話咁快2星期的陪月又完工

開工時間特別快，短短2星期的工作又完啦，明天又返另一個，3月媽咪生咗所以呢度就要完，其實無意做呢2星期，因個媽媽突然需要幫手，希望我幫她話做到個媽媽出院，所以最後都去咗幫手，而呢個媽媽就好想我唔去繼續幫她，當然唔可以我喺簽咗約而且剛生完更加需要我，其實最怕就喺咁，今日都好忙，幫個媽咪包定啲湯包，又要同個大女做曲奇，之前答應咗今日 last day一定要做埋，大女知我明日唔再嚟，就成日問點解點解，最後都喺是旦講話遲啲有時間就去探她們，BB就好乖食完就瞓，安排好哂就可安心完工啦，今晚又好遲都係老公幫手煮，回家食完又準備明天開工嘢，雖然喺星期日應該休息，但媽咪出院都唔會太計都照去幫手，因為剛出院好多嘢要幫手，BB點換片，餵奶要留意咩，BB床要注意咩...等

老公出咗去買咗燒鴨，好豐富

 媽咪燉湯配自制菜心豬肉煎餃

 其中一日同她大女做蛋糕比媽咪做點心，估唔到個媽咪都好鐘意食哂呢5個，其它阿囡話留明天做早餐

 另一日又做pizza

 做提子麵包，做型好特別

 完工都要準備湯包等媽咪繼續補

 朱古力曲奇

 個女好開心話留反慢慢食

假日早餐之自制腸粉

又星期日啦，剛呢個星期去咗幫個媽媽手，因為她無咗工人又湊二個，大5歲細7個月左右，已經話無時間做唔到，連2星期都唔夠，因3月媽媽18號生隨時開工，但個媽咪話自己坐月又唔好，想我跟下順便幫手照顧個細，最後星期一都過咗去幫十日左右，估唔到好忙都係安排3餐加下午茶...等，大囡唔洗返學真係好悶，我有時間就做埋老師教她寫字，讀下英文學下中文，細囡又好搞笑成日唔洗瞓，多咗我好開心成日扭抱，第一日又唔慣搞到7點幾先走，跟住好啲都遲過5：30先走，因為要煮埋晚餐，呢個媽媽怕我收工後無時間所以晚餐全部搞掂，她們食時返熱就容易，第1-2日都有清潔晚餐的碗碟，但跟住就全部入哂水盤有啲都有水浸，連湯煲，鑊全部無清潔所以一早去先清潔哂所有昨晚的廚房嘢，清潔埋奶樽再立即處理湯，因為12點幾食飯，又要預備細囡的固體食物，有幾日大未食早餐又整埋比她，總之返到去忙到都唔知自己做咩，好彩自己手腳快好快就習慣哂，呢2日細囡都習慣咗，自己玩唔再扭抱同自己玩下都會瞓好乖，知道我餵食好開心而且食得好好，好快成碗瓜菜就食哂，飲奶又飲得好好，每晚都好夜先回家，好彩老公還喺一星期返一日，晚晚辛苦老公幫手，如果得我哋二個就方便多數煮麵食，二個女喺到就盡量煮，會醃定肉老公就簡單煮菜，蒸魚同焗個肉就搞掂，有時煲定湯如果無就飲礶頭湯，今早煲定粥，自己又蒸腸粉今次加咗椰菜同蝦乾去蒸，滑滑腸粉個個話好味，而家真係好方便想食有包粘米粉就搞掂，加多個炒個麵同煎餃子，開開心心又一餐

麵糊：粘米粉110g, 粟粉30g， 水200g,
油2茶匙，鹽1/4茶匙
將粉料撈勻無粉粒就可以

將蒸盤搽油唔會太黏，放上自己喜歡的料

水滾大約蒸2分鐘左右，見到麵糊變白就熟

 熟後就可以攞出

 用刮板刮起後就可卷起

 可配自己喜歡的醬油

做比呢個媽咪其中一日自己包的菜心餃子

 家姐仔一出爐就食咗2個

 媽咪又可以做下午茶

家姐仔又話要整麵包，又話蛋糕，無帶料先整提子蛋糕，容易又快手

 其中一日去到立即整的早餐

 其中一日教家姐仔蒸pizza

昨晚老公煮的晚餐，我回去只去煮個魚就開飯

晚餐之黑椒金沙骨

今日都喺同平日一樣，搞掂大女出門，就去瞓多陣，起身同老公食咗簡單早餐，就各自做嘢，清潔下做下運動，上下綱煮下午餐，悠悠閒閒又到晚餐時間，今晚利用午餐食淨的豆豉鯪魚整咗2個餸，淨魚炒椰菜，豆豉鯪魚油麥菜出面餐廳炒就好貴，我哋就麻麻，啲囡話就咁食好味啲，自從礶頭好貴都無食過，今次唔記得咩嘢原因家中有礶就，咁啱阿囡話想食就開咗，啲豆豉就用咗嚟煮黃花味道都幾好，又多個選擇，開開心心又開飯

 整咗蘑菇豆腐忌廉湯，喺2個囡最愛

呢個金沙骨又懶人做法，先將骨入焗爐焗30分鐘再加洋蔥，三色椒同開咗個黑椒汁煮一煮，餸飯最好味

 先將骨入鑊

 加入洋蔥炒香

 再加入三色椒炒勻

 加入黑椒汁炒勻

 炒到差唔多收汁就搞掂

午餐阿囡話想食豆豉鯪魚，問家中有冇，唔記得點解會有一礶就開咗，食咗啲魚餸麵，淨咗豆豉同魚就唔好浪費，今晚2食

呢個椰菜加咗食淨的鯪魚加洋蔥同些少冬菇去炒，炒出不一樣的味道

今次又黃花但就煎完2邊加咗豆豉鯪魚的豆豉走煮加又一個新食法

今日同老公食呢個芝麻包，老公就釀咗腸仔，而我就咁食