在家悠閒煮煮煮之豐富假日早午餐

又到星期日，在家無所事事就只係煮煮煮，今日個個在家，昨日出去買咗啲料，今早就煲皮蛋咸肉粥，炒麵，煎腸粉同餃子，燒賣，啲女最開心，喜歡食粥，以前她們細星期日一定在家好多時都會整，但而家啲女大就算星期日唔一定在家，各有各忙，今早起身先煲咗粥，等她們起身先去整其它，我家個個喜歡炒麵，出面食好多時都好乾同好貴，自己炒又平又好味，今日炒咗一大碟豉油黃薑絲炒麵都喺十蚊左右，簡簡單單一個麵餅加芽菜加些少蔥做裝飾，個個都喜歡，我最開心就係大家一邊食一邊傾，開開心心又一餐

炒麵簡單材料，麵餅一個，芽菜$5，蔥同薑絲加多2只蛋

 先將蛋打散炒好加入薑絲同蔥頭

 炒到有香味就加入麵同芽菜加入豉油同老抽

 炒勻後加入蔥尾炒勻試味就食得

燒賣同餃子啲女最喜歡煎，脆脆燒賣話好好食，之前包好餃子唔需要解凍，放好後加水掂到餃子燒賣就可以

 蓋上蓋大約3+5分鐘，水收乾就開以

想煎脆脆可以加少少油，煎到金黃就食得