網頁

2022年4月30日星期六

同家姐妹妹補慶祝生日在喜來登酒店

開始假期日日都好似好忙今日星期六,家姐同細妹都放假,我同細妹同月同日但唔同年,因疫情都好耐無出,知道會放寬家姐就叫細妹book定間好啲去同我哋補祝生日,今日好開心雖然唔係正日但好搞笑呢間有送生日蛋糕,攞嚟時同我哋唱生日歌好認真又幫我哋影相,呢間食物種類都算多午餐都有蠔同長腳蟹,但感覺唔夠半島舒服同食物質素一般同食晚餐的自助餐差唔多,半島食物普通無特別但細緻,環境舒服大家都有這樣的感覺,呢間應該唔會再去,價錢嚟講有咭優惠折完400幾午餐算貴但都可以






呢個粟米湯阿妹話都可以
初去時好快比人攞哂,中段再加先攞到一齊分享
呢個牛肉覺得最好食
熱盤每樣少少都足夠

餐飲只有一杯,我要的咖啡好細杯,如果可自由飲就更好
送的蛋糕雖然細但已經好足夠
各式甜品大家分享
家姐唔食一開二,味道一般食唔到喺咩芝士蛋糕





2022年4月29日星期五

晚餐之上海美食

今日都喺同平時一樣,早起準備早,午餐後就上下綱,清潔下,阿囡話好想食小籠包問我可唔可以整,放假都咩特別嘢就去咗街市買咗黃鱔芽菜炒鱔糊都好耐無整,買咗個上海粗麵加啲肉絲同椰菜整個上海粗炒,買埋其它嘢就回家今晚就簡單整幾個菜,通常去到上海食肆都喺叫呢幾樣,當然喺無出面咁好食,最緊要家中各人都喜歡,開開心心又開餐

自己最喜歡的酸辣湯,當然唔少得
炒鱔糊
上海粗炒
煎餃子
自制小籠包,雖然個樣唔靚,但阿囡話好食




2022年4月27日星期三

晚餐之雙蝦炒勝瓜

今日如常一早起身整早餐,午餐盒,搞掂各人出門就簡單食個早餐就開始清潔,以前的我喺唔點做家務,咩嘢都喺老公處理好,我只係廚房整餐同清潔,其它嘢基本上喺唔會做,老公好好怕我辛苦,開工期間就會幫我煮簡單嘢,啲女又好好無投訴煮咩食咩,老公成日話自己想食咩就買回來,而家老公正式返工又會好忙同夜返,剛輪到我休息自然又要做下,唔洗老公咁辛苦,而家疫情好似舒緩咗,啲同學太耐無見知我休息又約咗出去午餐,差唔多大半年無出去,而家好麻煩又安心出去又打針記錄後才可入坐,雖然喺咁啲同學朋友都樂意出去,而我因剛完工又有一段時間休息就出去,人流真係多咗,酒樓都全滿好熱鬧,而家有消費卷大家都樂意洗下錢,感覺啲嘢貴咗,飲餐茶平均每人都要百幾蚊,以前同老公去飲茶百幾蚊食到飽,今日都唔係食咗好多嘢,大家太耐無見掛住講我都忘了影相,下次一定要分享下先得,大家又坐到5點幾各自回家準備晚餐,今晚簡單整咗幾個餸,而家休息就要煮下,唔好餐餐都一煲過或叫外賣,好少在家煮勝瓜,今日見到幾靚就買回家,買咗幾只大蝦諗住整茄汁蝦,啲女最愛點知得幾只,最後就加埋乾蝦煮勝瓜,整個豆腐肉碎蒸蛋,又香草焗雞加咗洋蔥同蕃茄啲囡最喜歡,出門前煲咗個螺頭蟲草豬展湯,人齊又開餐







2022年4月25日星期一

完工第一日晚餐之碗仔翅

完工第一日在家休息,而家疫情舒緩些少,家中各人都正常上班,今日都喺5點幾起身,準備早,午餐給她們,等各人出門後都差唔多8點,個人都醒哂就自己都食咗簡單早餐後又忙清潔,開工完全無時間,只得星期日有時又要出去買嘢或去見啲媽咪,休息第一日諗住執下嘢,點知一個朋友剛今日生日知我休息就約出去下午茶,去咗pizza hut 太耐無出而家對嘢貴哂,大家成年無見太多嘢講,叫咗2個下午茶餐再加小食,埋單都二百80幾蚊, 3點坐到5點幾又喺時間回家準備晚餐,阿囡想食碗仔翅話講咗好耐都食唔到,今晚就一定要煮,買完餸就回家,返到去6點幾都好趕,個個都差唔多回來,阿囡見到有碗仔翅開心到沖完涼立即食咗碗,快快手手是是但但又開餐

碗仔翅唔加魚肉加米線話好好味
蒜茸蒸大元貝配粉絲
黑椒雞扒
清炒雜菜

材料簡單肉絲,黑耳絲,粉絲(買唔到素翅,用粉絲頂住)冬菇絲,雞蛋同生粉
水滾放入材料
加入豉油同生粉埋
最後加人蛋滾起試味就食得




順利完成一個月的陪月工作

時間過得好快今日又last day啦,每次完工都好唔舍得,短短的一個月好開心,BB 都好乖由唔夠6磅的人仔,滿月已經有8-9磅,食得好瞓得好自然好長肉,回家時腳仔無咩肉而家就脹卜卜好得意,公公婆婆好錫呢個孫女,每日都影好多相,婆婆咩嘢都識BB又乖搞得掂就唔需要加長,喺度祝她們一家健康幸福,BB越大越可愛,聰明健康活潑,多謝她們的信同大利市,喺疫情下大家都好小心,而家工作比以前辛苦因為疫情做的準備工夫又多咗,每日入屋後喺門口先做快測,無事就換衫開工,雖然路途搖遠自己都一早出門盡量早到,每日時間都好緊迫還要浪費25-30分鐘去做測試,但都無法每個要求都唔同做咗安心就好,換完衫先清潔奶樽通常都好多,之後就準備湯食午餐就可以飲,因為我開工第一日就係工人姐姐last day, 見無咗姐姐又唔想公公婆婆自己另煮就午晚餐都預備埋她們,就更加忙午,晚餐都3個餸,下午茶燉湯我通常都配小食比媽咪,因為人多所以我就多數整容易同大份量,好似炒粉麵,餃子,薄餐...等,BB 好乖所以啲時間都好好用,每日雖然好趕但都唔洗搞到7點幾先收工,除咗頭2日好遲,好多時都6點幾就收得,雖然收5點半但好難會準時走再,6點收得就好好,收工前果個星期更忙,因為準備湯包,炒米茶包比個媽咪繼續補足100日,希望她有個健康的身體,還教她們幫囡囡沖涼,婆婆都話學好開心搞掂一齊安心完工

滿月的午餐,食咗笑哈哈的茄汁蝦,甜甜蜜蜜的蜜糖豆
送比BB同媽咪的紅雞蛋同蛋糕祝她們幸福滿滿

其中下午茶的蝦腸同菜苗豬肉腸
其中一晚的晚餐-金銀蛋紅莧菜,蒸馬頭同蟲草花杞子元肉蒸雞
其中的午餐



咕嚕排骨
蝦滑釀翠玉瓜
Last day婆婆幫我同BB影

滿月要出去前媽咪幫我同BB影多謝我送的紅雞蛋
婆婆的精心作品配合表情多多的BB