最後就喺屋企一齊清嘢，實在好多好多野喺時候掉咗部份無用的，午餐簡單煮咗麵食，執到5點幾諗住落街食tea就算唔洗煮，最後都係出咗街市買餸，而家天氣好熱個人都懶咗，今晚就飯煲滾鯇魚芫荽皮蛋湯，順便蒸少少飯比老公，我同囡都唔食飯，煮個雞同炒菜又開飯啦

 煲湯時順便蒸飯原來可以，下次更方便

 喺飯煲煮完成煲上簡單又方便

 呢個雞只係醃咗豉油糖生粉，炒時加咗薑，乾蔥同獨子蒜原來都好好食，老公問用咗咩汁料好好味

產後小食電飯煲蒸菜心蝦仁腸粉

放假前整咗小心比媽媽做下午茶，呢個簡單好味又易整的腸粉，平時做早餐都可以，腸粉的餡料可自由更改，今次介紹呢個就好適合生完第三個星期，對海鮮無敏感的媽咪食，菜心喺咁多種菜最有營養同正氣，通常坐月必食，可能有啲媽媽好怕，又菜心，但配唔同的嘢去煮就會容易接受，今次我就用菜心同蝦去整腸粉
蝦的營養含豐富蛋白質、維生素A、B族維生素、維生素D、維生素E、鈣、鉀、鎂、磷、鋅、鐵、銅等礦物質，是人體補充營養的好食材，還有開胃化痰、補氣壯陽、益氣通乳等功效，好啦講下點樣簡單整

材料：腸粉三條，蝦仁12只，菜心5條

先將菜心浸洗切細加入些少鹽撈勻，蝦去殼去腸加些少鹽撈勻

 菜心放咗一陣搾乾水份就會見到有綠色水溜出，咁樣就可去臭青味

將腸粉一開二，輕手打開

 先放入蝦仁喺中間

 面放入菜心

 將腸粉左覆右覆就搞掂

 放入蒸盤

 飯煲放入水

按制蒸十分鐘就搞掂，食時可加些少豉油