大年初一的晚餐

今年年初一因為太凍，啲菜好貴連超市都無菜，好早年代無超市街市又無咁早開，通常就會買定菜同肉留初一到初三食，後來有超市就唔需要買定好多嘢，今年估唔到又無菜買，好彩昨晚買咗二個生菜帶咗個去奶奶到煮團年飯，咁今晚就有菜食，唔煮的細妹上來拜年順便食飯，今餐無咩餸她就話點解菜唔買多啲，唔只菜貴的阿妹就係咁，想買都買唔到，今晚就簡單滾個礶頭粟米豆腐湯，又唔記得無哂粟米，點知喺超市又攞錯礶粟米蓉，開咗先知都無法，唔知喺唔係今日出去又冷到，回家自己又唔舒服咳到暈食咗葯只係想瞓，簡單煮咗搞掂啲嘢都去瞓，是是但但又一餐