晚餐在西灣河的吹水館

今晚撇開老公同女約在剛由日本回來的舊同事出去食飯, 原來今晚喺萬聖節, 大家都忘了但都照出去, 同事話有朋友介紹西灣河的吹水館幾好問我有無去過, 好失禮, 我好少過香港食野, 多數一d酒店做優惠先會過去, 咁同事就一早訂左枱, 去到無咩人可能太早, 我地坐底就睇吓有咩食, 一個普通有湯, 主菜加杯熱飲set dinner 最平都要198, 未計加一, 對我哩講都好貴, 如果好食簡唔中都無所謂, 但好失望唔直, 樣樣都好鹹, 由其是我的牛扒, 我就淋住算, 但我同事叫個伙計來同他講點知他話無可能, 我地就問是否煎好彼重手左, 他沒理只喺唔信又無出聲同我換, 最後我地就算, 食完就走, 以後一定唔會再去 

食完就喺附近行吓, 見到班哇鬼就影吓想, 雖然食得唔開心, 但第一次見到d鬼都好有興趣影d想

三色椒炒雞軟骨

今晚好彩準時收工就搭地鐵再轉小巴, 六點差不多到家附近就行上去街市, 我住的村就無街市通常喺超市搞掂, 如果早就行十分鐘左右去隔離街市買餸, 買左好多野, 多野就豐富d, 其實都喺多左碟九肚魚, 細女同老公都好鐘意食, 剛好收工又平就買左返去, 又買左d女鐘意雞軟骨, 今次就簡單用沙茶醬加三色椒去炒開開心心又一餐

肉碎蒸蛋

最近老公的午餐盒都好簡單, 大部份都喺蒸同飯一齊煮, 乾手淨腳又方便, 好似今日少少肉碎加2只蛋, 簡簡易單又一餐

 材料: 肉碎半碗, 蛋2只
先用水沖一沖肉碎加鹽同糖撈勻

 蛋發勻加水再搞勻(我通常蛋同水一比一)

 過濾蛋汁, 想滑d就要最少2次

 將肉碎同蛋撈一撈

 放入飯煲同飯一齊煮

腸仔薯絲薄餐

有時煎薄餐唔一定要用蔥同火腿, 今次家中就剛巧無哩2樣野, 老公又想食, 咁就摷下雪櫃有半包腸仔加d西芹葉同一個薯仔都可以煎出好味薄餐

 材料: 麵粉一杯, 暖水一杯, 腸仔2條, 薯仔一個,  西芹葉些少

三文魚頭豆腐白菜湯配豉汁排骨臘腸煲仔飯

有時就喺咁, 淋好左今晚上街市要買d咩, 準時五點收工早d回家就一定搭地鐵轉小巴, 但最後因公司有d事就六點幾先走得, 回家又喺入超市是旦買d野煮, 最快手就簡單滾個有魚有菜湯, 再加一個有肉煲仔飯, 老公同d女返來就如常八點半開飯

香草焗薯配魚柳

昨晚買左d薯仔好大只又好靚, 今早就整薯條加多件魚柳再配栗米同車哩茄, 簡簡單單又一餐

材料: 薯仔2只, 魚柳2件, 車哩茄8-10粒, 栗米一碗

先將薯仔洗淨切條, 栗米洗淨後用熱水浸浸
魚柳洗淨加入鹽糖撈勻

切左薯仔入大碗加入半茶匙蒜鹽和一湯匙香草拌勻後
再加入一湯匙油撈勻(加入可以令薯仔更脆)

倒入焗盤

200度焗30分鐘左右 (每個爐溫都有不同, 可自行再加時)

魚柳pop上生粉

放入煎pan煎到2邊金黃同熟

食時可拌入茄汁或沙律醬

炒潮洲麻葉

今晚只得我同老公食, 2個女都有節目, 咁就是旦滾個湯煮過薑蔥三文魚頭, 點知記起早時大伯送來一包潮洲麻葉, 老公同我二家姐都好鐘意食, 有時專登出九龍城買返去炒, 但我同d女就唔識欣賞, 因為炒得好都有些少苦, 一定要加肉碎同大量蒜蓉去炒先好食, 今次又分享吓點去炒

魚柳栗米蒸陳村粉

早餐有時唔知食咩野, 可以好似我咁簡單蒸個陳村粉都幾好嫁

材料: 陳村粉半斤, 魚柳2件, 栗米半碗
          先將魚柳洗淨用鹽和糖撈勻, 
          陳村粉用凍滾水沖一沖切細段

 先將陳村粉放底

 放入魚柳和栗米

 水滾蒸10分鐘左右

 魚肉變白就熟

 加入豉油同麻油就食得