晚餐之椰汁豬扒

今日成日就係屋企煮煮煮，又到晚飯時間每餐都盡量魚，肉同菜，今晚人齊都喺煮飯同燉咗個北芪黨參燉雞，之前買定幾條魚，老公就覺得黃花魚放耐啲都無問題，通常都會半煎煮又或就咁煎都好好味，從未在家用嚟蒸，但之前就用唔同配料去蒸比啲媽咪食，今次試用梅菜蒸，老公話估唔到蒸都好好食，可以簡唔中用嚟蒸，今晚食豬扒諗住洋蔥蕃茄煮，突然見到雪櫃有樽椰汁煲湯水用淨就用嚟煮豬扒，費事放耐咗就浪費哂，搞掂又魚，肉菜開飯

呢個椰汁豬扒連老公都喜歡話撈飯就夠唔洗其它餸，哈哈哈

呢個北芪黨參燉雞燉比啲媽咪就多，自己都係第一次，料比一個人飲多，味道都唔錯，啲女唔飲藥材湯但呢個都喺飲就知好好味

第一蒸黃花配用梅菜嚟蒸，味道都好好，唔怪之得啲媽媽咁鍾意

簡單用椰汁煮豬扒材料都簡單只係2塊豬扒加半個洋蔥同一杯椰汁就搞掂

先將豬扒洗淨打鬆切細，可以成塊煎好再切細都可以

 豬扒先大火煎香2邊，煎到金黃色轉中細火煎熟

 先攞起豬扒，加入洋蔥炒香

 洋蔥炒到金黃有香味就將豬扒回鑊

炒勻後倒入椰汁用細火先唔會將椰汁煮燶，差唔多收汁試味就搞掂

梅菜浸洗後切細可加些少糖同油撈勻放入魚面，蒸出嚟更突出鮮味