網頁

2017年7月30日星期日

假日午餐在銅鑼灣滿屋

又星期日都喺無得休息,今日好忙細妹無啦啦心血來潮要去拜媽咪,咁約咗家姐一齊去,家姐又話難得三姐妹一齊去食餐好先回家,咁就一早十點過香港拜完媽咪就去銅鑼灣滿屋,估唔到幾年無黎,價錢無變,質數更好,食物又多咗,二百蚊鬆啲真係都好底,現在還多咗長腳蟹,冷盤,甜品,飲品,雪糕唔洗落單自己出去攞就真係方便好多,唔係點食魚生的我都有好多嘢食,最後還有一人一杯的名牌雪櫃糕,食完豐富的午餐就過去睇老豆,本來睇完都可回家休息,早上老公已去睇老爺,點知老爺又話唔舒服,咁同老公又再去老爺到睇下啲,搞掂完回家又八點, 自己還未消化就簡單煮嘢比老公,二個女又唔返黎食,忙忙碌碌又一日
 冷盤都有十幾款

 雪條,脆皮
 甜品櫃都好多款
 原來唔止冷盤,還有蝦餃同餃子
 我攞的幾款冷盤,味道都唔錯
 魚生盤都擺得好靚
 太耐無食,以為寫咗人數就會安排,原來你寫幾多就黎幾多,所以每樣只得一件,為有再點過
 羊架都好好味
 家姐同阿妹的最愛海膽
 天婦羅又喺她們至愛
 呢個鮑魚冬陰公,家姐同阿妹話太辣無食
 鴨舌喺我最愛
 慢魚串
 芒果壽司買相靚而且好好味
 阿妹攞回來的甜品,我就不大興趣
 飲品都有十幾款

2017年7月29日星期六

晚餐之五花腩片拌自家制粉皮

好快好快又完工啦,有啲唔舍得,呢個bb好得意又喺我第一個湊的女,之前湊咗九個都喺仔,女仔應該愛清潔,呢個飲緊奶如果大便就唔飲,之前大便都幫她唔,最記得十日左右有次她大便就唔食,自己喺到唔,紅哂面好似大人咁好搞笑,之後每次大便都喺咁,好叻女好得意,呢個囡囡好幸福,家中排第三有哥哥同家姐,老豆公公,婆婆.....好多人愛她,真係可以話萬千寵愛好幸福,連我都好唔舍得送咗好多嘢比她,今日太太又教我整粉皮,原來只用中根麵粉就做到,喺咩嘢都唔洗,只係成型時要加油等它唔好黏在一起,好好玩,咁整完比我攞啲回家,今晚返到家去買餸好彩還有嘢買而且好底,阿妹又黎食好有口褔好多餸,今晚就真係食好啲啦又一早煲咗椰子雞湯,阿妹就話唔客氣好好飲,飲多二碗唔食飯






先將中根麵粉加水搞勻,搓到唔黏手就放一個鐘叫醒麵
 醒麵就加水洗麵,將麵團洗溶
 跟住過瀘
 粉水等沉澱後倒去白水
 最後就可去蒸
 只係一分鐘
 跟住放喺凍水冷卻就可取出
 幾透明的粉皮,質感好煙韌
材料:粉皮4塊,青瓜1條,腩肉一件,芝麻醬隨意,黑白芝麻各一湯匙
            
 將粉皮切條
 青瓜切條,腩肉切薄片,先將青瓜同粉皮撈勻,腩片放面加入芝麻醬
 最後灑上黑,白芝麻

2017年7月28日星期五

晚餐之貴州豆腐炆排骨

時間過得好快還有二日就完工,本來明天喺last day, 因做30日剛星期日唔洗返,但見自己下一份等到月尾先開工,咁就同客講返到31號,呢個客好好,家中的仔同女都好好玩,因滿咗月有啲嘢都唔洗做,而太太精神又好好,又喜歡煮食今午還專登整個貴州豆腐淋住炒比我試,咁我當然話唔好啦,最後比我攞返家一試,因為只有她食,現在又唔食得,老公呢個星期放大假有他幫手買餸,我就唔洗咁趕,她同女女一講家鄉就開心到不得了,因今年生咗bb所以無得返去,給我睇啲相好靚,地方又大再著起自己家鄉的衫同頭飾好靚,還說我有時間跟她們回去,如果有機見會真的要見識下
今晚咁啱老公買咗排骨就用黎一試個豆腐加咗紅椒同豆板醬去炆,好特別好有冰豆腐的感覺,老公今晚好好笑話間唔中食好啲又班,貴妃蚌同女兒最愛的雞軟骨,全餐都唔洗百五蚊,我話出去食都唔得啦,好愉快的一晚






 貴州的豆腐,自家制

2017年7月24日星期一

用食用色素做滿月的紅雞蛋

今日Bb滿月,呢個媽媽無習俗要做啲咩,我就簡單幫她買柚葉等她同Bb都洗下,又燉咗天麻魚頭湯,晚餐就準備咗薑蔥蒸雞,蒸海班同炒多個菜,煲返個椰子雞湯等她們過一個開開心心的滿月夜,紅雞蛋當然唔少得啦,以前啲人喺用紅粉染,因為有問題,記得上堂時老師教用食用色素又簡單,但原來唔喺只只得,而我試咗好幾種,只有一只上到色,又喺度分享下

好果喜歡粉紅色就用白蛋,而喜歡紅啲就用啡蛋,呢個客話喜歡粉紅所以我就用白蛋
 食用色素要買呢只先得,Rose Red
喺烘焙店或買印尼嘢的店舖都有得賣
將雞蛋煮熟,想煮出靚靚蛋,一定要溫室蛋就唔會容易爆口,凍水一齊煲,滾起8分鐘左右就熟
 煮熟雞蛋後加入食用色素
記得水要浸過蛋面,染出嚟先平均,
記得唔好用塑膠去染會好難洗得甩
加咗色素後搞勻浸10分鐘左右就得,攞起雞蛋風乾後就唔會甩色