早茶在彩晶軒

今日難得一家四口有時間，啲女就話去飲早茶，好耐無去咁專登去官塘飲早茶，之前同朋友來飲過早茶都好平，咁就提議去彩晶軒，點知過年無咩特價，要過咗年先有之前特價嘢，咁啲女話無所謂食餐好啲，哩間啲嘢真係幾好，如果特價就好底食，如果無對我來講就真係貴，茶位早市都要$9.8，細點就$18.8, 中就$23.9，大就$28.9而特就去到$33.9,是旦叫幾個都要幾百，今日我就叫咗特價個幾樣再加多三個點心，埋單就差唔多三百，但啲女就好喜歡話樣樣都好好食，是實上我都好喜歡，但價錢就貴咗啲，快樂時間過得好快，傾下講下好快又十一點幾，我同老公就去睇奶奶而啲女各自有節目

連枱號都用水晶幾貼切酒樓名

今日有四樣特價，第一樣就係蝦球蒸豆腐，蝦只有一只但豆腐好滑好好味

 第二樣蒸芋頭糕

 蒸鯪魚球

 第四樣就哩個涼瓜魚茸煎餅，幾特別都好味

 蠔豉豬骨粥，好香，粥好滑同好綿

 醬汁咸菜豬肚煲，啲女同老公都話好好味

 哩個特式花雕义燒包煲仔，來到先倒酒好特別但唔夠熱無咗沙一聲，但啲女就話好好食

 紙包牛仔骨，原來用錫紙包，我還以為真係紙，好似紙包骨個種

溜沙包個大女好想試 

 個女話好好味