同大囡慶祝生日在滿屋

好耐未試過阿囡正日生日一齊食飯慶祝，先祝囡囡生日快樂，身體健康，事事順心幸福快樂，呢二日話天氣好差同打風，訂咗枱同阿囡食生日飯，昨晚細妹打嚟問明天是否照舊會打成嗎？我話應該唔會掛明天再聯絡，真係好好彩全程都好天無落雨還有太陽，大家都好開心，滿屋都喺同之前一樣，多咗啲新食物，出面都有些熱食同沙律，因為出去攞嘢要帶口罩，所以我就無出去，細妹就幫我攞嘢飲，我就點食物，去過幾間放題此中覺得呢間最好食，所以今次都喺嚟呢度，食物種類多又新鮮，而家午餐都有清酒飲，老公見到有清酒但又寫明午餐無提供，見人斟他又學人斟，回來試飲話一次就夠，味道好似我浸的糯米酒一樣，但加咗水好淡唔好飲，其它食物都好好味，價錢都喺無加，一個人連加一都喺210左右，邊食邊傾太開心好快又三個鐘，最後食埋每人都有個特別雪糕後就離去

每樣小小可以再試其它，魚生都多款，但我哋都喺食呢幾樣，如果好喜歡魚生喺度食真係好抵

 今次羊架老公話好味，可以食多件

 我就喜歡呢個蒜茸炎燒三文魚

 呢個蝦子沙律又喺好好味

 竹笙魚翅都好食

 吞拿魚壽司同蝦子壽司

 芝士牛肉同鰻魚壽司

 清酒

 花膠都好大件

天婦羅蝦好好味，新鮮做出嚟真係唔同啲

 海膽手卷喺大囡最愛

 個個食得好飽，只得細妹食少少甜品

 呢個就係限量板雪糕

每次我妹食放題有榴槤波就無走雞，又係只得她食，太飽都可以食得落2粒

豐富晚餐同大囡提早過生日

又喺放假中，過幾日大囡生日，疫情開始有改善，大家都開始正常工作，今晚煮咗豐富晚餐同大囡提前過生日，其實都係普通她喜歡的，本來話要食西餐煲咗蕃茄薯仔魚湯突然有啲事出咗去，最後都喺是旦煮，星期日正日又訂咗食放題到時食好啲，預祝囡囡生日快樂，健康幸福，蛋糕都喺細囡早日做定送比家姐，家姐當然話好好味，而家大啦唔洗唱生日歌，哈哈哈我就非常喜歡，開開心心又一餐

蒜蓉牛油蒸元貝

焗薑蜜雞翼拼薯條

蕃茄薯仔大魚尾湯

菜心炒墨魚滑

蠔油炆牛仔肉

免焗簡單的oral 芝士蛋糕

晚餐之生日外賣Pizza hut

今日又大一歲啦，近呢幾年一家都會 口我出外食自助餐慶祝，今年環境問題都無慶祝，今晚啲囡話叫外買唔洗煮，咁啱個個都返工，咁就叫外買，之前試過她們叫回來的都喺麻麻，今次叫pizza諗住pizza hut會好啲，點知都係好失望，老公話應該送餐的人跌過啲食物，因為開盒時啲湯有碗得返半，成個盒都有湯我話影底投訴下，點知老公話算啦可能新仔，而家啲嘢真係差哂，只得個pizza好啲，阿囡叫咗個餐再加雞翼同濶條麵，個麵要80蚊就唔抵焗到乾哂，其實另加就最唔抵，但都係一餐，阿囡買咗飯後甜品，綠茶千層蛋糕，蘋果批同朱古力批，午餐個媽咪知我生日請我食咗蛋糕，所以我叫啲囡唔好再買，今年生日雖然靜靜哋簡單食一餐，但都收到好多祝福，多謝同我講生日的每個人，好開心喺咁樣的環境做咩都無心機，希望疫情快過，大家可以過返正常生活

豐富晚餐提早做生日

話咁快又星期日，忙咗一星期今日又可以休息一下，呢個星期BB滿月，表情多多好開心，但又開始扭計要人抱，呢對爸媽同婆婆好錫，一咸就立即抱BB好醒目，我有時都無耐照抱，訓練唔到她扭抱，因為我唔抱，她們是旦一個都會幫我抱，出世只得5磅的囡囡而家見到肥胖的腳仔，面都脹卜卜而家無120都唔掂食得好好，今早自己都係瞓好少就起身煲粥，二個囡最喜歡，細囡一早要去老師度做啲嘢，叫我煲粥就好，搞掂完買點心回來食，實在好耐無飲茶，我炒咗麵同腸粉，阿囡回來買咗好多，但就話買唔到最喜歡的雞扎，鳳爪同燒賣，好彩都有家姐的雲吞同爸爸的咸角，開開心心又食咗餐豐富的早午餐，之後同老公出去買餸，過二日就係我同阿妹的生日，同月同日好啱唔同年，阿妹話太耐無嚟今晚一定要過嚟，咁就買咗她喜歡的蝦煮茄汁同她喜歡的燒鴨，因為環境問題唔想她周圍去，叫她直接坐車到我家，咩嘢都唔洗買如果唔係她一定買蛋糕，我話遲啲環境好啲先補食，開開心心又一餐

 茄汁蝦

 鮮魷炒西蘭花

 椰汁咖喱雞

 皮蛋豬骨粥

 豉油炒麵

 XO醬炒腸粉

 阿囡話喺整磨米水做的腸粉，蝦同义燒，唔滑還有啲唔太好的味道，應該唔會有下次

 其中一餐老公休息煮的好豐富

潮州打冷一定食，又貴又少，自己煮就咩嘢都可以多，有晚回家搭唔到車喺香港買回家加咸菜本來諗住炒定留第二晚，老公話太香食啲先，哈哈哈

臘腸炒芥水，阿能好耐無食，老公又炒得好，好快就清哂

 呢餐喺煮比個媽咪的其中一餐

 好想食香口嘢就整個椒鹽排骨唔辣板

 節瓜炒墨魚丸

 杞子肉丸炒菠菜苗

 其中一餐的燉黨參配鮮蝦椰菜腸粉，每日燉湯一定配一款唔同的小食，都喺想個媽咪食得開心

囡囡表情多多

 滿月唔少得我為她們準備的蛋糕同紅雞蛋，希望她們日日都健康幸福開心快樂