馬友咸魚蒸鮮盧魚

今日午餐又同同事行葵芳村入面，同事見到有咸魚話好底叫我買，我話好少食而且我都未正式買過，點知個老板話好好食叫我買少少試下自己曬叫我放心食，而且重教我用咸魚蒸鮮魚，但一定要淡水魚，好似鯇魚或大魚，我話未聽過，他就話以前d人多數咁蒸，你媽無煮過嗎？我話聽都未聽過何況食，咁我就買咗一包仔，今晚返到去就專登上街市買鯇魚，點知無咁就買咗條盧魚，返到屋企都喺引唔住去試下用咸魚去蒸條鮮魚的味道喺點，我就好喜歡樣樣試唔好食下次就唔整，終於試到味道就好特別條魚吸收左咸魚味，我覺得如果唔喜歡咸魚就唔好咁煮，因未必接受就好似臭豆腐一樣唔係人人都鍾意

材料：盧魚一條，咸魚一細件，薑絲1湯匙，花1棵
調味：豉油1湯匙，油1湯匙，糖半茶匙

 盧魚洗淨沬乾，薑洗淨切絲，蔥洗淨切絲

 咸魚洗淨去骨切細粒

 先用些少蔥放碟底再放魚，將咸魚粒平均放在魚面

 最後將薑絲放在咸魚面

 水滾放入魚蒸8分鐘左右就可以

 蒸好後的魚汁可倒掉才加豉油汁，隨個人喜好

 我通常就無倒直接加豉油汁後就多焗一會