晚餐之蟲草花羊肚菌蒸雞

話咁快細囡喺英國一個月exchange返嚟啦，昨晚專登蒸定條烏頭，因為她最愛，返嚟之後不停講喺個邊啲開心事，如果唔係啲同學思家她就可以留耐啲先返，有機會要再去同帶我哋去玩，聽住先哈哈哈，又話自己無時差，點知話瞓一陣煮好叫她，她都唔想起比她瞓，叫食完先再瞓，本來諗住蒸豉汁雞，最後用咗蟲草花羊肚菌去蒸，因為大伯二公婆上嚟坐但又唔係到食，我哋就盡快食完會好啲，阿囡買咗好多嘢返嚟，好多嘢食同買咗筆比我，買咗支酒比爸爸，又買咗家紅最喜歡的朱古力

英國啲唔同地方的紀念幣，叫我買本刷子比她放好

 好多手信，喺到安排比邊個

 呢支酒比老豆

好多唔同的調味同香草，話好平，真係好抵，香港買就好貴

簡單蒸個雞，呢個都適合坐月食，蟲草花同羊肚菌都有增強免疫能力
材料：雞半只，蟲草花1湯匙，羊肚菌8只
薑絲適量
醃料：豉油1湯匙，糖1茶匙，生粉1湯匙，同半茶匙油

先將羊肚菌用暖水浸軟可去沙同汚物
蟲草花浸軟，雞斬細件洗淨加入醃料醃半個鐘就可以

先將雞放入碟，面放羊肚菌同蟲草花，最後放薑絲，水滾蒸15分鐘

 蒸好可以放入蔥花就食得

晚餐之黑椒安格斯牛仔骨

話咁快又星期日，今早又一早起身煲粥炒烏冬，蒸燒賣同煎餃子，因為二個女又話同我哋食完先出去做嘢，搞掂她們出去就上街市買咗湯料回家煲湯後就出老豆度同老豆飲茶食午餐，每個星期日的節目，飲完就買餸回家，見到好靚的安格斯牛仔骨$68一磅好似好抵，攞咗4條估唔到要差唔多90蚊真係有啲貴，老公就話啲囡鐘意無所謂，今晚就用嚟整女兒最愛的黑椒味，放假就可以煮多啲，開開心心又一餐

材料：牛仔骨4塊，洋蔥1個，黑胡椒碎1湯匙，蠔油2湯匙，水2湯匙，糖1茶匙，老抽1湯匙，蔥些少

 牛仔骨洗淨切細件，洋蔥洗淨切條
先將牛仔骨入鑊

 煎到2邊金黃後用碟先裝起

原鑊加入洋蔥同糖炒到洋蔥有香味同金黃色

 加入牛仔骨

 黑胡椒碎，蠔油同水快炒到水收乾試味
（回鑊的牛仔骨要快炒收乾就唔會韌）

鼓椒炒大蜆

又星期日啦，但都係一早起身，因為要準備入元朗去1月頭預產期的媽媽，路途都幾遠想試下時間，7：30出門搭程專線小巴出官塘再轉巴士去到元朗還要坐程村巴先到，最初都知遠，但呢個媽咪好有心一定等我，希望我幫手所以最後都簽咗，都係辛苦一個月，唔知路途遠車費都好貴，好彩有幫補，雖然第二次入但都喺迷路，又白痴到唔識睇google,問人又比人點，最後十點都到，睇下入院的物品，bb會瞓邊同沖涼位置，跟住就睇下廚房的工具，最後講解下有咩要注意，入院的準備同送一些炒米茶包，等媽咪生完立即有得飲，傾下又中午，呢個媽咪好好知我唔熟就專登同我落去行一專，跟住就過老豆到同老豆飲茶後回家買餸，今晚人齊啲囡突然又想想食蜆，老公專登去買，買咗好大只的蜆，其實鼓椒炒大只就好好多，因為會先出水睇下，自從一次無睇炒到成鑊沙後，而家都唔會懶，嘥功夫先用水煮見只蜆微開口就可以攞起，之後先炒就確保每只都食得，而家開工無定時收，雖然話5：30但從未試過準時走，如果6點前走已經好好，之前有工人應該可以準時，但喺個有規律好似公司咁，但無論點我都會努力完成每一份工作

晚餐之欖菜肉碎炒豆角

又到星期日啦，完工差唔多個多星期，呢個星期都好忙，去探舊媽媽，仔仔，囡囡，又同老師，朋友午聚，今日就如常一早買湯料煲好湯就去老豆到，同他飲茶搞好一切又回家煮飯，二個女都回來食就要煮好啲，當然又唔少得我細妹，每逢假期就會嚟我到晚餐，大女的朋友旅行回來帶給我們好多手信，有欖菜，瓜子糖同煙燻鴨，當然親新鮮食啦，專登去買四季豆，可惜只買到豆角，但煮出嚟一樣好味道，只鴨以為喺燻原來喺鹵水非常咸，只食咗少少留番買個苧頭去炆，好彩焗咗香茅豬扒，欖菜通常都好咸我只係用咗一湯匙，味道啱啱好，所以就清哂，傾下食下又一餐

材料：豆角1斤，肉碎$10，欖菜1湯匙

 先用少少油炒香肉碎

 肉醉金黃就加入欖菜炒勻

 炒勻可加一湯匙酒會更加香

 加入豆角

 炒勻加入些少水煮到豆角淋身就食得

 呢個欖菜成份估唔到有味精

呢個用幾種瓜子做成的糖又幾特別又咸又甜

真空包裝睇唔到唔係燻，原來喺鹵水

食時都要蒸半個鐘先食得，如果喺燻就要洗乾淨先去蒸，時間就要45到一個鐘，燻鴨通常都喺生所以要蒸熟