平安夜的晚餐

今日如常上班，都喺收早半個鐘，以前公司會開party或者出去食餐好啲，但哩到啲人唔太好，各自食以為自己幾叻，好多時買咗野四個收起食，但又要喺我哋面前樣一樣，以為我哋好想食，真係叫她們慳啲啦，我哋又唔係食唔起，今餐我就同花姐二個叫外買食好多野，一個常餐就有米粉，雞翼，多士同奄列，再加多個午餐有湯有飯同飲品，$80蚊咗右二個食到飽都食唔哂，好開心傾下食下
今晚以為只得我同老公食淋住清舊餸，點知阿妹打來話上來晚餐無節目，細女又話趕得及同我哋食，咁放咗工去超市睇下有咩買，買啲菜，見到青口都幾口又買咗雞翼，今晚平安夜應該食火雞，我就食雞翼應下節，簡單醃咗雞翼，再用蒜茸黑椒去焗青口，阿妹又帶來壽司，簡單的晚餐變了豐富的平安夜晚餐

最喜歡就喺醃好野放入焗爐方便又唔洗睇火

 青口就更放便，用鹽水解凍後加入蒜茸同黑椒去焗15～20分鐘左右就食得

 雞翼焗到差唔多就放入青口一齊焗，咁就可以一齊食