學校午餐之團年節飯

哩兩日好忙，而且好激氣，中午學校買啲义燒唔得，放工又被人騙 ，學校團年之前都係煮幾樣斬燒味，今次就只買义燒同燒肉，點知買開個間轉咗師父，啲义燒好紅無人夠膽食，最好笑啲西人問喺唔喺假都唔咁食，雞就自己整同整個素翅鮑魚冬菇菜，仔就跟餐單煮，今晚放工又趕去攞50只桔，明天帶回校，真係好激氣被人握，買50只要$80蚊，又無啦啦叫我買柚同車哩子要成$100,我好似撞鬼，咁大個女都未買過咁貴車哩子，平時百佳$40蚊我都唔會買，今次要成$88蚊磅好肉痛只係得三十粒左右，個柚更慘乾水同苦，我無啦啦照比錢行下行下好唔開心，連餸都唔記得買，最後就去返超市買咗個生菜回家煮麵