產後食療上奶素湯之木瓜雪耳花生眉豆湯

而家有好多人都喜歡素食，素食的新手媽媽都可以輕鬆坐好月，因為有好多食材都有自己的營養價值，今日介紹呢個湯喺用眉豆代替肉，煲出嚟啲湯喺好好飲而且有潤肺又可幫助上奶，木瓜同花生都有催乳作用，而雪耳有滋潤的功效，如果未上奶就唔好加花生，順產或開刀第4－5日後就可以飲

 材料：木瓜半個，雪耳半只，眉豆大半碗，花生半碗，腰果加紅腰豆半碗，蜜棗2粒，水2.5公升

先將豆類用水浸半個鐘(可有效化氣),雪耳浸軟去硬搾乾水

 木瓜去皮去子切細件

將所有料入煲加入2.5公升水先大火滾半個鐘

半個鐘後轉中細火煲一個鐘

 煲好加鹽調味就飲得

產後食療之通奶消炎茶

而家開始好多媽咪都會選最好比Bb就喺又慳錢又環保的人奶, 好多時都因為唔太識又緊張，好多時都搞到以為自己無奶，通常都係未太熟，bb未識食，大家要記住頭二日有啲Bb埋身未必咁快就識食，所以如果可以就先搾出呢，由其黃色的初奶對Bb好重要有抗菌同加強免疫能力，其實新手媽媽唔好緊張放鬆心情，唔怕辛苦同喺堅支一定有奶，唔好去淋自己有冇奶，又唔需要羨慕人哋有幾多，只要夠仔食就可以啦，另外想多奶而Bb又未埋身食到，就先搾或泵出黎比Bb食，大部份的bb喺好聰明唔會用樽飲完唔識埋身，所以大家可以放心，初頭個幾日要勤力些少同辛苦啲二個鐘或三個鐘就要搾或泵啲奶出就唔會容易塞，今次介紹呢個好簡單又容易煲飲品喺適合餵奶媽咪有塞奶飲，就喺通草加黃不留行去煲水後當水飲，通草有幫助通乳，而黃不留行有消炎止痛功效

煲好後清清哋當水飲

材料：通草(白色好似水泡)3錢，黃不留行3錢，水2公升

 沖洗乾淨

加入水先大火煲滾再轉中火煲45分鐘

 煲完就隨時當水飲

產後食療之天麻魚頭湯

今日介紹呢個湯喺去頭風止頭痛同寧神之效，最適合坐月洗完頭後飲用，順產開刀餵人奶都可以飲，我通常12朝燉呢個湯同準備大煲薑水比太太洗頭後飲，簡單講下點做

材料：魚頭一個(不用斬件原個只去腮)
            天麻5錢，川芎3錢，白芷3錢，
            伏神5錢，南棗4粒，元肉8粒，
            杞子1湯匙，薑連皮8片，
            廋肉或豬展$15左右

 將魚頭洗淨沬乾水入鑊蒸香二邊

 將豬肉或豬展凍水出水後洗淨，

其它材料洗淨

 伏神同白芷先用水浸10分鐘去流黃

川芎洗後搾乾水就唔會太重酸味

將所有材料同魚頭放入燉盅

加入滾水浸過面

 燉三個鐘就可飲湯同食魚頭效果更好

晚餐之沙茶醬炒金菇素火腿豆腐

今早搞掂哂家中基本嘢，八點就出門同啲同學打氣，喺考場附近的酒樓等位，等他們考完陸續過來一邊傾一邊等，本來報名飲茶的只有九個，到最後成班同學十幾個好熱閙，你一句我一句由九點坐到一點，有啲同學雖然未合已開工，問我點樣要煮咩有咩唔食得，因大家都知我無所事事準備緊就影我啲料，又有同學考完下午要見工，我又講下見工要注意事項，大家都好開心一邊聽一邊問，自己就好似老師教緊班同學，其實我自己都覺得適合教書可惜已太遲無可能再回頭去考牌，現在有班同學對我咁好，有嘢就問令我都感到開心學以致用就算搵唔到都無所謂，雖然無親身但聽她們講問意見又幫到手，飲完返工的走先，見工的我都走，以為她難搵早左成個鐘到喺附近行下又被蚊咬最後都早二十分鐘入去，只喺簡單填表了解下我之前的工作，又講下工作範圍後就叫我回家等，如果校長合適就會打比我見第二次跟住就順便買餸回家，今晚細女回來食昨晚已整好凍烏頭，再沙多個她最愛的金菇粉絲平時配肥牛今次就用咗素火腿同豆腐，細女回來好開心，以為條魚會食唔哂，點知她們差唔多清哂，的同學都好關心我問啲，個個都支持話得唔得都唔緊要，我又無唔開心，真喺好予盾好想她請我，又好怕請我，因為讀完陪月又攞咗五張證書都好想試下自己做唔做到，現在只喺幫同學解困自己都未有機會親身上，今晚又同她傾到點半話明天再跟，自己實左大攰今早五點幾起到現在，而她明天又上班都應去瞓唔喺就無精神去照顧人

 同學帶出來星馬的手信榴槤糕我都唔食，她又專登送我二包肉骨茶

材料：芽菜，三式椒，豆腐，金菇，粉絲，洋蔥，素火腿 

 先將豆腐散些鹽，煎時沖洗同抹乾水，煎時就唔會散同容易煎

 將三式椒，洋蔥洗淨切條，芽菜洗淨，粉絲浸軟

 先將素火腿同洋蔥同炒香

 加入三式椒

 炒勻加沙茶醬

 再加入粉絲同些少水

 炒勻粉絲軟身就試味

 加入豆腐輕身炒勻

最後加入些少老抽同麻油炒勻

晚餐之菜蒲芽菜炒素火腿

今日又喺家中無所事事，早上都喺例行工作煮早餐炒左個河粉做午餐盒，剛做完清潔家姐就打來幫忙買嘢，因一早過咗來湊孫行唔開，咁就順便買餸搞掂完回家又睇下筆記準備下有工就去見，上下綱睇下嘢，真喺好方便要咩上綱就搵到，一睇又幾個鐘又去整下蛋糕明早做早餐，再準備晚餐，今晚先簡單煲咗蕃茄薯仔眉豆湯，炒菜蒸魚同炒個芽菜豆卜加左菜蒲估唔到又好配好好味又開飯啦

 今次加左菠蘿味道更好，女兒們都喜歡

產後食療之元肉炒蛋

昨日上堂講有關中藥對產婦產後應怎樣進補同一啲簡單初期的餐單，老師給了好多菜式給我們參考，其中一樣喺元肉炒蛋，大家都一切叫出來得唔得，咩嘢味，老師就話之前啲人寫你哋可以一試，咁有個同學就同我講整啲返黎試我話好，今早整好早餐比老公同女等她們出去，我就拿拿去炒，帶咗返去大家都好開心試食，個個都話好味可以多個選擇，喺到同大家分享，哩個餸適合順產的產婦，元肉性甘有補心安神

材料：元肉半杯約20粒左右，蛋10只，薑茸1茶匙，鹽1/4茶匙

先將元肉洗淨用熱水浸軟，水浸過面就可以，將浸元肉的水同鹽加入蛋撈勻

 先用油炒香薑茸

薑有香味加入元肉炒炒 

加入蛋汁 

 炒熟就食得