休假的一週

咁快又一個星期啦，呢個星期都唔知忙咩，上下堂整下包，同啲朋友食下飯咁就又星期六，今日個個都唔洗返咁可以休息下唔洗5點幾起身準備早餐，午餐盒，瞓到九點左右就起身，整早餐各人食咗各自活動，最開心昨日收到早前玩綱上遊戲得到本裱花書一本，好心急又睇咗一日，每次整蛋糕後最難都喺裝飾，見到啲立體花好希望自己都做到，但睇完真係覺得好難，用具又多而家還休假中，諗住學啲簡單先，真係唔舍得出去學太貴啦，下星期又返扎肚都好貴，考慮咗好耐最終都好想知道基本嘢好啲，所以貴都要去聽下，希望有得著

昨日掛住睇書，晚餐就簡單滾個菜連湯，蒸魚同煲苧頭排骨飯，簡簡單單又一餐

呢本書好吸引又睇咗幾個鐘，好開心

呢個就係鹽可頒話某簡出名的麵包賣的，我覺得味道只係普通豬仔包一樣，呢個喺包咗一件牛油後喺面加上海鹽去焗，啲女焗完見唔到牛油就話好好味，當凍咗見到就怕怕，下次整叫我唔好包牛油

返學二晚同啲同學喺呢間食，喺官塘一間飯堂食下午茶，價錢到七點味道唔錯價錢平好低食，今次叫一個炒麵同焗飯，每人$36還配杯熱飲

 肉絲炒麵多料還有部份脆脆

焗雞扒配菇，同學話好好味

飯後唔少得的咖啡

返學的二晚唔洗返就準備好先出門

整好的洋蔥蕃茄豬扒

蒸好的魚同豬扒放入蒸焗爐，她們回來凍咗一熱就食得，真係好幫手

女兒最愛的魚卜，咁就買二件細的有定要有卜

另一晚的晚餐

蒸得滑滑的肉碎豆腐蒸蛋好餸飯

閒來無事整的包包做早餐

咸牛肉又大又細喺家姐孫仔最愛

椰絲提子卷就係自己最喜歡的

假日前的準備同每日不同的小食配燉湯

今天又星期六啦又喺一星期最忙的一日，因為明天放假通常都會整定湯，早，午晚的餸菜比媽咪簡單煮，如果有人幫手就會好啲，因為準備大部份講聲點做就得，如果無人幫手就會盡量簡單好似煲飯就加碟餸一齊煲，湯就倒哂入湯煲加水就搞掂，菜通常就洗好配埋肉倒入鑊，炒下加些少水煮熟咗就食得，所以就做到無停手，雖然每日好忙，但都會整小食比媽咪配燉湯做下午茶，因為大部份的媽媽都只係飲湯，好彩今日阿b好乖,所以就做得輕鬆啲，而家喺暑假期間搭車好難，所以提早出門，因有時等成個鐘先上到車，雖然無遲只有早，但好浪費時間，收工雖然喺總站等，但試過一樣等成個鐘先上到，實在太多人，每日都用心做都係希望媽咪喜歡食，食得好自然身體好，今日媽咪先講話她的姑仔每日都等待我的小食，真係好搞笑

 自制小龍包再配自己開的醋，她們話好好味

 章魚肉碎腸粉等媽咪食完多啲奶

而家好方便買現成膠粉包入預先準備的料就搞掂

有花生醬料的西多士，順產媽咪12朝就可以食蛋，但開刀就等20後先食咁傷口先唔會容易發

自家做的麵包厚切帶咗二塊返去再開細，介開中間搽花生醬

 準備蛋汁

 將麵包放入蛋汁

 放入易潔鑊慢火煎就唔洗太多油

 今星期假日前的準備

下午茶晚餐在Apm food court

放咗差唔多一個星期，日日都出去同啲朋友，舊同事，同學食午餐或晚餐，今日淋住喺家休息下，晚上出去聽講座，點知陪月同學話不如一齊晚餐後去聽講座，因她剛接到份工下星期開工，好緊張想叫我同她講下點做，咁搞掂哂嘢再蒸左只雞，焗左條黃花魚同煲咗個什菜豆腐煲，等老公放工回來反熱同啲女就食得，出咗門本來話飲下午茶點知漏氣皇黎到差唔多五點，啲酒樓都收工，咁又想搵個地方唔洗比人趕，最後就去咗Food Court, 各自叫左個餐，都無特價，同學叫個滑蛋雞扒配味噌湯$68而我就叫左個豬扒麵配咖啡$45，個飯就好差，個麵都還好，但件豬扒好多油粉又厚，一邊講自己返工的情序，又講下有咩唔食得，頭個星期要煮啲咩，一邊食完就去聽講座，今晚喺聽母乳餵哺有得著，雖然話有嘢送最後話派哂有啲失望

 個麵就好，可惜幾擔就食完

 豬扒皮厚好油

 呢個滑蛋雞扒就睇唔到喺滑蛋

素餃配薄餅

今早啲女一早又出去上堂，煮咗麵各人出去，就上綱睇下嘢做下筆記，一坐又幾個鐘，細女話回來啦先知已二點，之前大女話想食韮菜餃，昨晚買咗料就拿拿聲整，一部份雪起，其餘煎來食，淨咗啲料加啲麵粉撈勻煎一煎又多樣，細女回來見到好開心

下午茶在官塘富臨

今日喺父親節，先祝每位父親健康快樂，雖然星期日但都喺好早起身，細女要出去教畫，我哋就去奶奶到飲早茶，估唔到未到八點都要等位，等咗二十分鐘左右先有枱，飲完上返奶奶到坐跟住就回家，老公就同大女講今日父親節最好的禮物就喺幫手慳咗幾百今晚出去食，原來想自己通冷氣，廳部冷氣溜水被人投訴，搵人報咗價但要等成個星期，老公就淋住自己整搵女幫手，點知都喺搞唔掂，已經差唔多搬到出來，但老公怕落咗上唔返怕女唔夠力，最後都喺放棄，又發現鋁窗鬆咗螺絲，又搞唔到一定要搵人搞先免意外發生，細女教完回來話請老豆飲茶還搵咗位，咁就出去食完返來再清理，去咗官塘富臨飲茶，哩間啲嘢比樂富好食啲，一邊食一邊傾今日教畫的趣事，又問家姐意見啲K1仔好難搞唔聽又唔話得，好煩教小學好好多，家姐就話一定要有耐性，多做就有經驗慢慢來，好快又五點，就話今晚唔洗煮，回去肚餓就煮麵同食生果