4月生日月慶祝飯食不停,今日星期日唔需要返工,家姐約咗我同阿妹食韓燒提早慶生日,我同細妹咁啱同月同日多數都一齊慶祝,我哋正日家姐已經過法國就先同我哋慶祝先,今早起身準備簡單早餐同老公食後整咗包清潔一下就出門,我哋三個好耐無一齊食嘢,大家開工都好忙,家姐成日2邊走,大家好早去到邊食邊傾,唔覺唔覺坐咗4個鐘,跟住同家姐買嘢比啲孫仔後各自回家,阿妹就上咗我家買埋蛋糕切咗先,晚餐我就無食太飽,而阿妹就同我家人一齊食,簡單又一煲粉麵菜,開開心心又一日
整咗啲包啲女起身想食就食
4月生日月慶祝飯食不停,今日星期日唔需要返工,家姐約咗我同阿妹食韓燒提早慶生日,我同細妹咁啱同月同日多數都一齊慶祝,我哋正日家姐已經過法國就先同我哋慶祝先,今早起身準備簡單早餐同老公食後整咗包清潔一下就出門,我哋三個好耐無一齊食嘢,大家開工都好忙,家姐成日2邊走,大家好早去到邊食邊傾,唔覺唔覺坐咗4個鐘,跟住同家姐買嘢比啲孫仔後各自回家,阿妹就上咗我家買埋蛋糕切咗先,晚餐我就無食太飽,而阿妹就同我家人一齊食,簡單又一煲粉麵菜,開開心心又一日
時間過得好快,BB今日滿月啦,今日好忙又去健康院打滿月針,今日午,晚餐都唔需要煮,午餐自己簡單食個麵,媽咪同老公去完健康院同我哋回家後就出去2人世界,晚餐嫲嫲爺爺過嚟出街慶祝,唔洗煮午餐只係準備湯同燉湯比媽咪,呢個媽咪好勁生完後今日先沖涼同洗頭,好聽中醫意見,只係抹身今日唔需要煮都好忙,去完健康院差唔多1點回家後立即同BB 沖涼餵奶搞掂她BB瞓一陣就去準備媽咪啲沖涼水,跟住就簡單煮個麵食完就準備埋燉湯做下午茶,之後就清洗奶樽,手洗BB 幾件衫,2-3日先開機洗大毛巾同床單,我喜歡2-3日就換一換反正開機,最記得有個姐姐好懶反正都開機,幾日先洗一次,最離譜喺沖涼巾話唔太污糟只係用一次幫bb抹乾身,叫我3日先好攞出嚟,我當時都唔太理,2日就掉出去話有尿,她好唔喜歡我咁做,我理得她,放工時同媽咪,BB影相,BB 好醒目無瞓好乖跟住就放工,以為可準時收,最後都遲咗半個鐘,6點幾先收工回家
滿月早一日的午餐請媽咪食魚同蝦
椒鹽蝦食咗成世開心笑哈哈
蝦豬肉釀豆卜杞子菠菜
東星斑
滿月第一條新群仔
表情多多自己攞埋公仔
咁快又清明,雖然放勞工假今日可以休息,但我都喺開工,完工提早一日完,呢個媽咪無人幫手所以我返咗先,老公太多假放多2日家中要維修,住咗20年喺時候要維修,今日老公只係簡單買只雞,在家沖茶同只雞裝香比4大長老,而家好簡單只係一個心,之前先拜我老豆,月中有車上再去拜老爺奶奶,我媽咪最遠喺和合石要等5月尾家姐喺法國回來又有車上先去,今日都喺好忙,BB開始要人抱又唔喺點瞓,做嘢就好趕如果瞓咗就好啲,今日唔知咩嘢事扭咗一日,抱下搖下整嘢搞到個人好攰,回家沖涼食完飯又喺sofa瞓咗,老公都唔舍得叫我,成日叫我唔好做,雖然喺攰但做得開心,呢幾日假期都唔需要早起整午餐盒,她們自己搞掂,所以我覺得無問題
今日仍然放假個個唔需要返,我就唔需要早起,但自己就要開工,每日返去都好忙,先清楚媽咪早餐的碗碟後清理埋昨晚的湯渣煲先可以去洗一大盤的奶樽同泵奶氣,呢個媽咪無工人,老公又返工個媽咪怕老公辛苦自己全照顧個女,我去到就立即回房休息,最記得第一個星期日放完假回去倒湯渣時發現星期六的無倒就咁加星期日的湯料一齊煲,我無諗過咁離譜之後同他們講最好清理咗先原全唔同味好浪費而且再煲就無營養而且可能有問題,之後星期一回去時就無再見,老公放假今晚又買餸煮,回家沖完涼就開餐
唔經唔覺已經返咗大半個月喇,返咗工之後都好忙晚晚唔係一煲過就外賣,今日老公開始放復活節假,今晚可以煮返餐知我喜歡專登買蟹,我雖然好鍾意食但係太攰都唔係太想食,留咗部分明日星期日放假阿妹過嚟,都喺最鍾意食嘅蟹,做咗大半個月BB 頭幾日好乖食得好又瞓得好,好快就退黃,但跟住第二個星期就開始食飽都唔瞓要人抱,呢個媽咪辛苦啲無姐姐幫手,晚間自己跟老公要返工,她又唔想嘈醒老公,所以阿囡咸就立即抱,自己餵奶同換片,所以我早上都盡量早雖然返10點15分,好多時都9點半左右就到,如果去健康院就8點幾因為媽咪約得早,晚上盡量搞掂哂餵埋BB 先走等媽咪可以休息,晚間無得瞓都唔太辛苦,好多時都遲成個鐘,最遲個半鐘,所以都喺辛苦老公煮,每晚返去沖完涼就有得食,食完喺sofa休息一下,點知成日都瞓咗到11-12點起身準備些少明天的早,午餐就去休息
開工差唔多個幾星期非常忙,今日星期日有得休息但一樣晨早起要準備嘢去拜老豆,因為家姐又要過法國而家要有車上先好,個個年紀大唔喺點行得,約咗家人十點山腳等,好多年無見咁熱鬧,車隊都排差唔多成個鐘,上到去都就藤12點今日天氣好好,實在太熱每次都會陪老豆食嘢先走,今次就太熱只係家姐同姐夫食些少嘢就搭返車落山後喺附近飲茶休息一下,阿妹叫咗好多嘢話要請我哋,咁今晚就是旦整比啲女食,拜完山的雞,乳豬同魚加多個菜煮個忌廉湯就開餐
呢個龍躉飯,姐夫話唔係太新鮮所以覺得麻麻,我就覺得幾好,可能唔識食只係覺得少咗啲,得幾塊
今日星期日可以休息,正常開工2日啲媽咪都需要我星期日做埋遲啲先計返呢日,呢個媽咪覺得唔需要因為囡囡好乖食飽就瞓她們搞得掂,其它等星期一我返先處理,只準備咗湯同2日的早餐比她們,咁我就可以休息一下,好彩對腳搽咗藥油同貼咗膏布好咗好多,行得好啲無咁痛但喺都要慢,星期日都喺瞓到8點幾,起身整早餐同老公食,啲女瞓到夠有需要先整,食完早餐就清潔一下同睇下要買定下星期她們帶飯啲料,今日約咗細妹飲茶,飲完就買餸回家,2個女今晚喺到食話食麻辣雞,阿妹又話要打邊爐,每次麻辣雞都要2只雞,今次無茄子就咁煮好食完就加水入去打邊爐,其實打邊爐興趣唔喺好大,因為開工都喺一煲過同打邊爐無咩分別,阿妹就好開心買咗pack魚皮話啱哂打邊爐,簡簡單單又開餐
今次好多芫茜
滾起就食得