晚餐之羊腩飯煲
每日返到去只係聽到啲人話幾忙幾忙，但我相信無人忙得過我，啲人如果真忙就唔會有時間食嘢，傾計同搵人錯處再去同主任講，真係好小學雞，今日差唔多收工時主任就攞杯嘢搵我，問點解今次啲湯蓮藕無去皮同頭，我就話有去皮而且次次煲都喺咁，可能主任從無留意，她就說下次去頭啦怕西人見到怕唔飲，由我煮到現在西人唔知幾鐘意無論湯或餸，每餐食完都專登入廚房同我講好yummy又多謝，令我不知幾開心
今晚又羊腩煲同蒸條魚，菜啲女就想食完羊先加，最開心就係咁簡單，唔洗點搞，又可以一邊食一邊傾，時間過得好快又要快手快腳，明天大家還要早
煑大鑊飯好大壓力，係高難度挑戰，你仲係半途轉行，真係好叻! 換個角度睇，小人令自己不得不急促適應環境，變得更獨立堅強!
回覆刪除豬豬好多謝你，我都覺得自己好叻，估唔到做到但壓力大唔係煮而係比人玩，如果唔係應該真係幾適合我，我不知不覺都就來半年啦，有得益廋咗十磅，老公同啲女就叫我唔好做，見我咁辛苦，每晚食完飯就喺sofa瞓著，有次真的有想過唔做，但我又好鍾意，因為哩到啲西人老師個個都好nice,只係個四條友，中西老師都無要求，還每餐都讚美同欣賞，所以我一定努力唔會比人得意，那四條友好想玩我走，不停玩嘢我都唔理做到就做，無論她們或主任同我講咩我都說好就算，我做到的就做，做唔到都無法，再一次多謝你的鼓勵
刪除此留言已被作者移除。
回覆刪除