順利完成一個月的陪月工作

時間過得好快過完年休息咗一個好長的新年假後開工一個月，開工後好忙早起搞掂完各人出門自己又準備返工，每晚都好夜，有時簡單煮有時落街食，忙忙忙今日又完工啦，諗住有2星期休息突然又收到4月媽咪入院催生可能好快又開工，而家做陪月唔容易，新一代好計較唔舍得又要請，BB好湊通常都玩我玩到提早自動完工或搵藉口叫我提早完，越做越無心機，初入行啲人都好好，有好多移民後都有聯絡，有個還周不時寄大盒咖啡粒比我都喺貴嘢，今次呢個都以為做唔到一個月，最後都順利完成一個月的陪月工作，呢個媽咪又喺返咗2日睇數又話超預算想250左右一日，之後就每日一個湯，第三星期早午餐一齊食，每晚11點幾先通知明日的餸安排，搞到晚晚都成點先瞓第二日又要5點幾起身真係感覺好辛苦，放工回家食完飯喺sofa坐低都瞓著，家人都唔咁嘈我等我休息一下，我自己通常瞓咗陣都會醒搞掂埋明日早午餐比家人跟埋個媽咪第日啲餐單，從未試過渴望完工，今日終於last day，最早都過6點幾，雖然收5點半從未試過準時收，返10點15通常又喺9點半左右就返到，如果去健康院就早過9點都喺未試過計ot有個嫲嫲好好個孫都入小學，時時都提醒我唔好多做，但好難入屋當自己仔女孫仔咁做到盡量做，今次最唔開心就喺個姐姐好串，日日對我黑面以為自己了不起，唔聽我講嘢還每日所有嘢留比我做，最好笑第二個星期開始想玩我，我都好少理自己諗住做得一日得一日隨時完工，做到照做，最離譜連湯渣都唔倒唔清潔，後來隔日煲湯等我第三日煲湯先發現果日好嫐成煲湯攞入去拍門問點解唔倒唔清潔，她話唔知道，我話星期日煲完湯應該果晚就清潔，她就唔出聲，我就講完攞走，果媽咪可能聽到差唔多收工先問我有咩喺我做，有咩姐姐做，呢2公婆好依賴個姐姐覺得她非常好話佢做嘢好好成日係啲朋友親戚嚟都讚個姐姐做得非常好自動波唔洗叫話好好彩請到個自動的人，所以個姐姐先咁串，希望啦，我都開心起碼喺她們面前都會做戲，其實都唔係她們想咁，不過無論點都唔關我事，我只係一個過客有日連門都唔開等個媽咪出嚟開還幫姐姐講好說話，我無回應

開工第二日媽咪幫我同BB 合照

BB 3個星期已好精靈

滿月同佢哋影嘅合照bb好叻叻已經重咗1kg

而家早午餐都係食粥今日畀姐姐用咗個廚房冇地方煲所以用個大鑊去煲粥

其中晚餐嘅準備

呢個係滿月送畀媽咪嘅咕嚕蝦食咗成世笑哈哈個姐姐見到啲蝦好開心知道自己有得食因為係午餐準備最後佢都係食咗兩日

滿月午餐

滿月都有送紅雞蛋同蛋糕畀bb祝bb健康幸福快樂拌一生

完工準備茶包畀媽咪繼續補足100日

呢個係媽咪做要我準備嘅薑汁撞奶

每日黑面都唔夠仲要玩埋個廁所好無聊，bb沖涼盆通常放喺入面最後嗰2-3個禮拜都放咗出嚟遮住個廁所，每次都要攞開先用到去廁所

每次入去都要攞開先至用到嘅廁所

好多時個廁所搞到咁

廁所入面

用包清潔紙遮住個沖水器等我撳唔到每次都要攞開先放返原位後又放到咁

部份午餐媽咪每晚要求的餸菜

鮑魚炆冬菇伴豆苗

菜脯炒蛋

豉油雞

糖醋魚

個個星期六晚都準備唔同的餸畀佢同朋友晚餐先收工，呢個喺其中一日

每朝早返去用半個鐘幫佢清潔曬所有廚房週圍嘅嘢

連自己煮完嘅早餐都就咁劈喺度唔理

湯煲淨係第一日有跟我做留堂唔流炸清潔埋但第四日開始就冇喇

連飯煲啲飯都冇清理

有個星期日煲呢個湯成煲好似無飲過大半煲剛啱果幾日熱打開有味好氣成煲攞入去姐姐房問

媽咪夜晚有時畀埋啲圖叫我準備第二日午餐或者晚餐

未能順利完成2個月的陪月工作

時間過得好快心情麻麻，完工後都無心情記錄返剛完工呢份工作，跟住又過年今年無離港只係在香港周圍行，唔知點解又入唔到嚟寫blog直至到而家先入到就寫返之前未完成的一份陪月工作，做咗幾十份陪月，第一年入職的BB 都上哂小學，有啲婆婆嫲嫲都成日有約出嚟飲茶，之前都遇到好差嘅人，但係呢一個真係極品第一次遇到表面無嘢，我做咁耐未試過咁得閒都預咗隨時完工，最後都係做唔到一個月，做咗2日剛啱有星期日唔需要我返，星期一回去比她睇數，原來2個都係會計業，一日4餐加2個湯，最好笑第一日出院要我準備6人午餐唔包我，星期日準備4餸一個湯，還買咗些少藥材，總數大約586應該除3日，但只除2日話超budget，再睇一星期就話都喺貴，只係每日唔過250之後就叫我安排每日兩餐加一個湯，早午餐一齊食，下午茶就睇情況，星期日就唔需要任何嘢話奶奶會嚟煮，我問個姐姐昨日晚餐食咩點知喺叫麥當勞，如果咁計較坐月喺想補好身體先請陪月，唔舍得就唔好簽我2個月浪費我個幾月的時間，我之前做一個又喺好計較簽一個月最後我自己提出提早完，2公婆好開心第一時間入房大笑完沖出嚟問我幾時走，我自己都好傻做多一日幫她炒埋3個月的炒米茶同pack好哂啲湯包，到走果日還多做幾個鐘埋尾，最後咩嘢都無同還想計少我一日人工，更離譜喺連尾數都唔想入最後等到7點幾叫我落去入數比我，她老公就還想我BB打滿月針想我過去免費幫她，今次呢個更差想餵人奶第一日回去按完有10幾ml，之後再按有30ml，已經不停同她講辛苦一個星期左右就會多奶，早期要勤啲泵嘅大概係兩至三個鐘頭一次一日八次九次咁樣慢慢先會多但係可惜佢冇做到囉，之後就話個奶泵唔得好痛跟住就話要換個奶泵再等一個星期個禮拜完全無咩點旭，我就日日幫她按，到新返嚟喇但係試咗一次又係話唔到埋身阿囡唔係好食到，因為唔係餐餐埋，埋咗一陣見她咸就唔埋，每日試泵一次就係我午餐或下午茶時間但完全出唔到，之後越嚟越少少到得幾滴，我話太長時間唔旭隨時會停，最好3個鐘密啲做返，但最後更離譜，一日一次就係我比她我收工她就收工，比我感覺喺收奶做法，已經日日講同樣的事，但都唔理，每日只係食午餐同下午茶先離房，我收工拍門通知都唔冇反應whatsapp只回應好，頭2日她們的父母都有嚟之後婆婆嚟一次就黑我面我都覺得奇，應該喺她們講我咩嘢都做唔到，而她們2個都好似無咩嘢，有時都有唔該，而家新一代好無禮貌，講她們講早晨都唔會回應，無唔該，到第三個星期六晚，我收5點半她們出去話買嘢順便食埋先返，叫我自己食午餐，呢個好多時自己帶麵返去煮雖然包午餐但她們唔食，我自己都要食，我原則喺盡量做好自己本份同配合慳錢就自己午餐自己帶，每日我都早去晚收最少個半鐘做咁耐從來無收過OT，今晚又等到6點她們回來好突然話有嘢同我商量，話奶奶星期一過嚟照顧她同BB叫我星期一唔需要嚟，表面好好話會計返7日比我，問我好唔好，我都預咗隨時完但無諗過咁突然，算都無法，最後七除八扣只計3日，簽約講明放勞工假剛又無話唔可以，開工都講咗啲講想放還是扣早完工，咁啱冬，1月1同今年聖誕多1日，當時應該踏過年更加要放同雙工，喺做到年26左右，她都話喺預咗做到果個星期六，當時無放照返話提早3日完，因為太突然叫我執埋嘢就走，咁我執埋換埋衫就話走，她們話會入數，今次太突然心情好唔知點照收無跟啲數，回家路上收到入數完全唔啱，立即WhatsApp，她回覆無錯，完來話計返7日唔係星期一開始計，喺果日計，我已收工第二日星期日唔計，人工只計返我有返工的日子就將月薪除26再乘返我返的日子，果3日勞工假就話未滿一個月喺無得計，我話老師話我哋呢行喺可以放有薪假最緊要簽約講清楚同僱主同意就可以，好過份話補7日實際只計咗2日，之後完全無反應問信幾時比之前話會攞比我，後來先知自己執漏碎肉機，話一齊攞一路都無回應，等到過完年有次問他問我湯包啲嘢同點煲先有回應，我順便問她幾時攞返比我，他話寄順風到付，我話唔喺可以攞比我嗎？藉口話好忙無時間叫我自己直接上嚟攞，之後我未開工約上去，她話好姐姐喺度，點知無準備信，在搭車路上我通知姐姐過嚟攞返碎肉機同信叫她執好，我唔入去攞完就走，她回覆無信，最後我就搭返轉頭，再問她們點解無信，回覆叫我攞返個機先，之後又話無必要同我寫，好過份雖然都預咗但見她們無講話無信就以為已準備好順便攞返部機，最後連部機都無攞，因為來回2個幾鐘回家心情又再唔開心今次無同家人講，她們已經叫我唔好再做

下午茶自費送比媽咪的小龍包

燒賣

部份餸菜

星期日放假的準備

星期六姐姐放假一定遲收準備埋晚餐清潔埋廚房先收工

其中一個午餐

部份晚餐準備叫姐姐熱返就食得

BB滿月我都有送紅雞蛋同蛋糕祝福她們，可惜最後都無好收場，痛心

要求做的雞絲粉皮

提早要我幫忙先執好完工湯包的準備，完來早有預計，喺自己太傻做好哂隨時比人叫走