第一次的名貴朱古力

先多謝靚太會送左一張優惠券給我，去到這間名店見每粒一蚊大的朱古力都要$21，我就好唔捨得買，張優惠券比左個女有需要送禮時用，點知今日她就去買野， 剛好做特價，本來$150一罐，買一送一估唔到個女都買，送左2罐比人，自己2罐，但張優惠就用唔到，最後買咗三粒再補$13蚊比我地試，點知阿姨來，個 女好識做比左罐阿姨，後來因為唔同味就開哂一齊試，我就覺得無咩特別，就算特價咗我都覺唔值，可能我地啲師奶唔同，唔寫得食，好似$21粒個粒可以食碗粉 我就食粉好過，不過試下無妨喜歡再食

粒裝味道普通 粒裝味道普通

這款脆米片裝最好味，可以再食

$21蚊粒的三款，藍莓芝士太甜，海鹽的幾特別咸咸地

用煲仔煮薑蔥蒸蝦

咁快又星期六去完老豆到就趕回家煮飯，大女今晚機去星馬交流，咁老公又好重手買咗成百蚊斤中蝦都好大只，只只好生猛，新鮮蝦通常都白芍再點豉油，今次就加薑蔥去蒸好似蒸雞咁，非常好味連豉油，鹽都無用，簡單煮出鮮甜味，最開心喺我妹妹因為好鍾意食蝦，今晚可以食餐飽

 材料：中蝦1斤，薑1件，蔥3-4棵

 蝦沖沖水，薑拍平，蔥切段

將薑放煲底再放蔥

 蝦平均放入煲

 用中火煮5分鍾

 5分鐘後反一反再蓋上蓋煮5分鐘焗3分鐘

 所有蝦轉紅就熟

蕃茄雞脾菇拌素鴨

今晚返到屋企又好遲，去到街市買咗魚同菜就淋住去超市買啲肉，但又喺公司執左啲野攞回家非常重，最後都喺直回家，又摷雪櫃睇吓有咩可以煮，有蕃茄同素鴨就齋齋地煮，清清淡淡又一餐

材料: 蕃茄3只，素鴨1包，雞脾菇1只，干蔥3只，
           薑3-4片，蔥些少

素鴨一開二，雞髀菇切條，蕃茄一開八，乾蔥切絲

先將素鴨拌粉

底面都黏滿粉後將多餘的拍走

放入鑊煎香

煎好一面再轉另一邊

煎到周圍脆身，將素鴨回碟用紙巾墊住

原鑊加入干蔥，雞脾菇同蔥炒香

炒到有香味加入蕃茄

炒勻加些少

蓋上蓋煮4-5分鍾左右

煮左幾分鐘蕃茄淋哂就鹽同糖試味

將素鴨切件

放入碟中間

將煮好的蕃茄沿邊倒入碟，中間放些少蔥就搞掂

人生第一次煮百幾細路同大人的午餐

悠悠閒閒做左二十幾年的文職，好快就無得做，今日有機會比我見識到煮百幾人的飯同洗幾百個碗碗碟碟，成個早上忙過不停切切煮煮感覺好好玩好開心，點知到晚上回家才知未道，可能穿在成12個鐘鞋無除到回家腳板起哂水泡，而炒餸的手開始隱隱作痛，可能我真的唉唔住，老公好心痛就算請我都叫我唔好做，我自己就好想試，搞到今晚老公煮飯簡單蒸魚同炒菜，本來去完返屋企時淋住去超市買肉但最後都無，因隻腳真係好痛，就叫老公加熱下午食淨啲咖哩薯仔炒肉粒，因煮得太多食淨就一人攞啲回家，是是旦旦又一餐

 下午煮的其中一樣咖喱薯仔肉粒

 女兒煮的粟米湯

 老公炒的蒜茸白菜仔

薑蔥蒸鱸魚

 今日試工的廚房

 收工時才有時間影相，因要清潔拖

廚房地，今日好多人生第一次，真的好難忙