產後食療之椰子雞湯

今日最後一日都好忙，因為都會準備多幾天的餸菜給她們，因我們剛走會未慣，準備簡單的就唔會手忙腳亂，而呢個太太同老公最愛呢個椰子雞湯，差唔多幾日煲一次，最緊要喺飲，呢個湯都有益，呢個西化的太太好多都唔鐘意又唔跟足，怕她補唔好，難得喜歡當然開聲就煲，今日就煲咗，再準備紅棗北芪黨參元肉杞子煲雞又喺一個好味的湯，瑤柱肉餅煲飯時一齊蒸，醃定雞脾翼入爐就搞掂，準備南瓜簡單加肉碎炒一炒，另外準備定幾樣菜咁幾日唔出門都唔怕無得食，好啦講下呢個簡單又好味的椰子雞湯

材料：雞一只，椰子一個，螺頭三粒，豬肉$10，蜜棗2粒，淮山，元肉同杞子各一湯匙左右

 先將豬肉螺頭出水

 淮山浸水半個鐘

 螺頭出水後

切細更加出味

其它材料洗淨，將全部入煲加水，先大火半個鐘，轉中細火個半鐘調味就飲得