蘋果菠蘿意醋骨

今日喺學校又喺簡單煮再幫手清潔，勞動工人真的好辛苦，這幾天終於體會到，從未做過清潔的我攰到筆墨難以形容，比煮百幾日的午餐更辛苦，女兒同老公都叫我放棄搵過第二份，但我仍堅持，可能我未慣，轉左這份工家人都好體諒，家中的家務大部份都喺老公做，現在更加連洗碗二個女都輪流洗，真的好攰，昨晚食完在sofa瞓著最後的blog未寫完就出左
今日因八號風早收左去睇完奶奶，回家都係五點半左右，又去超市買餸，打風者咁早可以咩野菜都無，只有包裝娃娃菜，肉肉都無咩，好彩喺冰櫃還買到包豬軟骨，再買咗包冬瓜湯包就回家，因打風本來二個女都唔返最後全部回來食，啲女見到豬軟骨好開心話好耐無食，轉左份工初期餐餐都差唔多一煲過，真係唔好意思，多謝家人的體諒，今晚好開心傾下食下又一餐，食完都係八點左右淋住可以寫下blog, 做下其它野點知更早在sofa瞓左，到九點幾老公先叫我不如上床啦，咁又咩都無做到就瞓左
今次哩個豬軟骨我用左蘋果先同骨一齊炆，真喺好快淋，我只炆2次，每次15分鐘焗10分鐘左右就食得都唔世一個鐘就食得

材料：豬軟骨1斤，薑片6～8片，蘋果仔1只，菠蘿4片

調味：酒3～4湯匙，意醋1碗，水2碗，片糖半塊

先洗淨豬軟骨後抺乾水

先放薑片煎香後加入豬軟骨

先用大火將豬軟骨煎香2邊

煎好後先灑酒再加意醋轉中火炒勻

炒勻加入蘋果

加水蓋上蓋煮15分鐘

15分鐘後焗10分鐘左右，重覆1或2次

加左蘋果加左蘋果真的快淋我只喺重覆1次煮焗就可以

試味加入菠蘿炒勻就食得