有機紅菜頭湯配燒汁煮雙菇釀雞翼

早幾日老公除咗帶個有機紫甜椒還有個紅菜頭，今晚放工淋住買條魚尾去滾個紅菜頭，點知買唔到最後買咗2件鯇魚，1件滾湯另一件去蒸，後來因為釀雞翼有啲骨，咁就唔好嘥將鯇魚起骨同雞骨一齊去煲，是實上我第二次飲而老公同啲女就第一次飲，怕她們唔飲因點色好紅, 她們最怕加左蕃茄咁啲色就無咁誇，而且酸酸甜甜好好味，最後煲湯飲哂個個話好飲，下次可以自己買來煮

有機紅菜頭

材料: 雞翼12只, 金菇1包, 雞脾菇1只, 紅蘿蔔1條, 蔥些少 
醃雞翼 : 酒1湯匙, 蒜鹽半茶匙, 生粉1湯匙
燒汁: 酒1湯匙, 豉油1湯匙, 蜜糖1湯匙, 芝麻1茶匙, 水2湯匙

雞翼用鹽水浸浸可去雪味

雞翼起骨先用較剪喺翼中間插入貼骨剪入

去到尾用手鬆鬆後拉出

將骨左擰右擰就會鬆出或可用較剪剪出

起好的雞翼沖洗沬乾加入醃料

將胵脾菇洗淨切條, 紅蘿蔔去皮洗淨切條, 金菇去尾沖洗

將金菇, 雞脾菇同蘿蔔放在一起後釀入雞翼內

好快就全部釀好

將燒汁拌勻

將雞翼放入先大火煎

一邊金黃轉另一邊

2邊煎好轉慢火蓋上蓋煮5分鐘

5分鐘後雞翼差不多熟就將燒汁分3次加入

等雞翼慢慢吸入汁液

最後拌入蔥就可上碟

紅菜頭湯料 : 紅菜頭 1個, 蕃茄2個, 紅蘿蔔1條, 薑絲1湯匙
                       鯇魚骨1件, 雞翼骨10-12只 , 酒2湯匙, 暖水 

先將紅菜頭同紅蘿蔔去皮洗淨切細件, 蕃茄洗淨切細件

先將魚骨同雞骨用薑絲炒香

炒香後原邊倒入酒後加入暖水大火煮15分鐘

轉入煲轉中火煮滾

加入紅菜頭, 紅蘿蔔同蕃茄繼續煲多15-20分鐘

煲好後取走雞骨加鹽調味就飲得