喺官塘同老爺提早食中秋飯在皇庭滙

時間過得好快，奶奶離開差唔多一年，因為每個家啲人多咗啲小朋友又大咗，舊年中秋開始已經無上我家過節，喺老爺家附近的酒樓食，回想舊年喺第一次出外食過中秋雖然有人不滿先離開，但無影響奶奶的興致，反而見她果晚食得最多同好開心，是否知道自己會離去而同我們食最後一餐，雖然今年又去返果度但已轉手另一間細咗，啲嘢食就麻麻，樣樣都好咸，因為人多又有人話要食好啲，我覺得個餐就好好但無法唔係我話事就再另加餸，其實眼濶肚窄，本來個餐就$2500，反而加咗三樣連另多咗啲人茶介加一埋單就$3500，其實平分去計都無所謂，最後都係差唔多我哋出哂，就有啲感覺不太好

呢個黑松露炒翠瓜買相唔靚

都無咩人食好浪費

 個魚翅就好水無咩料

 加的扇貝本來要四份淋住一人一只，點知黎咗12只，如果唔係睇一睇就比握咗四只，都幾離譜